San José (California)
San José ye una ciudá del estáu de California, nos Estaos Xuníos. Ye, colos sos 1.030.119 habitantes (U.S. Census Bureau, 2018), la mayor ciudá, neto por estensión que por población, del norte de California. San José, centru económicu, políticu y cultural de Silicon Valley, ye la tercer mayor ciudá de California, tres de Los Angeles y San Diego, y la décima mayor del país. Asitiada nel centru del valle de Santa Clara, na fastera meridional de la badea de San Francisco, tien una estensión de 466.1 km² y el de so, el de Santa Clara, ye'l condáu más ricu de California y ún de los más ricos del país. La ciudá ye centru del área estadística metropolitana de San José-Sunnyvale-Santa Clara, que xuntaba cuasi dos millones d'habitantes en 2018, y ye la mayor del área de la badea de San Francisco y del área estadística combinada de San José-San Francisco-Oakland, que comprienden respectivamente 7,7 y 8,7 millones d'habitantes. San José ye una ciudá global, destacada como centru de tecnoloxía de vanguardia: el so allugamientu dientru de la fastera na que tienen desarrollaose bien de les principales empreses de la economía dixital faen que tea'l nomatu de Capital de Silicon Valley. Ye una de les ciudaes más riques del país, y tien, por detrás namái de Zúrich y Oslu, el tercer mayor productu interior brutu per cápita del mundu.
 San José | |||
|---|---|---|---|
 | |||
| |||
| Alministración | |||
| País |  Estaos Xuníos | ||
| Estaos |  California | ||
| Condáu | Condáu de Santa Clara | ||
| Tipu d'entidá | ciudá de los Estaos Xuníos | ||
| Alcalde | Sam Liccardo | ||
| Nome llocal |
San José San Jose | ||
| Xeografía | |||
| Coordenaes | 37°18′15″N 121°52′22″O / 37.3042°N 121.8728°OCoordenaes: 37°18′15″N 121°52′22″O / 37.3042°N 121.8728°O | ||
  San José (California) San José (California) (los EE.XX.)  | |||
| Superficie | 467.553078 km² | ||
| Altitú | 25 m | ||
| Llenda con |
Milpitas (es)  | ||
| Demografía | |||
| Población | 1 025 350 hab. (2016) | ||
| Porcentaxe | 53.19% de Condáu de Santa Clara | ||
| Densidá | 2193,01 hab/km² | ||
| Más información | |||
| Fundación | 1777 | ||
| Prefixu telefónicu |
408, 669 | ||
| Estaya horaria | Tiempu del Pacíficu, UTC−08:00 y UTC−07:00 | ||
| Llocalidaes hermanaes |
Pune, Ciudá de Dublín, Tainan (es) , San Xosé, Okayama, Veracruz, Ekaterimburgu, Guadalajara y Oeiras | ||
| sanjoseca.gov | |||
 | |||
Primero de qu'aportaran los españoles, l'area qu'anguaño ocupa San José yera'l territoriu de los tamien y otres tribus de la familia de los ohlone. San José fundose, col nome de Pueblo de San José de Guadalupe, el 29 de payares de 1777. Convirtiose en parte de Méxicu tres de la guerra d'independencia mexicana, y paso a manes estauxunidenses, col restu de California, en 1848. En 1850 el territoriu algamó l'estatus d'estáu, y San José foi la so primer capital. Tres de la Segunda Guerra Mundial la ciudá medró enforma en perpocu tiempu, anesionándose nes décades de 1950 y 1960 bien de pueblos de la rodiada. El rápidu crecimientu de les industries electróniques y d'alta tecnoloxía aceleraron la transición de centru agrícola a área metropolitana urbanizada. San José, y el restu de Silicon Valley, son el centru global de les industries d'internet y d'alta tecnoloxía: equí tienen la so sé grandes corporaciones como Cisco Systems, eBay, Adobe Systems, PayPal, Broadcom, Samsung, Acer, Hewlett Packard Enterprise y Western Digital.
ReferenciesEditar
Enllaces esternosEditar
Wikimedia Commons tien conteníu multimedia tocante a San José, California.- Páxina oficial (n'inglés)
Datos: Q16553- Multimedia: San Jose, California
