Teri Garr

Terry Ann Garr (11 d'avientu de 1944, Los Angeles – 29 d'ochobre de 2024, Los Angeles), más conocida como Teri Garr, foi una actriz y cómica d'Estaos Xuníos nomada a los Premiu Óscar na categoría de la meyor actriz de repartu.

Teri Garr
Vida
Nacimientu	Los Angeles, 11 d'avientu de 1944
Nacionalidá	Estaos Xuníos
Llingua materna	inglés
Muerte	Los Angeles, 29 d'ochobre de 2024 (79 años)
Causa de la muerte	Esclerosis múltiple
Familia
Padre	Eddie Garr
Pareyes	Roger Birnbaum
Fíos/es	1
Estudios
Estudios	Institutou de Teatru y Cine Lee Strasberg Escuela Preparatoria de North Hollywood (es) Universidad Estatal de California, Northridge (es) Estudio de actuación Stella Adler (es)
Llingües falaes	inglés
Oficiu	actriz, baillarina, actriz de televisión, actriz de cine, actriz de voz, actriz de teatru
Trabayos destacaos	Young Frankenstein Close Encounters of the Third Kind Tootsie
Nominaciones	ver Óscar a la meyor actriz de repartu (17 febreru 1983): Tootsie
Seudónimos	Terri Garr y Teri Garr
IMDb	nm0000414

Biografía

Primeros años

Garr nació en Lakewood (Ohio). El so padre, Eddie Garr (nacíu Gonnoud), foi un artista de vaudeville, cómicu y actor que la so carrera llegó al cénit col papel principal en Broadway del drama Tobacco Road. La so madre, Phyllis Lind (nacida Emma Schmotzer), yera una baillarina y modelu. Garr graduóse en Magnificat High School, escuela Católica Romana solo pa moces de Rocky River (Ohio). Asistió a la Universidá de California y al Actor's Studio, p'ampliar la so formación.

Carrera

Teri apaeció en numberoses películes con distintos nomes nos creitos (Terri Garr, Terry Garr, Teri Hope, o Terry Carr). El so debú nel cine foi como extra en 1963 cola película A Swingin' Affair. Mientres los sos entamos, apaeció en distintes películes d'Elvis Presley, de normal como baillarina. Tamién tuvo un caméu como dama na película del grupu The Monkees (Head). Tamién tuvo un papel en The Andy Griffith Show. Garr adulces foi teniendo mayor protagonismu. La so dómina dorada foi nos años 70 y principios de los años 90 con distintes películes. El so primer rol nuna cinta de pesu foi nel drama criminal de Francis Ford Coppola La Conversación, xunto a Gene Hackman, John Cazale, Frederic Forrest, Harrison Ford y Robert Duvall. Pero ensin dulda, el papel que-y llanzó al estrellalgu sería'l de la sexy Inga, asistente del doctor Frankenstein en Young Frankenstein. Dempués llegaríen Oh, God!, Close Encounters of the Third Kind, El corcel negru y Mr. Mom. Foi nomada a los Premiu Óscar pol so papel d'amiga de Dustin Hoffman en Tootsie.

Garr tamién apaeció con cierta frecuencia en televisión. Dempués d'apaecer en The Andy Griffith Show tamién tuvo papeles en Batman en 1966 (episodiu 7, ensin figurar nos títulos), y en Star Trek nel episodiu "Assignment: Earth" (1968). Otres intervenciones fueron The Sonny and Cher Comedy Hour, The Ken Berry 'Wow' Show, The Burns and Schreiber Comedy Hour, The Bob Newhart Show, y Barnaby Jones, ente otros. Tamién apaeció en Saturday Night Live en trés causes a finales de los 70 y los 80 según nel show de David Letterman. Nos 90, entá pudimos vela en Friends (como la estraña madre biolóxica de Lisa Kudrow).

N'ochobre de 2002, Garr fixo públicu que sufría esclerosis múltiple. Dempués d'años de secretismu sobre'l so estáu de salú, Garr esplicó les sos razones pa faelo públicu: "Esplico la mio historia per primer vegada pa intentar ayudar a xente que sufre la enfermedá. Puedo dicir a esa xente que nun ta sola y qu'hai razones pa ser optimista porque hai tratamientos posibles". Nun s'esclariaron dende cuánto tiempu sufre la enfermedá ; en 2002, esplicó a Larry King que lo sufría dende faía 19 años, pero en 2005, cuando faía promoción del llibru, dixo que dende faía 25. Seya que non, puede datase el diagnósticu de la so enfermedá ente 1980 y 1983.

Desque Garr anunció que tenía esclerosis múltiple, convirtióse nuna activista sobre los riesgos de la enfermedá y la busca económica pa los tratamientos y la investigación. Ye la embaxadora n'Estaos Xuníos de la National Multiple Sclerosis Society y de la National Chair for the Society's Women Against MS program (WAMS).

