Santibáñez de la Sierra

Santibáñez de la Sierra
Alministración
País	España
Autonomía	Castiella y Lleón
Provincia	provincia de Salamanca
Tipu d'entidá	conceyu d'España
Alcalde de Santibáñez de la Sierra (es)	Francisco Aguadero Fernández
Nome oficial	Santibáñez de la Sierra (es)
Códigu postal	37670
Xeografía
Coordenaes	40°30′01″N 5°55′00″W / 40.500277777778°N 5.9166666666667°O
	Santibáñez de la Sierra Santibáñez de la Sierra (España)
Superficie	13.61 km²
Altitú	605 m
Llenda con	Valero, San Esteban, Cristóbal, Molinillo y Garcibuey
Demografía
Población	157 hab. (2023); - 102 homes (2019); - 78 muyeres (2019)
Porcentaxe	0% de provincia de Salamanca
Densidá	11,54 hab/km²
	santibañezdelasierra.es

Santibáñez de la Sierra ye un conceyu allugáu na comarca de La Sierra, na provincia de Salamanca, (Rexón de Lleón), comunidá autónoma de Castiella y Lleón, (España).

Datos básicos

El pueblu alcuéntrase a una distancia de 67 km de Salamanca, la capital provincial. Al 2003 cuntaba cun una población de 249 habitantes, de los cuales 134 son homes y 115 son muyeres, nuna superficie de 13,61 km². La so altitú ye de 611 m sobre'l nivel de la mar. El so códigu postal ye 37670.

Xeografía

Santibañes ye un pequeñu pueblu d'unos 250 habitantes asitiáu na comarca de La Sierra Baxa, al sur de la provincia de Salamanca. Alcuéntrase na parte baxa d'una monte, a unos 600 m sobre'l nivel de la mar, y domina dende ellí un ampliu valle enllenu de viñales y finques. Les cases tán construyíes según el patrón serranu, con dos o más pisos, cumo mínimu, y una cuadra nel baxu. Les fachaes son de piedra de la zona con maderos adosaos llamaos cuartones.

Esisten trés pedaníes cercanes dependientes de Santibañes: la mayor y más importante ye Santa María de lo Llano (35 habitantes, 15 homes y 20 muyeres), llocalizada nún pandu no alto d'un monte. Les otres dos son Casilla de las Erías (3 habitantes) y Las Puentes del Alagón (9 habitantes), esta última allugada alrodiu d'una ponte romana construyida nel sieglu I e.n.d, dispón d'un restaurante y d'una piscina natural mui bien equipada.

Economía

Producción agrícola

Santibañes ye un pueblu principalmente agrícola. Los cultivos más usuales y de los que la xente vive son la uva y la zreza.

Cultívanse una clas d'uva autóctono de la comarca, la Rufete, y otres variedaes aptes pa estremaos tipos de vinu, como la garnacha, el tempraníu, el tintu'l país o'l mazuelu; amás de la uva de mesa moscatel. Les uves, antiguamente, yeren estrumíes pa facer vinu na Bodega Vitivinícola "San Agustín" de Santibañes; mas dempués diose en vender, al traviés de la mesma, la uva direutamente a intermediarios que la llevaben a los mercaos como vinu de mesa. Ésto síguise faciendo na actualidá.

El cultivu de zreza aumentó considerablemente nos caberos años, a cuenta de la drástica baxada del preciu de la uva, qu'anguaño s'avera en tornu a los 20 céntimos d'euru, una cifra veramente precaria. Les zreces, a diferencia de les uves, caltienen un preciu más o menos razonable, que s'alcuentra ente los 60 céntimos y l'euru, según les distintes clases.

En Santibañes esiste una grande variedá de clases de zreza, pero les que se venden na Cooperativa Hortofrutícola "Santibáñez de la Sierra" son les clases:

"Zaragozana" o "Monzón": zreza blanco, de reconocida calidá. Inclusive, dellos espertos declararon que la zreza zaragozana de Santibáñez ye "la meyor d'España", tanto en sabor, cumo en color y brillu. Esta zreza emplégase pa la fabricación de dulces, mermelaes y otros productos industrales, y pal consumu direutu.
"Temprana": ye la primer zreza del añu, d'ehí'l so nome; zreza collorao de mui bon ver y de sabor dulce y sabrosu que se vende nos mercaos pa fruteríes y consumu direutu.
"Embruné" o "Picota" (nome estremeñu): la última clas de la collecha, recuéyese a finales de xunu. Ye una zreza escuro y gordo con munchu llíquidu que se cueye ensin rau y que pieslla la campaña.
"Californiana": zreza de gran tamañu, prieto y mui sabroso.
Dempués hai otra serie de clases menores cumo la zreza del rau llargu, la reondal y otres de menor importancia nel consumu y les ventes.

