Abrir el menú principal

Federación Socialista Asturiana

Partíu políticu español
(Redirixío dende FSA-PSOE)
Federación Socialista Asturiana (FSA)
Logo FSA-PSOE.svg
Presidente Vacante pola muerte de Rafael Fernández Álvarez
Secretariu Xeneral Javier Fernández Fernández
Secretariu Xeneral Adrián Barbón
Fundación 1891
Sede C/Santa Teresa, 20 - Uviéu, Asturies
Ideoloxía política Centro-izquierda, socialdemocracia, progresismu
Sitiu web http://www.fsa-psoe.org/
Notes Federación del PSOE n'Asturies.

La Federación Socialista Asturiana (FSA-PSOE) ye una organización política de corte socialdemócrata que constitúi la federación asturiana del Partíu Socialista Obreru Español.

Tres la creación del PSOE'l 2 de mayu de 1879, dirán entamándose grupos socialistes nes principales llocalidaes asturianes. D'esta manera surde en 1891 l'agrupación llocal de Xixón a la que sigue la d'Uviéu en 1892 y les de Mieres y Sama (Llangréu) en 1897. Ente los años 1899 y 1901 el socialismu enraigona n'Asturies y finalmente'l 27 de xineru de 1901 celébrase nel Centru Obreru d'Uviéu'l Congresu fundacional de la Federación Socialista Asturiana del Partíu Socialista Obreru Español (FSA-PSOE). Manuel Vigil Montoto ye escoyíu presidente del primer Comité Provincial.

En 1934, la FSA formó parte de l'alianza obrera formalizada na UHP y tuvo acordies col pautu suscritu ente'l sindicatu socialista UXT y la Confederación Rexonal del Trabayu d'Asturies, Lleón y Palencia de la organización anarcosindicalista CNT. La UHP —a la que se-y diríen sumando depués otres organizaciones obreres— tuvo una importancia significativa na Revolución de 1934.

Mientres la Guerra Civil Española'l socialista Belarmino Tomás va presidir el Conseyu Interprovincial d'Asturies y Lleón, tresformáu depués en Conseyu Soberanu d'Asturies y Lleón.

Tres el franquismu y cola denomada Transición Española, la FSA repon el protagonismu. Nesa dómina Felipe González va dar un un mitín nel estadiu d'El Molinón de Xixón al qu'asisten 25.000 persones.

La FSA consegurirá algamar la Presidencia del Principáu en 1983 con Pedro de Silva Cienfuegos-Jovellanos. En 1991 asocéde-y Juan Luis Rodríguez Vigil Rubio, quien en presentando la dimisión pol escándalu del Petromocho va ser sustituyíu por Antonio Trevín Lombán en 1993. Tres una llexislatura na oposición, la FSA consigue en 1999 de la mano Vicente Álvarez Areces aportar de nuevu al gobiernu autonómicu.

Ver tamiénEditar

Enllaces esternosEditar