Wikipedia

Festival del Cantar d'Eurovisión

competición musical añal nel que participen los paises miembros de la European Broadcasting Union

N'activu dende 1956, el Festival de la Canción d'Eurovisión (n'inglés Eurovision Song Contest; en francés Concours Eurovision de la Chanson) (asemeyáu al desapaecíu Festival de la OTI en países llatinoamericanos) ye un festival de la canción televisáu, de calter añal y con participantes de numberosos países, toos ellos con televisiones (na so mayoría públiques) miembros de la Unión Europea de Radiodifusión. El país ganador ye escoyíu pol públicu al traviés mensaxes de testu y llamaes, sumaú al votu d'un xuráu formáu por profesionales de la industria musical[1]. El Festival tresmítese per televisión y radio en toda Europa. Dende los 80, el Festival emítese n'Australia, onde ye especialmente siguíu, fasta'l puntu de que'l país oceánicu foi almitíu na competición nel añu 2015[2]. El concursu ye tamién tresmitíu en munches otres partes del mundu, non namás per televisiones nacionales sinón tamién per les canales internacionales de les cadenes públiques europees como TVE Internacional y de estaos que nun participen como China o Estaos Xuníos[3]. N'Internet pue vese dende'l 2000 y güei tien una presencia perimportante en Youtube y redes sociales[4].

Festival del Cantar d'Eurovisión
Datos
Xéneru songwriting competition (en) Traducir
Productora Xunión Europea de Radiodifusión
Llingua orixinal inglés y francés
Emisión
Fecha de principiu 1956
Varios
Premios recibíos Medalla Carlomagno para los medios europeos (es) Traducir
www.eurovision.tv
Cambiar los datos en Wikidata

El nome del concursu vien de la Red de Distribución de Televisión de Eurovisión, que controla la Unión Europea de Radiodifusión (UER) y pue algamar audiencies potenciales de más de mil millones de persones. Cualesquier miembru de la UER pue participar nel Festival, incluyendo les televisiones públiques de dalgunos países africanos y asiáticos, como les d'Arxelia, Exiptu, Israel, Xordania, El Líbanu, Libia, Marruecos, Turquía y Tunicia, por mor del so estatus de miembros asociaos[5], anque teóricamente podríen facelo fasta 21 países de tol mundiu. D'estos países non europeos, sólo Turquía, Israel y Australia participaron nel Festival. Marruecos namás partipó n'Eurovisión en 1980. Tunicia tamién amosó interés en participar na metá de los 70, en tantu quE'l Líbanu, país que llegó a tener escoyío cantar que lu representaría, retiróse. Kazakstán mostró apocayá'l so interés en tar presente y tuvo l'oportunidá de facelo na versión infantil del Festival, Eurovisión Junior[6]. La República Checa y Xeorxa debutaren nel 2007. Azerbaixán fizo'l so debut en 2008 y la televisión pública de Palestina, en collaboración con un grupu danés, aniciaren informalmente les xestiones pa ingresar a la UER como miembru activu de la organización y asina poder participar nel Festival. Esti concursu y la UER son independientes de la Xunión Europea.

Oríxenes

editar

Nos años 50, con una Europa de posguerra faciendo por reconstruyise, la Unión Europea de Radiodifusión (UER) con base en Suiza punxo en marcha la idea d'un festival de la canción internacional onde tolos países pudieren participar nun programa de televisión, que diba ser tresmitíu simultáneamente en tolos países de la unión. Esto foi propuesto nuna reunión en Mónacu en 1955 por Marcel Bezençon, un trabayador francés de la UER.[7] El mou de competición basóse nel Festival de la Canción de San Remu que se realiza n'Italia,[8] y foi vistu como un esperimentu teunolóxicu pa la televisión en vivu: nesos díes, facer una tresmisión simultánea pa tantos países al empar yera un proyeutu mui ambiciosu. La televisión per satélite nun esistía, polo que la Unión Europea de Radiodifusión tenía d'utilizar la tresmisión per microondes.[9] El nome "Eurovision" foi primeramente usáu pa referise a la UER pol periodista británicu George Campey nel Evening Standard en 1951.[10]

La primer presentación asocedió na ciudá de Lugano, Suiza, el día 24 de mayu de 1956. Siete países participaren presentando dos cantares caún, en total 14, siendo la única vegada que un país pudo presentar más d'un cantar[11]. L'interpretación vocal acompañábase d'una orquesta, y el so usu caltúvose hasta 1999, cuando desanicióse por completu, magar que la voz sigue siendo obligatoriamente en direutu, tema que foi oxetu de polémica darréu que dellos estilos musicales n'actualidá faen usu de voces pregrabaes y modificaes dixitalmente y amestaes na base musical, como foi'l casu de la candidatura de Noruega en 2017[12].

