Roy Raymond
Roy Raymond (15 d'abril de 1947, Connecticut – 26 d'agostu de 1993, condáu de Marin) foi un empresariu estauxunidense conocíu por ser el fundador d'una de les compañíes más esitoses de llencería y otros productos de guapura femenina anguaño, Victoria's Secret.
Roy Raymond | |
|---|---|
| Vida | |
| Nacimientu | Connecticut, 15 d'abril de 1947 |
| Nacionalidá |
 Estaos Xuníos |
| Residencia | San Francisco |
| Muerte | condáu de Marin, 26 d'agostu de 1993 (46 años) |
| Causa de la muerte | suicidiu |
| Fíos/es | 4 |
| Estudios | |
| Estudios |
Universidá Stanford Universidá Tufts Escuela de Posgráu de Negocios Stanford |
| Oficiu | entamador |
 | |
Biografía editar
Raymond foi un estudiante de la Universidá Tufts (una de les principales universidaes privaes d'investigación d'Estaos Xuníos) y de la Escuela de Posgráu de Negocios Stanford. Darréu empezó la so carrera llaboral na compañía Vicks nel departamentu de marketing. De la mesma, casóse con una moza bohemia llamada Gaye.
Carrera editar
La magnífica idea de crear esta gran compañía surdió cuando un día de compres cola so muyer per San Francisco sintióse descomanadamente avergoñáu al entrar nuna tienda de llencería femenino, polo que decidió abrir la so propia tienda por que los homes sintiérense alcontradizos al dir mercar llencería coles sos respeutives pareyes.
El primer establecimientu inauguróse'l 12 de xunu de 1977 nel centru comercial de San Francisco, sol nome de Victoria's Secret y cuntaba con parés de madera, detalles victorianos, dependientes discretes y atentes y con prendes colgaes en cuadros na paré por que los homes pudieren escoyeles ensin tener que buscales nos percheros. P'abrir, tuvo que pidir un creitu bancariu de $40,000 y a la so familia otros $40,000. Estes cantidaes de dineru suponíen una delda pesada naquel tiempu, de la que pudo desfacer gracies a que nun solu añu consiguió llograr $500,000 de ganancia. Tres esti acontecimientu, incorporó a la compañía un catálogu de venta per corréu qu'amosaba les coleiciones de les llinies y decidió abrir trés tiendas más.
Cinco años más tarde, cuando cuntaba yá con seis tiendes en total y con alredor de $6 millones de dólares de ganancia añales, la compañía The Limited Inc púnxose en contautu col so fundador y trató de formar parte de la compañía. El propósitu yera que trabayaren dambos fundadores xuntos y tres delles xuntes pa llegar a dalgún alcuerdu, Roy Raymond decatósee de que nun podría compartir les decisiones con Leslie Wexner y finalmente decidió retirase dafechu de la compañía y vendé-yla a The Limited Inc (Limited Brands, la so compañía socesora) por $4 millones de dólares.[1] N'apenes 10 años la marca convirtióse nuna de les más valoraes d'Estaos Xuníos y decidió ampliar los sos productos incluyendo zapatos, arumes y demás complementos. Con ello, la marca consiguió tar valorada anguaño en $14 billones de dólares. Cada añu Victoria's Secret fai un desfile de moda nel que la marca promueve y comercia los sos productos en redolaes d'altu nivel social una y bones les modelos más famoses del mundu desfilen nél, cuntando colos Ánxeles de Victoria's Secret: Adriana Lima, Alessandra Ambrosio, Elsa Hosk, Candice Swanepoel, Lily Aldridge, Jasmine Tookes, Stella Maxwell, Sara Sampaio, Martha Hunt, Taylor Hill, Lais Riveiro y Romee. Esti desfile tien llugar de normal nel Lexington Avenue Armony de Nueva York y ye emitíu en directu pola CBS.
Roy Raymond decidió siguir probando fortuna yá que nel so antiguu negociu cometió'l gran error de vendelu por una cantidá demasiáu pequeña. Por ello, fundó una empresa llamada My Child's Destiny na que se vendíen productos pa neños pequeños pero en poco tiempu entró en bancarrota. Siguió intentando crear fortuna invirtiendo nuevamente n'otru negociu más de $650,000 del so propiu dineru y nunca lo llevó a cabu. Esto supunxo que nun podía faer frente a les sos propies deldes y finalmente la familia perdió dos cases y los sos coches.
Roy Raymond taba ablayáu, pero nun perdía la esperanza de recuperar el so ésitu inicial y púnxose en marcha a abrir una llibrería pa neños, que tamién acabó en bancarrota. Al poco tiempu, en 1993 divorcióse de la so muyer y probó otru negociu d'arreglos a casa de hardwares y tuvo de zarralu en menos d'un añu. Empezó a trabayar nuna empresa que fabricaba peluques pa muyeres que perdieren el pelo debío al tratamientu pa combatir el cáncer.
Vida personal editar
A pesar de qu'a lo llargo de la so vida fuera un escelente home de negocios con una mente brilloso y creativo, la mala suerte siempres lu acompañó atribuyéndo-y numberosos contratiempos que-y provocaron fracasar en tolos sos negocios. Siempres fuera fuerte y valiente, pos nunca se rindía y siempres tenía otra idea en mente que-y dexaba empezar un nuevu negociu, finalmente la depresión apoderóse d'él, yá que nuevamente túvo-y que pidir dineru emprestao a la so madre de mano otru negociu.
Esto provocó que decidiera suicidase, polo que se tiró pela Ponte Golden Gate a la edá de 46 años.[2] El so cuerpu foi atopáu y retiráu de la badea del ríu una selmana dempués.
Referencies editar
Datos: Q23412
Multimedia: Roy Raymond
