Abrir el menú principal

CarauterístiquesEditar

El suricatu ye una de les mangostes más pequeñes; los machos tienen un pesu promediu de 731 g y les femes de 720 g. El cuerpu y miembros d'estos animales son llargos y espodaos, con un llargor de cuerpu y cabeza d'ente 25 y 35 cm. La cola ye delgada y un pocu allargada, midiendo 175-250 mm. A diferencia de la mayoría de les mangostes escarez d'abondosa pelame.[2]

La cara tien forma cónica, terminando en punta na ñariz y arrondada na parte posterior de la cabeza. Les oreyes son pequeñes y tienen forma de media lluna. El color de la pelame varia xeográficamente. Na rexón sur de la so distribución, el color del pelo ye más escuru, con un tinte más claru nes rexones más grebes. Xeneralmente el color ye gris motudu, canela o marrón con tinte plateado. La ñariz ye marrón. La parte ventral del cuerpu ta parcialmente cubiertu con pelo. Les garres de los miembros anteriores tán afeches pa escargatar y la cola ye mariellu-canela cola punta de color negru. Adicionalmente, tien parches de color negru alredor de los güeyos. Tien bandes de color negru que traviesen la rexón dorsal sacante la cabeza y la cola.[2]

Bioloxía y ecoloxíaEditar

 
Colonia de suricatos en Botsuana.

Ye una especie diurna y de costumes sociales. Son animales escavadores, que viven en grandes redes soterrañes con múltiples entraes. Namá les dexen mientres el día. El tamañu de les colonies pue algamar los 40 individuos.

El suricatu ye principalmente insectívoru, pero tamién s'alimenta d'invertebraos, güevos, componentes vexetales. Estos busquen alimentu regularmente en busca d'estos elementos, escavando nel suelu, la yerba, y debaxo de les roques. La so dieta ta conformada pol 82 % d'inseutos, 7 % d'arácnidos, 3 % de ciempiés, 3 % de milpies, 2 % de reptiles y 2 % d'aves.[2]

Habiten les zones más grebes y abiertes que cualesquier otra especie de mangosta. Atópase-yos n'árees de sabana y enllanaes abiertes y la so distribución depende del tipu de suelu, con preferencia de suelos firmes y duros p'asitiase.[3]

Sos depredadores más frecuentes son aves como les ferres y les águiles, principalmente la águila marcial, y mamíferos carnívoros como lleopardos, chacales y caracales.[2]

ReferenciesEditar

  1. Macdonald, D. & Hoffmann, M. (2008). «Suricata suricatta» (inglés). Llista Roxa d'especies amenazaes de la UICN 2013.1. Consultáu'l 6 de julio de 2013.
  2. 2,0 2,1 2,2 2,3 Myers, P., R. Espinosa, C. S. Parr, T. Jones, G. S. Hammond, and T. A. Dewey (2008). «Suricata suricatta - meerkat» (inglés). ADW - University of Michigan Museum of Zoology. Consultáu'l 24 de enero de 2011.
  3. Estes, R. (1991). The behavior guide to African mammals. Berkeley: University of California Press. ISBN 9780520080850.