Wikipedia

Tanxugueiras

grupu musical gallegu

Tanxugueiras ye un tríu de pandereteres gallegues formáu por Aida Tarrío y les hermanes ximielgues Olaia y Sabela Maneiro. El grupu trabaya col repertoriu de la música gallega tradicional, tratando de da-y una sonoridá más moderna, que lu avera a la música trap o a la electrónica. Nes sos pieces rescamplen temes como l'entendimientu ente pueblos, la defensa de la llingua y de la cultura gallega y l'emporderamientu de la muyer.

Tanxugueiras
Datos
Tipu grupu musical
Xéneru música gallega y pandeireteiras
País España
Web oficial
Cambiar los datos en Wikidata

El nome del grupu procede de la toponimia, trátase del nome d'una vega de la parroquia Fumaces, nel conceyu de Riós.[1] Ye un zoónimu que fai referencia a un llugar onde son frecuentes los melandros.[2]

Trayeutoria

editar

Comienzu

editar

Les hermanes Sabela y Olaia comenzaron na música tradicional a los cuatro años, nuna asociación cultural de Teo. Aida comenzó a tocar la pandereta en Ribeira, la so villa natal, con diez años d'edá. Nel añu 2016 Aida treslladóse a Santiago pa estudiar pente l'ingresu na asociación na que tocaben Sabela y Olaia, l'A.C. A Mámoa de Luou. Al comenzar a tocar xuntes nes verbenes y nes folixes de la zona, decidieron formar el grupu. El so primer conciertu foi en Bandeira, na XXVIII edición del festival Esmorga Folk.[3]

Llograron la fama per primer vegada, fuera de los círculos de la música tradicional, a lo primero del 2017, al facese viral nes redes sociales un videu nel qu'apaecíen cantando unes panadeiras[4] enantes d'un conciertu cola Banda das Crechas en Glasgow. Nesi mesmu añu collaboraron nel tema «Pepa», incluyíu nel primer discu del grupu A banda da loba.[5]

2018: Tanxugueiras

editar

Na primavera de 2018 editaron el so primer discu col mesmu nome que'l grupu, Tanxugueiras. Ésti ganó'l Premio MIN de discu en gallegu 2018. El cenciellu de presentación foi «Que non me neguen», nel que cuntaron cola collaboración de Guadi Galego. Nesti mesmu añu, espublizaron un cenciellu de rock llamáu «Cultura crítica» nel que collaboren con NAO y col grupu de rap SonDaRúa. D'esta manera, collaboraron col grupu de folk escocés Shooglenifty na canción «East West». Demientres la so xira visitaron escenarios de llugares estremaos como Cuba, India, Suíza y Glasgow.

2019: Contrapunto

editar

Metanes del 2019 gallardoniáronles col Premio Martín Códax da Música na categoría de Música tradicional gallega y folk.[6] En payares espublizóse'l segundu discu, Contrapunto, espublizáu col sellu discográficu madrilanu Calaverita Records y producíu poles propies Tanxugueiras cola collaboración d'Isaac Palacín, quien tamién toca la batería. La representación del grupu pasa a tar xestionada pola axencia de Bueu , Playplan Cultural.

Nel trabayu, xunto con pieces más próximes a la música tradicional, como «Perfidia» o «Miña Nai», otres músiques, como «Malquerenza» o «Desposorio» tienen sonoridaes que recuerden al pop y a la música electrónica. D'esta forma, el discu sigue vindicando la figura de la muyer na música traducional y na sociedá, un aspeutu que s'ilustra nos vídeos de presentación del discu, que correspuenden a les canciones «Desposorio» y «Perfidia». Con esti álbum comezó la so collaboración cola productora audiovisual marinense Trece Amarillo, cola que ficieron hasta'l momentu los sos videoclips.[7][8][9]

En 2020 recibieron el premiu a la Meyor Adautación d'una Pieza Tradicional nos XIX Premios La Opinión de Música de Raíz. D'esta manera, Contrapunto foi reconocíu como unu de los dos meyores discos del World Music Charts Europe.

