Tom Steele (doble)

Tom Steele
Vida
Nacimientu	Escocia, 12 de xunu de 1909
Nacionalidá	Reinu Xuníu ; Reinu Xuníu de Gran Bretaña ya Irlanda 12 abril 1927)
Muerte	Los Angeles, 30 d'ochobre de 1990 (81 años)
Estudios
Llingües falaes	inglés
Oficiu	actor, especialista de cine, actor de cine
IMDb	nm0824685

Tom Steele (12 de xunu de 1909, Escocia – 30 d'ochobre de 1990, Los Angeles) foi un actor y especialista cinematográficu estauxunidense, anque d'orixe escocés, conocíu pol so trabayu en distintos seriales, especialmente nos producíos por Republic Pictures.

Entamos editar

El so verdaderu nome yera Thomas B. Skeoch, y nació n'Escocia, Reinu Xuníu. La familia de Steele emigró a los Estaos Xuníos teniendo él una edá temprana, y asitióse nel norte de California.

Steel yera un caballeru bien avezado, y de mozu foi xugador de polu, compitiendo col equipu San Mateo Redcoats. Amás, na so mocedá trabayó nuna fábrica d'aceru, actividá pola cual recibió'l so llamatu profesional, "Steele" (steel = aceru).

Carrera cinematográfica editar

Nos entamos de la Gran Depresión marchó a vivir a Hollywood cola idea de faese actor, debutando nel cine col filme western de 1930 "The Lone Star Ranger". Sicasí, gracies al so remangu como caballeru, Steele llueu se dedicó a les escenes d'aición, que ufiertáben-y trabayu regular y meyores ingresos. A pesar d'ello, fixo munchos pequeños papeles a lo llargo de la so carrera, principalmente personaxes toscos y secuaces que la so principal función yera formar parte d'una escena de llucha. El so papel, visible pero non faláu, como guardia d'una prisión nel filme de 1947 Fuercia bruto, ye un bon exemplu d'ello.

Nos años trenta Steele trabayó con frecuencia pa Universal Studios con un grupu d'especialistes que se faíen llamar "The Cousins (Los primos)." Anque nun teníen rellación familiar, ayudábense los unos a los otros con cuenta d'ameyorar los sos númberos. A Steele, ello ye que acredítase-y la idea d'usar acolchaos p'amenorgar riesgos. The Cousins tamién incluyíen a Dave Sharpe, Carey Loftin, Eddie Parker, Ken Terrell, Bud Wolfe, Louis Tomei y Loren Riebe. Steele y Sharpe inda trabayaben xuntos nos años setenta en películes como Blazing Saddles.

Steele sustituyó a Sharpe como coordinador d'especialistes en Republic Pictures al apuntase Sharpe en 1942 pa sirvir na Segunda Guerra Mundial (Steele foi declaráu inútil por causa de una antigua mancadura producida na factoría d'aceru). Steele foi l'únicu especialista en roblar un contratu a plazu fixu (xunu de 1943 – xunu de 1944) con Republic, y foi'l doble d'actores protagonistes de seriales, ente ellos Rod Cameron (que nos sos entamu tamién foi especialista), Richard Bailey, Clayton Moore, y Sammy Baugh. Nes décades de 1940 y 1950, munchos actores de Republic fueron escoyíos por causa de la so paecencia física con Steele.

Nos llargumetraxes, Steele yera'l doble habitual de Wild Bill Elliott. El so papel más notable pa Republic foi'l del héroe del títulu nel serial de 1943 The Masked Marvel. La voz del personaxe foi doblada pol actor radiofónicu Gayne Whitman.

Steele tamién trabayó fora del ámbitu de Republic, interviniendo en clásicos como The Charge of the Light Brigade (1936), Santa Fe Trail (1940, doblando a Raymond Massey), The Big Sleep (doblando a John Ridgeley), y The Thing from Another World (1951, encarnando a la criatura).

Últimos años editar

Nes décades de 1960 y 1970 siguió trabayando como especialista, anque fixo cada vegada más pequeños papeles como actor, ente ellos el d'un camioneru nel filme de 1966 Harper y el d'un guardia de seguridá na película de 1971 de James Bond Diamonds Are Forever. Amás condució unu de los vehículos utilizaos na clásica persecución de Bullitt (1968), y llevó a cabu distintos escenes de conducción pa les películes de Walt Disney Pictures de la serie "The Love Bug (Herbie)". La so última película llegó en 1986, Tough Guys, na cual interpretaba a un vieyu nuna escena d'un atracu.

Nos sos últimos años Steele participó con frecuencia en distintos festivales cinematográficos dedicaos al xéneru western y a los seriales cinematográficos.

Tom Steele finó en 1990 en Los Angeles, California.

Referencies editar

Enllaces esternos editar

Tom Steele na Internet Movie Database (n'inglés)
Stunt Men & Women en B-Westerns
Artículu sobre Tom Steele en Todd Gault's Movie Serial Experience