Sistema anglosaxón d'unidaes

Sistema anglosaxón d'unidaes
	sistema d'unidaes

El Sistema Anglosaxón d'Unidaes o Sistema Inglés ye'l conxuntu de les unidaes non métriques emplegaes anguaño nos Estaos Xuníos y en bien de territorios de fala inglesa (como'l Reinu Xuníu). Sicasí, hai diferencies ente los sistemes d'Estaos Xuníos y d'Inglaterra, amás de diferencies ente los valores d'otres dómines y d'anguaño.

Esti sistema deriva de la evolución de les unidaes llocales al traviés de los sieglos, y de los intentos d'estandarización n'Inglaterra. Les unidaes mesmes tienen los sos oríxenes na antigua Roma. Anguaño estes unidaes tán siendo reemplazaes pasu ente pasu pol Sistema Internacional d'Unidaes, anque n'Estaos Xuníos la inercia del antiguu sistema y l'altu costu de migración torgó abondo'l cambéu.

Unidaes de llonxitú

El sistema pa midir llonxitúes nos Estaos Xuníos básase na pulgada, el pie, la yarda y la milla. Caúna d'estes unidaes tien dos definiciones llixeramente distintes, lo qu'ocasiona qu'esistan dos diferentes sistemes de midida.

Una pulgada de midida internacional ye exautamente 25,4 mm, mientres qu'una pulgada d'agrimensor de los EEXX defínese pa que 39,37 pulgaes seyan exautamente un metru. Pa les más de les aplicaciones, la diferencia ye migaya (aproximao 3 mm por mill). La midida internacional utilízase nes más de les aplicaciones (inxiriendo inxeniería y comerciu), mientres que la de desaminación ye namái p'agrimensura.

Cola midida internacional utilízase la mesma definición de les unidaes que s'empleguen nel Reinu Xuníu y otros países del Commonwealth. Coles midíes d'agrimensura utilízase una definición más antigua que s'usó enantes de que los Estaos Xuníos adoptaren la midida internacional.

1 pulgada (in) = 25,4 mm
1 pie (ft) = 12 in = 30,48 cm
1 yarda (yd) = 3 ft = 36 in = 91,44 cm
1 milla (mi) = 1.760 yd = 1,609344 km
1 rod (rd) = 16.5 ft = 5,0292 m
1 furlong (fur) = 40 rd = 660 ft = 201,168 m
1 milla (mi) = 8 fur = 5280 ft = 1,609347 km (survey)

Delles vegaes, con fines d'agrimensura, utilícense les unidaes conocíes como Midíes de cadena de Gunther (o Midíes de cadena d'agrimensor). Estes unidaes defínense asina:

1 link (li) = 7,92 in = 0,001 fur = 201,168 mm
1 chain (ch) = 100 li = 66 ft = 20,117 m

Pa midir fondures de la mar utilízase la braza (fathom):

1 braza (fathom) = 6 ft = 1,8288 m

Unidaes d'área

Les unidaes d'área nos EEXX básense na pulgada cuadrada (sq in):

1 pulgada cuadrada (sq in) = 45,16 mm²
1 pie cuadráu (sq ft) = 144 sq in = 929,03 cm²
1 rod cuadráu (sq rd) = 272,25 sq ft = 25,316 m²
1 acre = 10 sq ch = 1 fur × 1 ch = 160 sq rd = 43.560 sq ft = 4.046,9 m²
1 milla cuadrada (sq mi) = 640 acres = 2,59 km²

Unidaes de capacidá y volume

La pulgada cúbica, pie cúbicu y yarda cúbica utilícense davezu pa midir el volume. Amás esiste un grupu d'unidaes pa midir volúmenes de llíquidos y otru pa midir materiales secos.

Amás del pie cúbicu, la pulgada cúbica y la yarda cúbica, estes unidaes son diferentes a les usaes nel sistema imperial, anque los nomes de les unidaes son asemeyaos. Amás el sistema imperial nun contempla más qu'un solu xuegu d'unidaes tanto pa materiales llíquidos como pa secos.

Volume en xeneral

1 pulgada cúbica (in³ o cu in) = 16,387064 cm³
1 pie cúbicu (ft³ o cu ft) = 1.728 cu in = 28,317 L
1 yarda cúbica (yd³ o cu yd) = 27 cu ft = 7.646 hL
1 acre-pie = 43.560 cu ft = 325.851 gal = 13.277,088 m³

Volume llíquidu

1 minim (min) = 61.612 µL
1 dramu fluyíu (fl dr) = 60 min = 3,697 mL
1 onza fluyida (fl oz) = 8 fl dr = 29,574 mL
1 gill (gi) = 7.81875 cu in = 4 fl oz = 118,294 mL
1 pinta (pt) = 4 gi = 16 fl oz = 473,176 mL
1 quintu = 25.6 fl oz = 757,082 mL
1 cuartu (qt) = 2 pt = 32 fl oz = 946,353 mL
1 galón (gal) = 231 cu in = 4 qt = 120 fl oz = 3,785411784 L

Volume en seco

1 pinta (pt) = 550,610 mL
1 cuartu (qt) = 2 pt = 1,101 L
1 galón (gal) = 4 qt = 268,8 cu in = 4,405 L
1 peck (pk) = 8 qt = 2 gal = 8,81 L
1 bushel (bu) = 2.150,42 cu in = 4 pk = 35,239 L

Hai munches unidaes col mesmu nome y cola mesma equivalencia, según el llugar, pero son principalmente utilizaos en países de fala inglesa.

Referencies

Enllaces esternos

Act 1970-71-72 sobre Pesos y Midíes de Canadá Archiváu 2005-05-18 en Wayback Machine (n'inglés)
Asociación Británica de Pesos y Midíes (n'inglés)
La páxina de Jacques J. Proot sobre Pesos y midíes anglosaxones (n'inglés)