Presidente d'Estonia
El Presidente de la República (n'estoniu: Vabariigi President) ye'l xefe d'estáu de la República d'Estonia. Yá que Estonia ye una democracia parllamentaria, el Presidente ye principalmente un líder simbólicu y nun tien un poder executivo importante. Amás, tien de desvenceyase de la so afiliación a cualquier partíu políticu mientres el so mandatu.
| Presidente d'Estonia | |
|---|---|
| cargu públicu | |
| Presidente de la República | |
_(cropped).jpg) | |
| Titular | Alar Karis dende 11 ochobre 2021 |
| Residencia |
Presidential Palace (en)  |
| Nomáu por | Riigikogu |
| Xurisdicción | Estonia |
| Estáu | Estonia |
| Duración del cargu | 5 años |
| Creación | 24 abril 1938 |
| Sitiu web | http://www.president.ee/ |
 | |
La presidente actual ye Alar Karis, cargu qu'exerz dende'l 11 d'ochobre de 2021.
Según la Constitución d'Estonia de 1992, al presidente atribúyense-y les siguientes obligaciones:
- Representar a Estonia nes rellaciones internacionales.
- Conferir rangos diplomáticos, nomar y destituyir a los representantes diplomáticos d'Estonia, aceptar les credenciales de los representantes diplomáticos estranxeros acreditaos n'Estonia, roblar preseos de ratificación, etc.
- Promulgar lleis o devolveles al Riigikogu p'aldericales de nuevu. Sicasí, nun puede vetar nenguna llei si ye aprobada de nuevu nel Riigikogu.
- El Presidente tien el derechu d'empecipiar les enmiendes a la Constitución.
- Ye'l Comandante Supremu de la defensa nacional d'Estonia, convoca y preside el Conseyu de Defensa Nacional y confier los rangos militares.
El presidente ye l'encargáu de designar al primer ministru, non ensin antes llograr el vistu bonu del Parllamentu.
El Presidente ye escoyíu pol Riigikogu pa un mandatu de cinco años; si nun llogra dos tercios de los votos pasaes trés rondes de votación, la responsabilidá d'escoyelo psa a una asamblea eleutoral (constituyida pol Parllamentu y miembros de los gobiernos llocales), qu'hai d'escoyer ente los dos candidatos con mayor porcentaxe de votos.
Cabo notar qu'un presidente nun puede ser escoyíu pa más de dos mandatos consecutivos.
Historia editar
Estonia nun tuvo presidente de 1918 a 1938. Hasta 1934, el xefe d'estáu yera'l Vieyu del Estáu (riigivanem), que tamién yera'l xefe de gobiernu. En 1933 modificóse la constitución d'Estonia, tresformando al país d'un estáu parllamentariu a unu presidencial. El xefe d'estáu, según la nueva constitución, tamién se llamaría Vieyu del Estáu. Sicasí, esta provisión nunca entró a valir debíu al golpe d'estáu de Konstantin Päts en 1934. En 1938 adoptóse una tercer constitución, que llamaba al xefe d'estáu Presidente y otorgábase-y un importante poder executivu. Konstantin Päts foi la primer persona n'ostentar esti títulu: el so mandatu duró seis años, pero terminó pocu dempués de qu'Estonia fora anexonada pola Xunión Soviética en 1940. Päts foi obligáu a dimitir y más tarde sería deteníu.
Mientres el mandatu soviéticu n'Estonia, el xefe del gobiernu nel exiliu de la República d'Estonia llamábase formalmente "Primer ministru en funciones de Presidente".
Dempués de qu'Estonia repunxera la independencia, adoptóse una nueva constitución parllamentaria. Dende entós tuvieron llugar cuatro comicios (en 1992, 1996, 2001 y 2006). En toos ellos el Parllamentu nun hai consguido escoyer al Presidente y la decisión pasó a l'asamblea eleutoral. Lennart Meri foi escoyíu en 1992 y reelixíu en 1996, ganando a Arnold Rüütel los dos vegaes. El mesmu Rüütel pasó a ser el siguiente presidente en 2001. En 2006 y 2011, ganó les eleiciones Toomas Hendrik Ilves. En 2016 Kersti Kaljulaid ganó les eleiciones, siendo la primer muyer n'ocupar esti cargu na hestoria d'Estonia.
Presidentes d'Estonia editar
| # | Imaxe | Nome | Aniciu dil Mandatu | Fino dil Mandatu | Partíu | nacimientu - muerte |
|---|---|---|---|---|---|---|
| 1 | 
|
Konstantin Päts | 24 d'abril de 1938 | 23 de xunetu de 1940 | Isamaaliit | n. 23 de febreru de 1874, Tahkuranna m. 18 de xineru de 1956, Burashevo, Oblast de Kalinin, Xunión Soviética |
| 1938 – Escoyíu pol Parlamentu y representantes de los conceyos como candidatu únicu en primer votación, por 219 de 238 votos (92.0%). | ||||||
| Estonia ye amestada a la Xunión de Repúbliques Socialistes Soviétiques entre 1940 y 1991 | ||||||
| 2 | 
|
Lennart Meri | 6 d'ochobre de 1992 | 8 d'ochobre de 2001 | partíu Pro Patria | n. 29 de marzu de 1929, Tallinn m. 14 de marzu de 2006, Tallinn |
| 1992 – Escoyíu pol parlamentu en segunda votación, por 59 de 101 votos (58.4%). 1996 – Escoyíu pol parlamentu y representantes de los conseyos en quinta votación por 196 de 372 votos (52.7%). | ||||||
| 3 | 
|
Arnold Rüütel | 8 d'ochobre de 2001 | 9 d'ochobre de 2006 | Eestimaa Rahvaliit | n. 10 de mayu de 1928, Laimjala |
| 2001 – Escoyíu pol parlamentu y representantes de los conseyos en quinta votación, por 186 de 366 votos (50.8%). | ||||||
| 4 | 
|
Toomas Hendrik Ilves | 9 d'ochobre de 2006 | 10 d'ochobre de 2016 | Sotsiaaldemokraatlik Erakond (Social-Demokrata partíu) | n. 26 d'avientu de 1953, Estocolmu, Suecia |
| 2006 – Escoyíu pol parlamentu y representantes de los conseyos en cuarta votación, por 174 de 345 votos (50.4%). 2011 – Escoyíu pol Parlamentu en primer votación, por 73 de 101 votos (72.3%). | ||||||
| 5 | .jpg)
|
Kersti Kaljulaid | 10 d'ochobre de 2016 | 11 d'ochobre de 2021 | independiente | n. 30 d'avientu de 1969, Tartu |
| 2016 – Escoyíu pol parlamentu en sesta votación, por 81 de 98 votos (80%). | ||||||
| 6 | _(cropped).jpg)
|
Alar Karis | 11 d'ochobre de 2021 | anguaño | independiente | n. 26 de marzu de 1968, Tartu |
| 2021 - Escoyíu pol parlamentu en segunda votación, por 73 de 101 votos (71,3%) | ||||||
Referencies editar
Enllaces esternos editar
Datos: Q890005
Multimedia: Presidents of Estonia
