Sigma1 Cancri
Sigma1 Cancri (σ1 Cnc / 51 Cancri)[1] ye una estrella na constelación de Cáncer de magnitú aparente +5,67. Anguaño alcuéntrase a 210 años lluz de distancia del Sistema Solar, pero dientro de 4,1 millones d'años va tener llugar el so máximu acercamientu a la Tierra —cuando va tar a 71 años lluz—, momentu en que'l so rellumu va algamar magnitú +3,32.[2] Comparte la denominación de Bayer «Sigma» con otros dos estrelles, Sigma2 Cancri y Sigma3 Cancri, nun esistiendo rellación física ente elles. Sigma2 Cancri, la más cercana a ella de los dos, ta dixebrada 9,4 años lluz.[3]
 Sigma1 Cancri | ||
|---|---|---|
| Datos d'observación (Dómina J2000.0) | ||
| Constelación | Cáncer | |
| Ascensión reuta (α) | 08h 52min 34,62s | |
| Declinación (δ) | +32º 28’ 27,0’’ | |
| Mag. aparente (V) | +5,67 | |
| Carauterístiques físiques | ||
| Clasificación estelar | A8ms | |
| Masa solar | 1,91 M☉ | |
| Magnitú absoluta | +1,62 | |
| Lluminosidá | 18 L☉ | |
| Temperatura superficial | 7780 K | |
| Astrometría | ||
| Velocidá radial | -13,5 km/s | |
| Distancia | 210 ± 6 años lluz (71 pc) | |
| Paralax | 15,51 ± 0,41 mas | |
| Referencies | ||
| SIMBAD | enllaz | |
| Otres designaciones | ||
| 51 Cancri / HD 75698 / HR 3519 / HIP 43584 / SAO 61102 / BD+33 1770 | ||
| [editar datos en Wikidata] | ||
Sigma1 Cancri ye una estrella blanca de la secuencia principal de tipu espectral A8ms. Con una temperatura efectivo de 7780 K, relluma con una lluminosidá 18 vegaes superior a la lluminosidá solar.[4] Xira sobre sigo mesma con una velocidá de rotación proyeutada —llende inferior de la mesma— de 84 km/s y tien una masa de 1,91 mases solares. Tocantes al so estáu evolutivu, yá escurrieron 2/3 partes de la so vida como estrella de la secuencia principal.[4]
Sigma1 Cancri ye una estrella con llinies metáliques, lo que vien indicáu pola «m» nel so tipu espectral. Nestes estrelles químicamente peculiares, dellos elementos son emburriaos escontra la superficie ente qu'otros fúndense nel interior de la estrella. Siriu o Acubens (α Cancri), esta postrera tamién en Cáncer, son estrelles d'esta clase.
Referencies
editar- ↑ 51 Cnc - Star in double system (SIMBAD)
- ↑ Sigma1 Cancri (Ashland Astronomy Studio)
- ↑ Sigma1 Cancri (WolframAlpha)
- ↑ 4,0 4,1 Zorec, J.; Royer, F. (2012). «Rotational velocities of A-type stars. IV. Evolution of rotational velocities». Astronomy and Astrophysics 537. A120. http://adsabs.harvard.edu/cgi-bin/nph-bib_query?2012A%26A...537A.120Z&db_key=AST.
Coordenaes: 
8h 52m 34.622s, 32° 28′ 26.973″
Datos: Q2025078