2020: Evolución de cara a la música electrónica.

editar

Dempués del álbum Contrapunto, comezó la so collaboración col músicu santiagués Iago Pico,[10] apreciándose una evolución nel so estilu cara a canciones electróniques próximes al trap.

En xunu de 2020, con motivu del día de la música, llanzaron el cenciellu "Telo".[11] En febreru del 2021 espublizaron el single "Midas"[12], cola collaboración nel videoclip del baillador y músicu Xisco Feijoo. La canción foi un gran ésitu, consiguiendo en 15 díes 175000 reproduciones y más de 100000 visualizaciones en Youtube.[13] En xunetu, pa festexar el Día Internacional del Reggae, apaeció'l single "Coda"[14] y tamién "Figa"[15], un cenciellu que s'escoyó nuna votación non vinculante ente aficionaos como tema favoritu pa participar na edición del añu 2022 del festival de Eurovisión.[16]

2021: Terra y el Benidorm Fest

editar

El 10 d'avientu Televisión Española confirmó la so presencia ente los catorce artistes preseleicionaos pa competir nel Benidorm Fest por una plaza nel festival européu Eurovisión.[17] Según la normativa del concursu, que se celebró nos díes 26, 27 y 29 de xineru de 2022, presentaron pa la so participación un tema inéditu tituláu Terra.[18] La canción tuvo una acoyida escelente, superando'l primer día, el mediu millon de reproducciones en plataformes como YouTube, Spotify o Apple Music.[19][20]

Llegaron al certame como unes de les favorites y el mesmu artista portugués Salvador Sobral, convidáu y ganador del Festival de Eurovisión 2017, llegó a pidir el votu pa elles.[21] Na semifinal recibieron per parte del xuráu una puntuación que les dexaba fuera de la final, lo que provocó que'l públicu urriara y glayara «tongu»; mentanto, el votu demoscópicu y el televotu otorgó-yos un un 2ᵘ y 1ᵉʳ puestu que-yos permitió clasificase.[22][23] Na final ganaron tanto'l votu demoscópicu como'l popular, onde consiguieron más del 70% del votu telefónicu[24]; sicasí, una puntuación perbaxa dada de nueves pol xuráu dexóles ensin posibilidá de victoria.[25][26] L'interés pola participación de les Tanxugueiras na final foi máxima en Galicia, con una cuota de pantalla d'hasta'l 52,9%.[27] La decisión del xuráu (formáu por un xuráu español y otru internacional) foi bien cuestionada y espardiéronse peles redes sociales acusaciones d'amañu.[28][29] Contribuyó a aumentar la especulación de manipulación el fechu de que se supiere que'l xuráu internacional apoyaba a Tanxugueiras.[30] Tamién s'espublizaron les rellaciones de dalgún miembru del xuráu español cola ganadora del festival, Chanel Terrero.[31] Énte l'escándalu, Galicia en Común, BNG y PP rexistraron nel Congresu y Senáu españoles delles cuestiones sobre la polémica.[32] Per otra parte, la seición del sindicatu CC. OO. dientro de RTVE denunció irregularidaes y solicitó a la canal qu'invalidase la eleición de la ganadora.[33] La controversia xenerada fixo que RTVE espublizase'l detalle de los votos del xuráu,[34] comprobándose qu'un dellos llegó a dar mayor puntuación a un videoclip, el del cantante Gonzalo Hermida, ausente por enfermedá, qu'a l'actuación en direuto de Tanxugueiras.[35] La polémica tamén foi noticia en Portugal, onde afectaos del concursu solicitaron la participación de Tanxugueiras nel Festival da Canção, el certame nel que s'escueye al representante portugués pal festival eurovisivu.[36][37]

2022: Singles nuevos

editar

Pela mesma época na que concursaben nel Benidorm Fest participaron nel discu «10 años de Flores, Viento y Fuego» del cantante Muerdo col tema Cambia todo.[38] Tamién espublizaron un adelantu del so discu nuevu d'estudiu,[39] el cenciellu Averno nel que collabora l'artista Rayden, participante cuando elles del Benidorm Fest de 2022.[40]

Nesti mesmu añu participaron nel llibru-discu Acorda, editáu pola Diputación de Pontevedra baxo'l documental del mesmu nome,[41] grabando un videuclip pal so tema Autocracia qu'apaez nel discu Tanxugueiras.