La competición de 1956 ganóla'l país anfitrión, Suiza. Esti fechu da llugar davezu a un alderique alrrodiu la llexitimidá del resultáu, darréu que Suiza, país tradicionalmente neutral nos conflictos bélicos, llevare la victoria nun concursu que pretendía xunir el continente a traviés la cultura en cuenta d'aumentar enfrentamientos.

El programa conocióse primero como'l "Eurovision Grand Prix". El nome de "Grand Prix" ficiérenlu suyu los países francófonos, asina como Dinamarca y Noruega, onde la competición pasó a ser conocida como "Le Grand-Prix Eurovision de la Chanson Européenne".[13] Les pallabres "Grand Prix" dexaren d'usase dende entós y camudáronse por "Concours" (competición). En España úsase normalmente el nome Festival de Eurovisión o, a cencielles, Eurovisión. La rede Eurovisión úsase tamién pa tresmitir noticies y programes de deportes internacionalmente, asina como otros eventos especiales.[14] Sicasí, el Festival de la Canción tuvo muncha más relevancia qu'estos programes, y col tiempu convirtióse en sinónimu.

Formatu

editar
 
La sueca Loreen ganó pa Suecia nel añu 2012 col éxitu Euphoria

El formatu de les presentaciones sufrió varios cambios a lo llargo de los años, anque los principios básicos foren siempre los mesmos: los países participantes presenten les sos canciones, que son realizaes en vivo nun programa de televisión que ye tresmitíu nas televisiones de la UER en direutu. El eventu ye organizáu por una de les radiotelevisiones participantes, qu'unvía esta dende'l llugar escoyíu, pudiendo ser un típicu plató de televisión (sobre too nes primeres ediciones) o grandes recintos (nes ediciones más modernes).

Acabante de sentir toles canciones, el ganador ye proclamáu tres una votación ente los propios participantes, a traviés un xuráu designáu previamente y/o un votu popular, qu'en nengún casu pue votar al mesmu país que representa. El ganador recibe, simplemente, el prestixu de ganar anque ye consideráu como un trofeu a ganar pa cantautores y el país ganador ye invitáu a ser l'anfitrión de la próxima competición al añu siguiente.[11]

El programa ye siempre abiertu pol ganador del añu anterior quien suel representar la canción cola que ganó y posteriormente los presentadores dan la bienvenida a los telespectadores al espectáculu. Munchos de los países anfitriones dicen aprovechar la gran audiencia internacional que tienen estos programes pa mostrar escenes de la so nación como forma de promover el turismu. Ente les canciones y l'anunciu de la votación realízase un intervalu, que pue ser cualesquier forma imaxinable d'entretenimientu. Los intervalos d'entretenimientu incluiyeren yá actos como los de The Wombles (1974)[15] y la primera presentación internacional de Riverdance (1994).[16]

La música de cortina que s'escucha enantes y dempués de les tresmisiones del Festival de la Canción d'Eurovisión ye preludiu Te Deum de Marc-Antoine Charpentier.[7]

La final del Festival de la Canción d'Eurovisión ye tradicionalmente llevada a cabo un sábadu primaveral pola nueche, a les 19:00 (UTC). Polo xeneral ye elixíu un sábadu de mayu, anque hubo competiciones realizaes más tempranamente como marzu. Dende 2004, debío al creciente númberu de países que deciden participar, una ronda clasificatoria conocida como la semifinal llévase a cabo un xueves enantes de la final (en 2004, foi realizada'l miércoles anterior a la final.

Por Eurovision pasaron cantantes muy conocíos, como ABBA, Julio Iglesias, Céline Dion, Françoise Hardy, Nana Mouskouri, Cliff Richard, Dulce Pontes, Sergio Dalma, Raphael, Sandie Shaw, The Shadows, Paloma San Basilio, Umberto Tozzi, Domenico Modugno, Franco Batiatto y más recientemente, Pastora Soler, Noa, Bonnie Tyler, Andrew Lloyd Webber, Kate Ryan o Cascada.

Güei

editar

Güei, nel festival tomen parte unos 40 países, llevándose a cabu dos semifinales y una final. Dende hai unos años tien mucha importancia el fenómenu Eurofan, la xente seguidora del festival durante l'añu, que reúnese nel día del concursu nes sos cases o chigres de toa Europa pa velu. Delles ciudaes faen eventos de public viewing, como Hamburgu, na plaza Spielbudenplatz, que sirve amás como escenariu p'anunciar los resultaos del xuráu alemano[17].

