Santiago Pérez
Santiago Pérez Fernández (5 d'agostu de 1977, Grau) más conocíu como Santi Pérez, ye un ciclista profesional asturianu.
Santiago Pérez | ||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||
| Vida | ||||||||||||||||||||||||
| Nacimientu | Grau, 5 d'agostu de 1977 (46 años) | |||||||||||||||||||||||
| Nacionalidá |
 España | |||||||||||||||||||||||
| Estudios | ||||||||||||||||||||||||
| Llingües falaes | castellanu | |||||||||||||||||||||||
| Oficiu | ||||||||||||||||||||||||
| Oficiu | ciclista | |||||||||||||||||||||||
| ||||||||||||||||||||||||
|
Participante
| ||||||||||||||||||||||||
 | ||||||||||||||||||||||||
Biografía editar
Santi Pérez en categoría amateur militó nel equipu asturianu Deportes Avelino, nel Caja Rural navarru y finalmente nel Saunier Duval cántabru, dende'l que dio'l saltu al profesionalismu.
Yá en profesionales debuta nel Barbot-Torrie portugués en 2001, onde inauguró'l so palmarés con una victoria na etapa reina de la Vuelta a Navarra y con un trunfu nel final n'altu de Serra da Estrela na Vuelta a Portugal que-y sirvió pa recibir múltiples ofertes de los meyores equipos d'aquel momentu.
En 2002, ficha pol equipu Kelme-Costa Blanca, dirixíu por Vicente Belda. Destaca aína faciendo segundu na etapa reina del Tour de Romandía y cuartu na clasificación xeneral.[1] D'esta mientu, díes depués preséntase como unu de los líderes del so equipu pa la disputa del Giro d'Italia. Nel primer final n'alto queda segundu per detrás de Stefano Garzelli, posteriormente descalificáu, dándose-y el trunfu parcial a Santi Pérez. Gracies a estes dotes escaladores, sitúase segundu na xeneral despertando la espectación del públicu español sobre'l Giro d'Italia. Demientres el trenscursu de la octava etapa, sufre una aparatosa caída viéndose obligáu a abandorar la carrera.[2]
Depués de la so recuperación, Vicente Belda decide incorporalu na plantilla del Tour de Francia. Demientres la primer selmana les famoses montoneres del Tour cébense con él y depués de la décima etapa debe abandonar la carrera víctima d'una tendinitis.
Nel Phonak editar
En 2003, ficha pol poderosu Phonak suizu, dirixíu por Álvaro Pino. Los primeros meses de la temporada fueron lluendios pal corredor poles continues molesties de la so rodiya, finalizando con una operación nel mes de xunu. Depués d'esi entueyu torna a la competición na Vuelta a España, finalizando la campaña con un segundu puestu na tradicional Escalada a Montjuïc
En 2004, yá recobráu de la so lesión, Phonak llévalu al Tour de Francia, como ayuda nel monte a Tyler Hamilton.[3]Pero la gloria llegaría-y meses depués na disputa de la Vuelta a España, na que vence trés etapes y tres un fuerte duelu nel monte con Roberto Heras, finaliza segundu depués del corredor salamanquín.
Positivo y sanción editar
Positivo por tresfusión homóloga editar
A finales d'ochobre de 2004 recibió la noticia de que diera positivo por tresfusión homóloga de sangre. El control antidopaxe nel que diera positivo realizaren-ylu'l 5 d'ochobre (poco depués de la Vuelta), cuando taba concentráu en Suiza. El so compañeru d'equipu Tyler Hamilton diera positivo por esi mesmu motivu na Vuelta.
Fichó na temporada 2010 pol equipu portugués Loulé-Louletano.[4]
Contraanálisis y sanción editar
El contraanálisis foi efectuáu'l 25 y 26 d'ochobre, dando nuevamente positivo. Pérez denunció que recibiera la notificación na que se-y indicaba la fecha del contraanálisis cuando les pruebes yá se taben faciendo, polo que nin el corredor nin una persona de la so confianza pudieron tar presentes nél.
Santi Pérez defendió la so inocencia en tou momentu.[5]
Finalmente foi sancionáu con dos años de suspensión por dopaxe.
Actividaes demientres la sanción editar
Nesti periodu de la so vida siguió entrenando y fundó la Escuela de Ciclismu Santi Pérez en Grau, tamién collaboró colos medios de comunicación —TPA, La Nueva España, Punto Radio, Cadena Cope— comentando asuntos de ciclismu.