El 13 de mayu de 2022 espublizaron, en delles plataformes dixitales, un cenciellu nuevu del so tercer trabayu tituláu Pano corado, el 24 de xunu del mesmu añu espublizaron Seghadoras, y el 29 de xunetu Fame de odio.

Xunto a esti últimu cenciellu llanzaron el so discu Diluvio, nel que s'inclúin les pieces yá espublizaes demientres el 2022.

Discografía

editar

Álbumes

editar
Añu Títulu Detalles Sellu discográficu Cenciellos Videoclips
2018
Tanxugueiras
 Artista independente «Xota de Bembibre»[42] Seispés Producións Creativas
«Que non mo neguen»[43]
2019
Contrapunto
 Calaverita Records «Desposorio»[44] Trece amarillo y PlayPlan Cultural
«Perfidia»[45]
«Malquerenza»[46][47] Na casa
2022
Diluvio
 Calaverita Records «Midas»[48] Trece amarillo y PlayPlan Cultural
«Figa»[49]
«Terra»[50]
«Averno» (con Rayden)[51]
«Pano corado»[52]
«Seghadoras»
«Fame de odio»

Collaboraciones

editar
Añu Cenciellu Álbum
2017 «Pepa» (con A banda da Loba)[53]
Bailando as rúas
2018 «Cultura crítica» (con Nao y SonDaRúa)[54]
Ata que o lume se apague
2019 «East West» (con Shooglenifty)[55]
Sen álbum
«Meigas» (con Xabi Aburruzaga)[56]
Bost
«Non da Palestina?» (con Xabi Aburruzaga)[57]
«Cumbia de Muxía» (con Los Jinetes del Trópico)[58]
Sen álbum
2021 «Ràbia» (con Roba Estesa)[59]
Rosa Permanent
«Telo» (con Dj Mil)[60]
Sen álbum
«Coda» (con Chalart58)[61]
«Palabras que abrazan» (con dellos artistes)[62]
Sen álbum
«Fariña» (con Carlos Nuñez y Ivan Ferreiro)[63]
A Irmandade das Estrelas (25 Aniversario)
«Pobo de Artistas» (con Dakidarria y más)[64]
Sen álbum
2022 «Cambia todo» (con Muerdo)[65]
«Tirititran» (con Macaco)[66]
«A Virxe do Portovello» (con Rozalén)[67]
Matriz
2023 «La humanidad y la tierra» (con Iván Ferreiro)
Trinchera Pop
«Reina» (con Ruth Lorenzo)