Les audiencies del festival algamen cuasi 200 millones d'espectadores, con un gran ecu mediáticu especialmente nos países nórdicos, España, los Balcanes, Europa del Este y Alemania. El país xermanu lleva nueve años apurriendo la mayor cantidá de televidentes, con 8.080.000 na edición de 2019. N'Escandinavia l'impautu ye comparativamente mayor, con ablucantes porcentaxes de share como'l 81% en Noruega o'l 98,4% n'Islandia.[18]

Asturianos nel festival d'Eurovisión

editar

Hasta güei, varios asturianos fueron a Eurovisión: Massiel con pa y ma asturiana (1968), Yolanda Hoyos (dientro del grupu Bravo en 1984), Jennifer Serrano (per Andorra 2006) y El Sueño de Morfeo (2013). La gallega Lucía Pérez (2011) vivió y estudió n'Uviéu. El videoclip del Sueño de Morfeo y el videu de presentación nel día del festival fueron grabaos n'Asturies.

Referencies

editar
  1. ↑ Unión Europea de Radiodifusión. «Voting». European Broadcasting Union. Consultáu'l 2020-02-11.
  2. ↑ Unión Europea de Radiodifusión. «Australia to compete in the 2015 Eurovision Song Contest». Consultáu'l 2020-02-11.
  3. ↑ Unión Europea de Radiodifusión. «Logo to air Eurovision 2018 Grand Final live in the United States» (inglés). Consultáu'l 2020-02-11.
  4. ↑ Castellano. «El Festival de Eurovisión: un fenómeno que no para de arrasar en las redes sociales». Adglow. Archiváu dende l'orixinal, el 2020-08-15. Consultáu'l 2020-02-11.
  5. ↑ Cava, Joel (2016-10-19). «Los miembros asociados de la UER serán elegibles para participar en Eurovisión». Eurovision-Spain. Consultáu'l 2020-02-11.
  6. ↑ Goodman, Dave (2018-07-25). «Record number of countries to participate in 2018 Junior Eurovision Song Contest» (inglés). Xinebra: Unión Europea de Radiodifusión. Consultáu'l 2020-02-11.
  7. ↑ 7,0 7,1 Patrick Jaquin (1 d'avientu de 2004). «Eurovision's Golden Jubilee». European Broadcasting Union. Archiváu dende l'orixinal, el 2004-08-11. Consultáu'l 2006-07-15.
  8. ↑ «History of Eurovision». bbc.co.uk (2003). Consultáu'l 2006-07-20.
  9. ↑ George T. Waters (Winter 1994). «Eurovision: 40 years of network development, four decades of service to broadcasters». European Broadcasting Union. Consultáu'l 2006-07-15.
  10. ↑ David Fisher (28 de xineru de 2006). «Media Statistics: 1951». Terra Media. Consultáu'l 2006-07-15.
  11. ↑ 11,0 11,1 «Historical Milestones». eurovision.tv (2005). Archiváu dende l'orixinal, el 2006-05-26. Consultáu'l 2006-05-26.
  12. ↑ Cobb, Ryan (2017-06-12). «JOWST: We didn’t use “pre-recorded backing vocals”, we used “digital instruments”» (inglés). ESCXtra. Archiváu dende l'orixinal, el 2020-02-12. Consultáu'l 2020-02-12.
  13. ↑ Franck Thomas & Laurent Balmer (1999). «Histoire 1956 à 1959». eurovision-fr.net. Archiváu dende l'orixinal, el 2006-05-02. Consultáu'l 2006-07-17. (en francés)
  14. ↑ «The EBU Operations Department». European Broadcasting Union (14 June 2005). Consultáu'l 2006-07-20.
  15. ↑ «1974: Brighton, United Kingdom». eurovision.tv. Archiváu dende l'orixinal, el 2005-10-24. Consultáu'l 2005-10-24.
  16. ↑ Clive Barnes. «Riverdance Ten Years on». RiverDance.com. Archiváu dende l'orixinal, el 2009-05-22. Consultáu'l 2006-07-27.
  17. ↑
  18. ↑ Rico, Vicente (2019-06-19). «El Big 5 suma más de la mitad de la audiencia de Eurovisión 2019» (castellán). Eurovision-Spain. Consultáu'l 2020-02-14.

Enllaces esternos

editar
Sacáu de «https://ast.wikipedia.org/w/index.php?title=Festival_del_Cantar_d%27Eurovisión&oldid=4250458»