Operación Puerto editar
En 2006, nel marcu de la Operación Puerto, foi identificáu pola Guardia Civil como cliente de la rede de dopaxe liderada por Eufemiano Fuentes, baxo los nomes en clave númberu 6, Santi-P, Santi PZ y S.Pere.
Santi nun foi sancionáu pola Xusticia española al nun ser el dopaxe un delitu n'España nesi momentu, y tampoco recibió nenguna sanción deportiva al negase'l xuez instructor del casu a facilitar a los organismos deportivos internacionales (AMA, UCI) les pruebes que demostraríen la so implicación como cliente de la rede de dopaxe.
Regresu a la competición editar
2007 editar
En 2007 volvió a la competición de la mano del direutor asturianu Jesús Suárez Cuevas, nes files del Relax-Gam. L'equipu contó esa temporada con cinco ciclistes implicaos na Operación Puerto (Francisco Mancebo, Óscar Sevilla, Ángel Vicioso, Jan Hruska y el propio Pérez, con Jesús Losa como médicu y el sofitu del CSD dirixíu por Jaime Lissavetzky, Secretariu d'Estáu pal Deporte.
Santi participó esi añu por primer vez na so carrera deportiva na Vuelta a Asturies. En setiembre corrió la Vuelta a España, la carrera que tres años atrás-y diera sonadía. Foi un añu complicáu no tocante a los resultaos deportivos, por mor de la falta de ritmu de competición provocada polos dos años de parón.
2008 editar
En 2008, depués de la desapaición del Relax-Gam, pocos corredores d'esti equipu pudieron mantenese na categoría. Asina, Santi Pérez atopó acomodu hasta mediaos de temporada nel Centru de Ciclismu Loulé. Con too, finalizó ente los diez primeros en toles pruebes nes que participó y volvió al podiu na última cita de la temporada G.P. Crédito Agrícola.
2009 editar
El 2009 entama de meyor manera nel equipu lusu dirixíu por José Santos, Madeinox-Boavista, na Clássica de Vieira do Minho puntuable pa la Taça de Portugal (troféu federativo qu'engloba seis carreres dientro del calendariu portugués) imponiéndose al sprint sobre'l so compañeru d'escapada, el portugués de Liberty Nuno Ribeiro, situándose líder na xeneral.
Nesta mesma temporada, Santi participa por segunda vez na so carrera deportiva, na Vuelta Ciclista Asturies. Tanto'l so equipu Madeinox como él ficieron una gran carrera, finalizando quintu na xeneral, disputando la victoria parcial de les dos últimes etapes.
2011 editar
En 2011 fichó pol equipu portugués Barbot-Efapel, el mesmu equipu que-y dio la oportunidá de ser profesional en 2001 y que fizo un conxuntu pa intentar facer coses importantes nel calendariu portugués y n'España, cola participación na Vuelta a Castilla y León, la Vuelta a Asturies y el G. P. de Llodio, que finalmente ganó.
Palmarés editar
2001
- 1 etapa de la Vuelta a Navarra
- 1 etapa de la Vuelta a Portugal
2002
- 1 etapa del Giro d'Italia
2004
- 2º na xeneral de la Vuelta a España, más 3 etapes
2009
- Clássica de Vieira do Minho
2010
- Subida al Naranco
- G.P Liberty Seguros, más 1 etapa
2011
- G.P. de Llodio
Equipos editar
Premios y reconocimientos editar
Referencies editar
- ↑ [https://www.abc.es/hemeroteca/historico-05-05-2002/abc/Deportes/dario-frigo-repite-triunfo-en-el-tour-de-romandia-y-santi-perez-acaba-cuarto_96867.html. Dario Frigo repite trunfu nel Tour de Romandía y Santi Pérez acaba cuartu.], en abc.es
- ↑ Pérez, ingresado en un hospital tras una caída. | Ciclismu | deportes | elmundo.es
- ↑ Pino: Hamilton es el líder indiscutible del equipo. Terra.es
- ↑ Santi Pérez regresa por un año al Loulé-Louletano
- ↑ El turbio positivo de Santi Pérez. marca.es
- ↑ Moscón de oro 2004 nacional-internacional Santi Pérez.
- ↑ Sabadiego incorpora a nueve miembros de mérito en la Orden. La voz de Asturias
Enllaces esternos editar
- Ficha de Santiago Pérez en ProCyclingStats
- Ficha de Santiago Pérez en Cycling Archives
- Ficha de Santiago Pérez en FirstCycling
- Prensa Santi Pérez
- Escuela Ciclista Santi Pérez
Datos: Q1394584