Arriendes de la zreza y la uva, cultívanse tamién en Santibáñez diversos tipos de frutales (ablanos, nozales, castañales, guindales, cirolares, pumares, peruyales, piescales, figales...) y hortalexes, principalmente pa consumu propiu. Sicasí, nos bonos años de collecha, véndense tamién los cirolinos o nisos na Cooperativa Hortofrutícula "Santibáñez de la Sierra".

Per último, munchos vecinos poseyen amás pequeños olivares, de los que saquen aceite pa consumu personal.

Idioma

La fala de Santibáñez^[3] y la del restu de la comarca perteneció primitivamente al al astur-lleonés (queden delles güelgues dialeutales), sofriendo más tarde una influyencia meridional (na fonética) y, sobretoo, una asimilación a la fala vulgar castellana.

Los rasgos asturllioneses (como la epéntesis de la yod en la terminación, la conservación de la -e tres /d/ o /t/, la palatalización de l- y n- o la conservación del grupu -mb-, aspiración de la /F/ anicial llatina /h~x/ -ḥelechu-, perda de la /R/ cabera del infinitivu énte pronome enclíticu -matalu, bebelu...-) tán mui difuminaos, anque caltién grande parte de les soluciones gramaticales (inserción d'artículu énte l'axetivu posesivu -la mi casa-). D'otra banda, los rasgos meridionales (como l'aspiración de la fricativa velar xorda y de la /s/ implosiva) marquen un fuerte contraste cola fala del restu de la provincia.

Pese a caltener una grande influyencia del astur-lleonés, poseye dalgunes comitencies vasques y mozárabes. sobremanera nel lléxicu.

Con too ello podemos encuadrar esta "parra" dientro de la fala estremeña.

Equipamientos educativos

El Colexu Rural Agrupáu "Los Jarales", asitiáu na Plaza d'Agustín Bullón, ye l'únicu centru educativu qu'esiste en Santibañes. Imparte formación d'Educación Infantil y Primaria.

Fiestes

El 28 d'agostu celébrase San Agustín, anque'l periodu festivu enántase dalgunos díes previos al Día grande.

26 d'agostu:

De la mesma manera que'l xueves santu, munchos vecinos y peñes preparen "limoná", una especie de sangría qu'ufren al públicu nes sos propies bodegues, amás d'una xinta na Plaza Mayor so les ocho la tarde. Tamién hai una verbena nocherniega.

27 d'agostu, las Víesperas:

Dende'l campanariu de la ilesia anúnciase la fiesta a toque de viéspores. Na Plaza Mayor fórmase una comitiva presidíu pol pregoneru y el tamborileru que va a la busca de les dames d'honor, asina como de les reines salientes y entrantes.

Tres d'ello l'alcalde pronuncia un pregón dende'l balcón del ayuntamientu, dando oficialmente pasu a les fiestes. Los llocales de les peñes del pueblu queden abiertes a los visitantes.

28 d'agostu, San Agustín:

A les dolce de la mañana les campanes anuncien la Fiesta Mayor. Una comitiva de danzadores presidíos pol tamborileru l'alcalde salen a buscar a les reines dames d'honor pa s'empobinar a la misa mayor.

Tres d'ella hai una procesión na que lleven al santu San Agustín a recostines hasta la plaza, onde tien llugar l'Ofertoriu. Los danzadores anicien un "paléu", mentes que les muyeres rematen el baille col "tecer el ramu", entrellazando unes cintes de colores alrodiu d'un palu.

29 d'agostu, Día del toru

Tien llugar a les ocho de la mañana, faese un almuerzu de la tradicional sopa d'ayu. Haza les nueve, apuerten los animales trayíos dende'l Campu Charru. La Plaza Mayor, de planta cuadrangular, zárrase con unes barres de fierro. Tradicionalmente la xente solía llevar escaleres pa esfrutar meyor del actu.

A les seyes de la tarde tornen los paleos, dellos mui propios, como San José, El Molinero, Salamanca, Zapatito de Charol, etc...

So les dos de la madrugada, dempués de toles verbenes, les peñes protagonicen un desfile divertíu y collorista, precedíu por una xaranga. Alcuéntrense peñes históriques como La Vertedera Giratoria, El Cubeto Bailón y la J.R., les de los ventañeros comu los Ajorcamulos, tamién les de los mozos más nuevos, Los Arrancaparras y Las Makokis, y per último, la curiosa peña de neños, los Pequeñines Borrachines.

Coleutivos y instituciones

Conceyu de Santibañes
Bodega Cooperativa "San Agustín" (venta d'uva al por mayor)
Cooperativa Hortofrutícula "Santibáñez de la Sierra" (venta de zreces y cirueles al por mayor)
Asociación Cultural "San Agustín" (peña encargada de la organización de les fiestes y otres actividaes, en collaboración col Conceyu de Santibañes)