Mel Brooks
Melvin James Kaminsky (28 de xunu de 1926, Brooklyn), más conocíu como Mel Brooks, ye un guionista, actor y direutor de cine d'Estaos Xuníos, especializáu nel xéneru de comedia.
Biografía
editarFíu de padres xudíos rusos, mientres la Segunda Guerra Mundial perteneció al cuerpu d'inxenieros de la US Army y ye ellí onde dio los sos primeros pasos de cómicu asonsañando na radio del Exércitu los mensaxes de propaganda nazi que podíen oyese na radio alemana. De vuelta a Estaos Xuníos, trabayó pa televisión escribiendo guiones pa series o espectáculos risibles, siendo Get Smart el más destacáu d'ellos.
La so entrada nel mundu del cine foi en 1968 con The Producers, siendo'l direutor y el guionista. Da vida a un productor de musicales estafador y a un contable cobarde y nerviosu qu'atopen la más grande estafa enxamás creada: producir un musical que'l so fracasu ye aseguráu de forma de faer más dineru que con un musical esitosu. Ganó'l Óscar al meyor guión en 1969.
Una de les sos parodies más conocíes ye To Be or Not to Be, sobre'l clásicu To Be or Not to Be, na qu'interpreta l'actor de teatru polacu que mientres la Segunda Guerra Mundial tien qu'actuar pa salvar la so vida y la de dellos de los que lu arrodien en dicha comedia, tamién escribe, dirixe y actúa nun clásicu de terror, pero lleváu a la comedia na película "Drácula, un muertu bien contentu y feliz".
Mel Brooks tamién foi'l productor de The Elephant Man de David Lynch (1980) y de La mosca de David Cronenberg (1986). Pa producir estes películes tan ayenes al so estilu tuvo que crear la empresa Brooksfilms, pa evitar que'l públicu, al ver nos cartelos «Mel Brooks presenta», pensara de momentu nuna comedia.
Los títulos de les sos películes fueron traducíes del inglés en forma distinta en distintos países, y tamién fueron modificaes, práutica avezada pa les audiencies nestos.
Tocantes a homenaxes, en 2009 recibió'l Premiu Kennedy del gobiernu d'Estaos Xuníos y el 25 d'abril de 2010 recibió la so estrella nel Paséu de la Fama de Hollywood pola so trayeutoria cinematográfica.[6]
Filmografía
editar- Los productores. N'América llatina: Con un fracasu, millonarios (The Producers, 1968) (direutor y guionista).
- El misteriu de les 12 sielles (The Twelve Chairs, 1970) (direutor, guionista y actor).
- Blazing Saddles. N'América llatina: Llocura nel Oeste(Blazing Saddles, 1974) (direutor, guionista y actor).
- Young Frankenstein. N'América llatina: El mozu Frankenstein (Young Frankenstein, 1974) (direutor, guionista).
- La última llocura. N'América llatina: La última llocura de Mel Brooks (Silent Movie, 1976) (direutor, guionista y actor).
- High Anxiety (Máxima Ansiedá). N'América llatina: Les congoxes del Doctor Mel Brooks (High Anxiety, 1978) (direutor, guionista y actor).
- La lloca historia del Mundu. N'América llatina La lloca historia del Mundu, primer parte (History of the World. Part I, 1981) (direutor, guionista y actor).
- To Be or Not to Be (To be or not to be, 1983) (actor).
- La lloca historia de les galaxes (Spaceballs, 1987) (direutor, guionista y actor).
- ¡Qué ascu de vida! (Life Stinks, 1991) (direutor, guionista y actor).
- Robin Hood: Men in Tights (Robin Hood: Men in Tights, 1993) (direutor, guionista y actor).
- Una peada de pillos (Little Rascals, 1994) (actor).
- Drácula, un muertu bien contentu y feliz (Dracula: Dead and Loving It, 1995) (direutor, guionista y actor).
- Robots (2005) (voz).
- Get Smart (Get Smart, 1965-1970) (guionista).
- Spaceballs: The Animated Series (como actor, guionista y direutor).
Condecoración honorífica
editar
Condecoración de la Orde de les Artes y les Lletres, nel grau de Caballero.
Galería d'imáxenes
editar-
-
Mel Brooks recibe'l Premiu Kennedy pola so contribución a les artes escéniques, nel Centro John F. Kennedy pa les Artes Escéniques, Casa Blanca, 2009. -
Televisión
editarLa producción de la serie de la década de los años 60 (1965 a 1970) titulada El Get Smart, protagonizada por Don Adams, foi de lo más esitosu nos sos llogros televisivos.
Participó como convidáu especial nel programa de televisión llamáu Llocu por ti (Mad About You), protagonizáu por Helen Hunt y Paul Reiser. Tamién emprestó la so voz pa la serie d'animación The Simpsons, interpretándose a sigo mesmu.
Amás, apaeció interpretándose a sigo mesmu en dellos episodios de Curb Your Enthusiasm.
Premios
editar- Premiu Óscar
| Añu | Categoría | Película | Resultáu |
|---|---|---|---|
| 1968 | Meyor guión orixinal | Los productores | Ganador |
| 1974 | Meyor guión adautáu | Young Frankenstein | Candidatu |
| 1974 | Meyor cantar orixinal | Blazing Saddles | Candidatu |
Referencies
editar- ↑ Afirmao en: Internet Movie Database. Identificador IMDb: nm0000316. Llingua de la obra o nome: inglés.
- ↑ Afirmao en: Gemeinsame Normdatei. Data de consulta: 26 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ Identificador CONOR.SI: 32964707. Afirmao en: CONOR.SI.
- ↑ URL de la referencia: https://peabodyawards.com/award-profile/mel-brooks/.
- ↑ URL de la referencia: http://www.pbs.org/wnet/americanmasters/episodes/mel-brooks/film-excerpt-mel-brooks-a-bullhorn-some-german-soldiers/2591/.
- ↑ «Mel Brooks recibe la so estrella nel Paséu de la Fama en Hollywood - Yahoo! Noticies».
Enllaces esternos
editar
Wikiquote tien frases célebres suyes o que faen referencia a Mel Brooks.
Wikimedia Commons tien conteníu multimedia tocante a Mel Brooks.- Mel Brooks na Internet Movie Database (n'inglés)
- Mel Brooks (enllaz rotu disponible n'Internet Archive; ver l'historial y la última versión). en TCM
- Mel Brooks en Internet Broadway Database
- Mel Brooks en Alpa Cine
- Mel Brooks en Cine Archivo
- Mel Brooks en AllMovie
- Mel Brooks en Rotten Tomatoes
Datos: Q104266- Multimedia: Mel Brooks
Cites famoses: Mel Brooks