Premios y reconocimientu

editar
Añu Gallardón Categoría Candidatu Resultáu Ref.
2019 aRi[t]mar Galicia y Portugal Meyor música de Galicia «Que non mo neguen» Ganador [68]
Scots Trad Music Awards Meyor videoclip «East West» (con Shooglenifty) Nom [69]
Premios Martín Códax da Música Meyor grupu de música tradicional y folk Tanxugueiras Ganador [70]
Premios MIN Meyor álbum en gallegu Tanxugueiras Ganador [71]
2020 Meyor álbum en gallegu Contrapunto Nom [72][73]
Premios Mestre Mateo Meyor videoclip «Perfidia» Nom [72]
Premios Opinión de Música de Raíz Meyor adautación d'una pieza tradicional «Desposorio» Ganador [74]
2022 Premios MIN Meyor artista emerxente Tanxugueiras Ganador [75]
Canción del añu «Terra» Nom [76]
Meyor videoclip «Figa» Nom
Premios Mestre Mateo Meyor videoclip «Figa» Ganador [77]
2023 Premios Mestre Mateo Meyor videoclip «Pano corado» Nom [78]
Premios MIN Meyor produción musical Tanxugueiras (con Iago Pico) Nom [79][80]
Meyor álbum Diluvio Nom
Meyor álbum en gallegu Ganador
Meyor álbum de música de raíz Ganador
Meyor videoclip «Averno» (con Rayden) Nom
Meyor lletra orixinal «Pano corado» Nom
Meyor direutu Xira Midas Nom
Premios Odeón Meyor artista revelación alternativu Tanxugueiras Ganador [81]
  • Premios MIN de la Música Independiente 2018 (Meyor álbum gallegu).
  • Certame aRi(t)mar Galicia y Portugal 2019 (Meyor Música de Galicia 2019).[82]
  • Premios Mestre Mateo del Audiovisual Galego 2019 (Finalistes Meyor videuclip por Perfidia)[83]
  • Scots Trad Music Awards 2019 (Finalistes na categoría de Meyor videu con Shooglenifty)[84]
  • Premios MIN de la Música Independiente 2019 (Finalistes Meyor álbum gallegu).
  • Premios Martín Códax da Música 2019 (Meyor grupu de Música tradicional y folk).
  • XIX Premios La Opinión de Música de Raíz 2020 (Meyor adautación d'una pieza tradicional).[85]
  • World Music Charts Europe 2020 (20 meyores discos de World Music en mayu de 2020).
  • Nel 2021, la pallabra "Tanxugueiras" reconocióse como la pallabra del añu en Galicia.[86] Ésta inscribióse nuna llábana de granitu no chan da rúa Menorca da cidade de Lugo.
  • En 2022, el conceyu de Teo otorgó'l so nome a l'área recreativa de Luou.[87]
  • En 2022, recibieron el Premiu Mestre Mateo al meyor videuclip por «Figa» na 20ª edición de los premios.

