Tuber melanosporum
Les especies de fungos con nome común en llingua asturiana márquense como Nmic. En casu contrariu, conséñase'l nome científicu.
La turma prieta[1] (Tuber melanosporum) ye bien apreciada na gastronomía pol so arume y ye de gran valor económicu. Trátase d'un fungu que s'atopa sol suelu (hipoxéu) y que tien un aspeutu esterior escuru tirando a prietu, de superficie verrugosa. Anguaño esti fungu pue cultivase nes denominaes turmeres.
Tuber melanosporum turma prieta  | ||
|---|---|---|
 | ||
| Clasificación científica | ||
| Reinu: | Fungi | |
| División: | Ascomycota | |
| Clas: | Ascomycetes | |
| Orde: | Pezizales | |
| Familia: | Tuberaceae | |
| Xéneru: | Tuber | |
| Especie: |
T. melanosporum Vittad. | |
| Consultes | ||
| [editar datos en Wikidata] | ||
| Tuber melanosporum Carauterístiques micolóxiques  | ||
|---|---|---|
 | ||
 | ||
 | ||
|
| ||
 | ||
 | ||
| [editar datos en Wikidata] |
Descripción
editarEtimoloxía.- Tuber {l} ~ protuberancia; nigrum {l} ~ prietu, poles sos espores pardu-escures.
Turma globosa a subglobosa, de 3-12 cm de diám., firme y compauta. Peridiu negru, mate, recubiertu de verrugues piramidales y poligonales de 3-5 mm. Gleba compauta, de primeres gris-violácea y nel maduror pardu-corita percorrida por venaciones maneres ablancazaes, de tonalidaes rosaes al contautu col aire. Golor arumáu bien característicu, a mariscu, sabor deliciosu.
Hábitat
editarEl so hábitat natural son los montes del sur de Francia, Italia y España. Ello ye qu'esta postrera ye considerada como la principal productora a nivel mundial, con provincies tan destacaes como la de Teruel. Nella llevóse a cabu en marzu de 2013 el I Congreso Internacional de Truficultura. Tamién otres zones como Soria, Huesca, Navarra, Girona, producen esti manxar, pero en menor cuantía. Vive so tierra, en simbiosis colos raigaños d'ancines, carbayos y ablanales principalmente, anque tamién vive acomuñada a los raigaños de dellos pinos (halepensis y sylvestris) y estepesNOA o carpaza rosiellaNOA (Cistus albidus), xeneralmente en tierres caliares. Reproduzse na primavera, apaeciendo entós como pequeñes pelotes, que depués nel branu y seronda énchense y maurecen, llegando al tamañu d'una pelota de golf. Mide ente 3 y 7 cm -dacuando recuéyense de 10 cm- y un pesu ente 20 y 200 gramos, magar qu'esceicionalmente pueden perpasar los 600 g.[2] La turma prieta despide sustancies alelopátices que torguen la crecedera de la yerba al so alredor, y eso suel ser dacuando una clave pa poder atopales.
El so aspeutu recuerda al d'una pataca si naz nun suelu 'sueltu' y de forma irregular, con unes “verrugues” pocu fondes si naz nun suelu cascayosu, pudiendo llegar a tener formes caprichoses. El color de la so carne ye negru-violaceu, con venes blanques, cuando llegó al so completu maduror. Como'l so nome indica, el maduror llega pel hibiernu. El famosu gastrósofu francés Grimod de La Reynière mentaba: “Les turmes tán realmente bones dempués de Nadal. Dexemos entós, a los maestrillos inorantes, a los famionos imberbes, a los cielu la boca ensin esperiencia, la pequeña gloria de xintar les primeres”.[3]
Comestibilidá
editarYe un comestible escelente, "el diamante de la cocina" según los franceses, qu'incorporáronla como condimentu (especialmente la famosa turma de Perigord) nel so sofisticáu repertoriu culinariu, dende hai cuantayá.
Tamién s'usa p'arumatizar conserves y embutíos, como la perafamada butifarra catalana turmada.
Referencies
editar- ↑ URL de la referencia: http://www.sabencia.net/nomenclator.php.
- ↑ Cahors, Francia, 1958
- ↑ Almanach des gourmands, Ed. Mercure de France , coll. Le Petit Mercure, 01/04/2003
Bibliografía
editar- Morcillo M, Sanchez M, Vilanova X. (2015). Cultivar Trufas, una realidad en expansión. 352pp. ISBN 978-84-617-3654-6 [1]
- Morcillo M, Sanchez M, Vilanova X. (2015). Truffle Farming Today, a Comprehensive World Guide. 352pp. ISBN 978-84-617-1307-3
- Guía para el cultivo de trufa negra (tuber Melanosporum Vitt.), Daniel Oliach, Daniel Oliach Lesan, Centre Tecnològic Forestal de Catalunya, 2005. ISBN 84-689-5025-4
- Marcos Morcillo, Baldomero Moreno-Regueru, Elena Pulido y Mónica Sánchez. 2007. Manual de Truficultura Andaluza. 1ªed. Ed. Fundación Gypaetus. Consejería de Medio Ambiente. Junta de Andalucía. 176 pp. ISBN 978-84-935194-3-8
Ver tamién
editar- TurmaNmic
- Turma de San XuanNmic (Tuber aestivum) y dalgunes de les sos variedaes como'l (Tuber magnatum).
- Sarrion (Teruel) (Considerada capital española de turma prieta y sede de la feria FITRUF)
- Tolva (Huesca)
Enllaces esternos
editar- Trufa de Teruel(castellán)
- Feria Internacional de Trufa de Sarrion(castellán)
Wikimedia Commons tien conteníu multimedia tocante a Tuber melanosporum.
| Wikispecies tien un artículu sobre Tuber melanosporum. |
Datos: Q1093314- Multimedia: Tuber melanosporum
Especies: Tuber melanosporum
