Sergio Marqués
Sergio Marqués Fernández (4 d'agostu de 1946, Xixón – 8 de mayu de 2012, Xixón) foi un políticu asturianu, presidente del Principáu d'Asturies ente 1995 y 1999.
Sergio Marqués | |||
|---|---|---|---|
 | |||
10 xunetu 1995 - 20 xunetu 1999 ← Antonio Ramón María Trevín Lombán - Vicente Álvarez Areces → | |||
| Vida | |||
| Nacimientu | Xixón, 4 d'agostu de 1946[1] | ||
| Nacionalidá |
 España | ||
| Muerte | Xixón, 8 de mayu de 2012[2] (65 años) | ||
| Estudios | |||
| Estudios | Universidá d'Uviéu : derechu | ||
| Llingües falaes | castellanu | ||
| Oficiu | políticu, abogáu | ||
| Premios |
ver
| ||
| Creencies | |||
| Partíu políticu |
Unión Renovadora Asturiana Partido Popular | ||
 | |||
Biografía
editarLlicenciáu en Derechu pola Universidá d'Uviéu. Miembru d'Alianza Popular dende la so fundación en 1977. Foi diputáu de la Xunta Xeneral dende 1987.
En setiembre de 1993 elixéronlu vicepresidente del Partíu Popular d'Asturies. En 1995 tres la renuncia d'Isidro Fernández Rozada a ser candidatu a la presidencia del Gobiernu asturianu, ganó nes eleiciones con mayoría simple. Sicasí, les diferencies de criteriu de Sergio Marqués que caltuvo con dellos dirixentes del so partíu como Isidro Fernández Rozada o Francisco Álvarez Cascos propició que dexara la disciplina del PP con otros compañeros del partíu en 1998 fundando la Unión Renovadora Asturiana (URAS) el 2 d'avientu d'esi mesmu añu. Gobernó en minoría hasta la fin de la llexislatura en 1999.
Esi añu, presentóse otra vuelta a les eleiciones autonómiques embaxo les sigles d'URAS. La so candidatura algamó tres diputaos, colo que se convertía nel cuartu grupu parllamentariu tres del FSA-PSOE, PP y IX. Nos comicios de 2003 concurrió otra vegada, pero ensin algamar el 3% de votos mínimu necesariu p'acceder a la Xunta Xeneral del Principáu d'Asturies. La so formación política sufrió entós un procesu de tresformación que la llevó a axuntase al Partíu Asturianista na coalición Unión Asturianista, cola qu'optó otra vuelta a les eleiciones de 2007. La xuntanza de dambos partíos tres de la perda de la so representación nel parllamentu autonómicu, nun sirvió pa qu'algamaren el sofitu suficiente pa tornar a la Xunta.
Tres de les Eleiciones a la Xunta Xeneral del Principáu d'Asturies de 2007, Marqués anunció la so marcha de la política activa.
El 8 de mayu de 2012, l'ex-presidente del Principáu d'Asturies finó por mor d'un ataque al corazón.[4] El Gobiernu del Principáu d'Asturies declaró, darréu, trés díes de llutu oficial.[5]
Referencies
editar- ↑ Afirmao en: Diccionario biográfico español. Identificador DBE: 46470/sergio-marques-fernandez. Apaez como: Sergio Marqués Fernández. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
- ↑ «Sergio Marqués, único miembro del PP que ha ocupado la presidencia asturiana» (castellanu). Consultáu'l 23 xunu 2012.
- ↑ URL de la referencia: https://www.asturias.es/ast/detalle/-/categories/1527615?p_r_p_categoryId=1527615&_com_liferay_asset_categories_navigation_web_portlet_AssetCategoriesNavigationPortlet_articleId=2920211&articleId=2920211&title=Medallas%20concedidas.
- ↑ Fina d'un infartu Sergio Marqués, presidente del país ente 1995 y 1999 Archiváu 2021-10-19 en Wayback Machine Asturies.com
- ↑ El Principado decreta tres días de luto oficial por la muerte de Marqués Archiváu 2016-03-04 en Wayback Machine RTPA
Enllaces esternos
editar
Wikimedia Commons acueye conteníu multimedia sobre Sergio Marqués.
| Predecesor: Antonio Trevín |
 Presidente d'Asturies 1995 - 1999 |
Socesor: Vicente Álvarez Areces |
Datos: Q3181289- Multimedia: Sergio Marqués