Referencies

editar
  1. ↑ «tanxugueiras».
  2. ↑ «Allos con bugallos: Tanxugueiras» (1 de marzu de 2017).
  3. ↑ Salgueiro. «Así foi o debut de Tanxugueiras: do Esmorga Folk a rozar Eurovisión».
  4. ↑ carolinapalenciagarcia (2018-09-04). «Ritmo de panaderas» (castellanu).
  5. ↑ Castro. «"Para nós é moi importante non ter que cinguirnos a un estilo determinado á hora de facer música"» (gallegu).
  6. ↑ «Premios Martín Códax 2019».
  7. ↑ «Trece Amarillo - Quemamos un coche el día de las elecciones» (castellanu) (2019-11-18).
  8. ↑ «Trece Amarillo - Grabando ‘Midas’ de Tanxugueiras» (castellanu) (2021-02-17).
  9. ↑ «Trece Amarillo - Making of de Figa» (castellanu) (2021-08-11).
  10. ↑  Entrevista a Iago Pico para Xente Emerxente (VTelevision) [Youtube].
  11. ↑ «Tanxugueiras lanzan un novo tema, 'Telo'».
  12. ↑ Redacción (2021-02-05). «Tanxugueiras lanza o seu novo single 'Midas', un xiro cara o trap e a electrónica» (gl-es).
  13. ↑ «Midas» (gallegu).
  14. ↑ «Tanxugueiras estrea "Coda"» (gl-es) (2021-07-05).
  15. ↑ «Tanxugueiras lanza Figa, o seu novo single, o venres 9 de xullo» (5 de xullo de 2021).
  16. ↑ «Os eurofans elixen un tema en galego de Tanxugueiras como o favorito para Eurovisión - Metropolitano».
  17. ↑ «Tanxugueiras xa están na carreira oficial cara a Eurovisión 2022» (gallegu) (2021-12-10).
  18. ↑ S.D.. «Tanxugueiras derruban as "fronteiras" con 'Terra' camiño de Eurovisión» (gallegu).
  19. ↑ «'Terra' de las gallegas Tanxugueiras supera las 500.000 reproducciones en su primer día» (castellanu).
  20. ↑ Ramírez. «¿Quiénes son las Tanxugueiras? La revolución del folclore gallego que pisa fuerte en Eurovisión» (castellanu).
  21. ↑ Y.C.. «As reaccións ao pase á final das Tanxugueiras: do apoio de Sobral ás críticas ao xurado».
  22. ↑ «Chanel, Tanxugueiras, Blanca Paloma y Varry Brava pasan a la final del Benidorm Fest, acusado de intentar un "tongo"» (castellanu) (26 de xaneiro de 2022).
  23. ↑ «La sombra del tongo marca la primera semifinal del Benidorm Fest» (castellanu) (27 de xaneiro de 2022).
  24. ↑ Lede. «Tanxugueiras tuvo un 71% de apoyo del televoto frente al 4% de Chanel en el Benidorm Fest» (castellanu).
  25. ↑ «Tanxugueiras, adoradas por España y ninguneadas por el jurado del Benidorm Fest» (castellanu) (30 de xaneiro de 2022).
  26. ↑ «As Tanxugueiras, fóra de Eurovisión malia seren as preferidas polo público do Benidorm Fest» (gallegu) (2022-01-29).
  27. ↑ «Tanxugueiras paralizó Galicia: la mitad de los espectadores vio el Benidorm Fest» (castellanu) (30 de xaneiro de 2022).
  28. ↑ «#Tongo?... o xurado do 'Benidorm Fest ' deixa fóra de Eurovisión ás Tanxugueiras» (30 de xaneiro de 2022).
  29. ↑ «¿Ha habido tongo en el 'Benidorm Fest'?» (castellanu) (30 de xaneiro de 2022).
  30. ↑ «Máximo Huerta confiesa que el jurado internacional quería que ganasen Tanxugueiras o Rigoberta» (castellanu) (31 de xaneiro de 2022).
  31. ↑ «Los vínculos de un miembro del jurado con la ganadora del Benidorm Fest» (castellanu) (28 de xaneiro de 2022).
  32. ↑ «Estas son las preguntas que Podemos, BNG y PP registraron en las Cortes sobre el Benidorm Fest» (castellanu) (31 de xaneiro de 2022).
  33. ↑ «CC.OO. requiere a RTVE que «deje sin efecto» la victoria de Chanel en el Benidorm Fest» (castellanu) (31 de xaneiro de 2022).
  34. ↑ Macías (2022-02-02). «RTVE publica las votaciones desglosadas del Benidorm Fest» (castellanu).
  35. ↑ «El misterio del miembro del jurado que dio más puntos a un videoclip que a la actuación de Tanxugueiras» (castellanu) (2022-02-04).
