Ramón García Tuero
Ramón García Tuero (6 de febreru de 1864, Arroes - 21 d'ochobre de 1932, Lliberdón), conocíu como'l gaiteru Libardón foi un gaiteru y cantaor asturianu de gran popularidá. Fixo xires per Europa y América, participó en varies esposiciones universales y grabó'l primer discu de gaita asturiana.
Ramón García Tuero | |
|---|---|
| Vida | |
| Nome completu | Ramón García Tuero |
| Nacimientu |
Arroes, 6 de febreru de 1864 [1] |
| Nacionalidá |
 España |
| Muerte |
Lliberdón, 21 d'ochobre de 1932 [1] (68 años) |
| Estudios | |
| Llingües | castellanu |
| Oficiu | |
| Oficiu | músicu |
| Instrumentu musical | Gaita asturiana |
 | |
Ramón García Tuero nació en Molín del Matu (Arroes – Villaviciosa) el 6 de febreru de 1864. L'alcuñu de Gaiteru Libardón col que ye conocíu vien–y del nome castellanizáu del pueblu de Lliberdón, del que yera la so muyer, María Caravera, y onde fue a vivir tres casar con ella en 1890.
De guaje prestába-y tocar flautes o xiblates feches de castañu con una navaya. Los sos pas viendo la so soltura, enxeniu y dotes pa la música, compráron-y una gaita que so los años setenta del sieglu XIX, costara-yos seis pesetes. Con ella entama a despuntar nos pueblos de la zona d'Arroes.
García Tuero solía actuar solu o acompañáu al tambor, les más de les veces por José García, conocíu como'l Tambor de l'Abadía. Tenía la peculiaridá de tocar la gaita y cantar a la vez, improvisando munches veces los cantares.
Anque yá yera conocíu como músicu nes romeríes, algamó la fama a los 25 años, cuando en 1889 representó a la empresa de sidra El Horreo, de Colunga, na Esposición Mundial de París d'esi mesmu añu y participó depués n'otres como les de 1900 na mesma ciudá de París, en Buenos Aires (1911) o Barcelona y Sevilla (1929).
Prueba del so ésitu son tamién les xires que tien fecho per Europa y América, les numberoses condecoraciones españoles y estranxeres que recibió y el tratu que llegó a tener col rei Alfonsu XIII o con Miguel Primo de Rivera. Foi tamién músicu titular de l'agrupación La Infiesta.
Nuna época na que la industria fonográfica taba nos entamos, fue un artista pioneru y grabó'l primer discu de gaita asturiana en 1909. Dos años más tarde firmó un contratu en Milán por diez años pol que se comprometía a grabar cuarenta cantares.
García Tuero morrió en Lliberdón el 21 d'ochobre de 1932. El diariu Informaciones, de Madrid, con motivu del so fallecimientu dio la noticia na portá cola lleenda:
Asturias en su comarca de Libardón, se han quedado sin su mejor gaitero.
El 10 d'agostu de 1969 rindióse-y un homenax en so casa de La Quintana, que tovía se pue visitar anguaño y na que se guarden parte de los instrumentos y ropa qu'usó nes sos actuaciones.
En 1986 el gobiernu del Principáu editó un discu con una seleición de los sos temes más populares.
ReferenciesEditar
- ↑ 1,0 1,1 Afirmao en: Diccionario biográfico español. Identificador del Diccionario Biográfico Español: 66923. Apaez como: Ramón. El Gaitero Libardón García Tuero. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data de publicación: 2011.
Enllaces esternosEditar
Datos: Q13147214
