Reserva natural Baikal

La reserva natural Baikal (en rusu, Байка́льский запове́дник, Baikálski zapovédnik) ye una reserva natural nel sur de Buriatia, Rusia, afitada nel añu 1969 pa caltener la naturaleza a lo llargo del llagu Baikal y la parte central del cordal Chamar-Daban. La superficie d'esta reserva natural ye de 165.700 hectárees. Alluga pinos escuros de la taiga (abetu común, cedru, abetu coloráu), montes delgaos, maleza de pinus pumila y rododendros, praos subalpinos y pradería alpina. La reserva natural Baikal ye'l llar de 812 clases de plantes, 49 tipos de mamíferos, 272 aves, 3 reptiles, 3 anfibios y 7 clases de pexes. Na reserva tamién pue atopase l'osu pardu, el llobu cerval el gulu, la llóndriga, l'águila marina y l'águila prieta. La reserva natural Baikal ye parte de la Rede mundial de reserves de la biosfera (vease tamién Llista de reserves de la biosfera en Rusia). La reserva tamién forma parte del llugar patrimoniu de la humanidá del "Llagu Baikal". La zakaznik natural Kabanski (12.100 hectárees) foi tresferida so la xurisdicción de la reserva natural Baikal en 1985.

Referencies