  36. ↑ Redacción. «Vaga de peticións desde Portugal para que as Tanxugueiras participen no Festival da Canção».
  37. ↑ Rodríguez (2022-02-03). «Portugal clama para que Tanxugueiras los represente en Eurovisión» (castellanu).
  38. ↑ «‘Cambia todo’, o novo do cantante Muerdo xunto ás Tanxugueiras» (2022-01-18).
  39. ↑ «Tanxugueiras lanza este viernes 'Averno', single de su nuevo disco» (castellanu).
  40. ↑ Redacción. «Tanxugueiras estrea 'Averno', "unha declaración de intencións a respecto dun sentimento común: a rabia"».
  41. ↑ «Presentan en Pontevedra 'Acorda', un documental "exemplo de resistencia e dignidade"» (gallegu).
  42. ↑  Xota de Bembibre [Youtube].
  43. ↑  Que non mo neguen [Youtube].
  44. ↑  Desposorio [Youtube].
  45. ↑  Perfidia [Youtube].
  46. ↑  Malquerenza (Directo en Estudio) [Youtube].
  47. ↑  Malquerenza (Na casa) [Youtube].
  48. ↑  Midas [Youtube].
  49. ↑  Figa [Youtube].
  50. ↑  Terra (Lyric Video Oficial) [Youtube].
  51. ↑  Averno [Youtube].
  52. ↑  Pano corado [Youtube].
  53. ↑  Pepa [Youtube].
  54. ↑  Cultura Crítica [Youtube].
  55. ↑  East West [Youtube].
  56. ↑  Meigas (directo. Kafe Antzokia) [Youtube].
  57. ↑  Non da Palestina? [Youtube].
  58. ↑  Cumbia de Muxia [Youtube].
  59. ↑  Ràbia feat [Youtube].
  60. ↑  Telo [Youtube].
  61. ↑  Coda [Youtube].
  62. ↑  Palabras que abrazan [Youtube].
  63. ↑  Fariña [Youtube].
  64. ↑  Pobo de artistas [Youtube].
  65. ↑  Cambia Todo [Youtube].
  66. ↑  Macaco, Tanxugueiras - Tirititran [Youtube].
  67. ↑  Rozalén, Tanxugueiras - A Virxe Do Portovello (Video Oficial) [Youtube].
  68. ↑ «aRi[tmar | Edición 2019]». Archiváu dende l'orixinal, el 25 de xuño de 2021. Consultáu'l 2021-06-25.
  69. ↑ «MG ALBA Scots Trad Music Awards 2019: Shooglenifty and Tanxugueiras». Consultáu'l 2021-06-25.
  70. ↑ Plantía:Cita novas
  71. ↑ «Ganadores 2019». Archiváu dende l'orixinal, el 20 de outubro de 2020.
  72. ↑ 72,0 72,1 «Tanxugueiras aspira a acadar o título de ‘Mellor álbum en galego’ nunha nova edición dos XII Premios da Música Independente».
  73. ↑ «Ganadores 2020». Archiváu dende l'orixinal, el 5 de outubro de 2022.
  74. ↑ «Tanxugueiras gaña con ‘Desposorio’ o galardón á mellor adaptación dunha peza tradicional nos Premios Opinión de Música de Raíz». Consultáu'l 2021-06-25.
  75. ↑ «Ganadores 2022». Archiváu dende l'orixinal, el 25 de setembro de 2022.
  76. ↑ «Nominados». Archiváu dende l'orixinal, el 25 de setembro de 2022. Consultáu'l 16 de abril de 2022.
  77. ↑ Plantía:Cita novas
  78. ↑ «Rapa e O corpo aberto acaparan as candidaturas finalistas dos XXI Mestre Mateo».
  79. ↑ «Tanxugueiras, el grupo con más nominaciones en los Premios de la Música Independiente».
  80. ↑ «Tanxugueiras triunfan na gala dos Premios da Música Independente».
  81. ↑ «Todos los ganadores de los Premios Odeón 2023».
  82. ↑ triwus.com. «aRi[tmar | Edición 2019]» (gallegu). Archiváu dende l'orixinal, el 2021-06-25.
  83. ↑ «Academia Galega do Audiovisual» (gl-es).
  84. ↑ «MG ALBA Scots Trad Music Awards 2019: Shooglenifty and Tanxugueiras» (inglés) (2019-11-04).
  85. ↑ «Tanxugueiras gaña con ‘Desposorio’ o galardón á mellor adaptación dunha peza tradicional nos Premios Opinión de Música de Raíz» (castellanu) (2020-09-30).
  86. ↑ «‘Tanxugueiras’, Palabra do Ano 2021».
  87. ↑ «As Tanxugueiras terán praza de seu en Teo» (3 de febreiro de 2022).

Enllaces esternos

editar
Sacáu de «https://ast.wikipedia.org/w/index.php?title=Tanxugueiras&oldid=4224982»