Santiago Alverú
Santiago González-Alverú Iturmendi (25 de febreru de 1992, Uviéu), más conocíu como Santi Alverú, ye un actor, guionista, monologuista, y director de cine asturianu.
Santiago Alverú | |
|---|---|
.jpg) | |
| Vida | |
| Nacimientu | Uviéu, 25 de febreru de 1992 (32 años) |
| Nacionalidá |
 España |
| Estudios | |
| Estudios | Universidá Complutense de Madrid |
| Llingües falaes | castellanu |
| Oficiu | actor |
| Premios |
ver
|
| IMDb | nm8819741 |
 | |
Biografía
editarEstudió bachilleratu nos xesuites d'Uviéu, onde yá facía monólogos cómicos. Ye llicenciáu en Comunicación Audiovisual na Universidá Complutense de Madrid y tien un máster en Xestión d'Empreses pola Universidá de Navarra.[1] Tien como referentes a Jerry Seinfeld, Sacha Baron Cohen o Berto Moreno, y foi teloneru de Miguel Lago.[2] Creó los llamaos "Premios Yago" pa dar reconocencia a los escaecíos polos Premios Goya.[3]
Algamó la fama en 2017 cuando interpretó a Bosco, el protagonista de Selfie, una comedia incómoda pola que foi nomáu al Goya al meyor actor revelación nos Premios Goya de 2018 y recibió al Premiu Turia al meyor actor revelación.[4] Hasta entós nun tuviera nengún contactu col mundu del cine y, según Víctor García León, buscaben pol papel a daquién non profesional pa que fuera creíble.[5] Darréu fizo una apaición en Paquita Salas y participó en dellos curtiumetraxes. En 2019 empecipió la so propia webserie, Pegarle a la lejia.[6]
En septiembre de 2019 Alverú estrenóse como collaborador de la sección "El día del espectador" del programa de La Sexta Zapeando y n'ochobre de 2021 tamién como collaborador del programa de La 1 Mejor contigo na so sección "Cosas que no deberían volver".
Filmografía
editar- Selfie (actor, 2017)
- Miamor perdido (actor, 2018)
- Paquita Salas (un episodiu, 2019)
- Pegarle a la lejia, podcast (actor, guionista y director, 2019)
- Reina Roja (dos episodios, 2024)
Referencies
editar- ↑ Muelología a La Nueva España
- ↑ De cómo un «Selfie» lanza a un ovetense a la alfombra roja, La Nueva Asturias, 23 de marzu de 2017
- ↑ SANTIAGO ALVERÚ y los Premios Yago, rocktotal, 13 de febreru de 2019
- ↑ Jorge Sanz, Paco Plaza y la periodista que informó sobre el máster de Cifuentes, Premios Turia 2018, Europa Press, 28 de xunu de 2018
- ↑ Santi Alverú desafía el cliché: un crítico nominado al Goya al mejor actor revelación, teinteresa.es, 19 de xineru del 2018
- ↑ Pegarle a la lejía, canal de YouTube
Enllaces esternos
editar
Wikimedia Commons acueye conteníu multimedia sobre Santiago Alverú.- Santiago Alverú na Internet Movie Database (n'inglés)
- Santiago Alverú n'Instagram
Datos: Q47531810- Multimedia: Santiago Alverú