Yera madre adoptiva d'una neña. El 21 d'avientu de 2006, sufrió un aneurisma cerebral na so casa de Los Angeles. La so fía de 13 años foi a ayudar pero nun la pudo llevantar. Llevada a urxencies, la so rellaciones públiques comentó una puesta recuperación de l'actriz. Finalmente, Garr concedió una entrevista en Late Show with David Letterman el 19 de xunu de 2008, coles mesmes que trabayó nel so últimu trabayu hasta'l momentu Expired.

Premios

Óscar

Añu	Categoría	Película	Resultancia
1982	Óscar a la meyor actriz de repartu	Tootsie	Candidata

Filmografía

• A Swingin' Affair (1963), de Jay O. Lawrence.
• Fun in Acapulco (1963), de Richard Thorpe. Con Elvis Presley.
• Kissin' Cousins (1964), de Gene Nelson.
• Viva Las Vegas (1964), de George Sidney. Con Elvis Presley.
• What a Way to Go! (1964), de J. Lee Thompson.
• Roustabout (1964), de John Rich.
• Pajama Party (1964), de Don Weis.
• The T.A.M.I. Show (1964)
• John Goldfarb, Please Come Home (1965), de J. Lee Thompson.
• Red Line 7000 (1965), de Howard Hawks.
• The Cool Ones (1967), de Gene Nelson.
• Clambake (1967), d'Arthur H. Nadel. Con Elvis Presley.
• For Pete's Sake (1968), de James F. Collier.
• Maryjane (1968), de Maury Dexter.
• Head (1968), de Bob Rafelson.
• Changes (1969), de Hall Bartlett.
• The Moonshine War (1970), de Richard Quine.
• The Conversation (1974), de Francis Ford Coppola.
• Young Frankenstein (1974), de Mel Brooks.
• Won Ton Ton, the Dog Who Saved Hollywood (1976), de Michael Winner.
• Oh, God! (1977), de Carl Reiner.
• Close Encounters of the Third Kind (1977), de Steven Spielberg.
• Java Junkie (1979), de Tom Schiller.
• The Black Stallion (1979), de Carroll Ballard.
• Witches' Brew (1980), de Richard Shorr y Herbert L. Strock.
• Honky Tonk Freeway (1981)
• One from the Heart (1982), de Francis Ford Coppola.
• The Escape Artist (1982), de Caleb Deschanel.
• Tootsie (1982), de Sydney Pollack.
• The Sting II (1983), de Jeremy Kagan.
• The Black Stallion Returns (1983), de Robert Dalva.
• Mr. Mom (1983), de Stan Dragoti.
• Firstborn (1984), de Michael Apted.
• After Hours (1985), de Martin Scorsese.
• Miracles (1986), de Jim Kouf.
• Full Moon in Blue Water (1988), de Peter Masterson.
• Out Cold (1989), de Malcolm Mowbray.
• Let It Ride (1989), de Joe Pytka.
• Short Time (1990), de Gregg Champion.
• Waiting for the Light (1990), de Christopher Monger.
• Mom and Dad Save the World (1992), de Greg Beeman.
• Dumb and dumber (1994), de Peter Farrelly.
• Prêt-à-Porter (1994), de Robert Altman.
• Perfect Alibi (1995), de Kevin Meyer.
• Michael (1996), de Nora Ephron.
• The Definite Maybe (1997), de Rob Rollins Lobl.
• Changing Habits (1997), de Lynn Roth.
• A Simple Wish (1997), de Michael Ritchie.
• Nightscream (1997)
• Kill the Man (1999), de Tom Booker.
• Dick (1999), d'Andrew Fleming.
• The Sky Is Falling (2000), de Florrie Laurence.
• Ghost World (2001), de Terry Zwigoff.
• Life Without Dick (2002), de Bix Skahill.
• A Taste of Jupiter (2005), de Derek Diorio.
• Unaccompanied Minors (2006), de Paul Feig.
• Let It Ride (2006) (documental)
• Expired (2007), de Cecilia Miniucchi.
• Kabluey (2007), de Scott Prendergast.

Curtiumetraxes

• Where Is the Bus? (1966)
• The Absent-Minded Waiter (1977)
• Java Junkie (1979)
• Save the Rabbits (1994)
• God Out the Window (2007)

Enllaces esternos

• Wikimedia Commons acueye conteníu multimedia sobre Teri Garr.
• Teri Garr na Internet Movie Database (n'inglés)
• Teri Garr n'AllMovie (n'inglés)
• «Teri Garr». en Find a Grave. (n'inglés)
• Teri Garr en Memory Alpha, una wiki de Star Trek.

• Datos: Q233873
• Multimedia: Teri Garr