18-03-2020 19:32

El teléfonu coloráu yera un enllaz de comunicación direuta ente la Xunión Soviética y los Estaos Xuníos. Foi'l 20 de xunu de 1963 cuando se fundó la llinia direuta Moscú-Washington, que sigue vixente na actualidá. La Guerra fría ente Estaos Xuníos y la Xunión Soviética tuvo, en delles ocasiones, a puntu de convertise nuna guerra nuclear pola falta de comunicación ente dambos países. La Crisis de los Misiles en Cuba sería'l detonante perfeutu pal españíu d'ésta, pos mientres les dolce hores que tardó en decodificase'l mensaxe de Kruschev, pudo desamarrase una traxedia. Pero, a pesar de los conflictos diplomáticos y les guerres indireutes que llevaron a cabu ente dambos estaos, Washington y Moscú cuntaben con una vía de comunicación direuta,[1] lo que popularmente conocemos como'l Teléfonu Coloráu».

"Teléfonu coloráu" de la dómina de Jimmy Carter. La espresión teléfonu coloráu designa una llinia de comunicación direuta establecida ente los Estaos Xuníos y la Xunión Soviética dempués de la crisis de los misiles.

El «teléfonu coloráu» foi un términu periodísticu, pos la primer versión d'ésti yera una llinia de teletipu[2] y lloñe taba de ser coloráu; el color punxéron-ylu pa indicar el calter d'urxencia. ¿Por qué non un teléfonu? Según David Kahn (The Codebreakers, 1967), refugóse por razones téuniques y polítiques: la diplomacia telefónica yera afecha ente aliaos, pero peligrosa ente adversarios y en situaciones de crisis. El télex evitaba tracamundios ya improvisaciones.[3] Por que les traducciones nun se fueren de contestu, decidió establecese una primer fase de comunicación escrita, onde los emisores lo redautaran na so llingua y traduxérase al receutor nel so idioma. Con esta idea, tendióse una llinia dúplex de comunicación per cable que fadría la ruta Washington D. C.LondresCopenḥagueEstocolmuḤélsinkiMoscú y taría secundada por un enllaz de radio Washington D. C. – Tánxer – Moscú, onde, lóxicamente, unviaríense comunicaciones cifraes.

Les actualizaciones d'esta llinia nun tardaron en llegar y el cable tresatlánticu submarín convirtióse en secundariu. El 30 de setiembre de 1971 (8 años dempués de la nacencia de dicha llinia), amestáronse dos canales de comunicación per vía satélite.[4] En mayu de 1983, propúnxose una comunicación vía fax, que nun entró a valir hasta dos años más tarde.[2]

Foron dellos los conflictos que pueden asociase col teléfonu coloráu dempués de la Crisis de los Misiles: la guerra de los Seis Díes, en 1967; la guerra indo-paquistanina, en 1971; la guerra del Yom Kippur, en 1973, o invasión d'Afganistán pola Xunión Soviética.

Anguaño, dellos países tienen una vía de comunicación asemeyada, como Estaos Xuníos y China o India y Paquistán.

Ver tamién editar

Referencies editar

Enllaces esternos editar