Tyto tenebricosa
Tyto tenebricosa[1] ye una especie d'ave estrixiforme de la familia Tytonidae qu'habita en Nueva Guinea y el sureste d'Australia.
Tyto tenebricosa  | ||
|---|---|---|
.JPG) | ||
| Estáu de caltenimientu | ||
 Esmolición menor (IUCN 3.1) | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Strigiformes | |
| Familia: | Tytonidae | |
| Xéneru: | Tyto | |
| Especie: |
T. tenebricosa Gould, 1845 | |
| Distribución | ||
 | ||
| Subespecies | ||
T. tenebricosa arfaki | ||
| Consultes | ||
| [editar datos en Wikidata] | ||
Descripción
editarLa curuxa tenebrosa mide una media de 45 cm de llargu. Les femes son de mayor tamañu, miden ente 44–51 cm y pesen ente 750 y 1200 g, ente que los machos miden ente 37–43 cm y pesen ente 500-700 g. El so plumaxe ye principalmente de color gris escuru, más escuru nes partes cimeres, con un finu motudu blancu tantu nes partes cimeres como nes inferiores, siendo les femes daqué más clares. El llargor de la so ala bazcuya ente los 30 y 40 cm y la so cola ye bien curtia. Presenta un discu facial gris en forma de corazón enmarcáu por una ancha llista corita con un cantu ablancazao y difuso nel so interior. Los sos güeyos son escuros. Les sos pates emplumaes tienen deos y tarsos llargos.
Distribución y hábitat
editarLa curuxa tenebrosa alcuéntrase nes selves tropicales de les rexones montascoses de Nueva Guinea y nes zones costeres del sureste d'Australia, amás de la islla Yapen. Tamién foi columbrada na islla Flinders del estrechu de Bass.
La curuxa tenebrosa ye una ave nocherniega y duerme nos buecos de los árboles, les cueves o ente la xamasca trupa pel día, polo que ye malo de ver o oyer. Habita en zones de ribayos fondos nos montes húmedos onde haya ocalitos, felechos y demás sotobosque de selva húmeda. Puede cazar en zones más seques pero xeneralmente cría y duerme nes más húmedes.
Taxonomía
editarFoi descrita científicamente pol naturalista inglés John Gould en 1845. Reconócense dos subespecies:[2]
- T. t. arfaki - presente en Nueva Guinea y Yapen;
- T. t. tenebricosa - subespecie nominal d'Australia.
Enantes considerábase a la curuxa motuda (Tyto multipunctata), más pequeña y nativa del nordés d'Australia, una subespecie de la curuxa tenebrosa, pero anguaño considérense especies separaes.[2]
Comportamientu
editarLes curuxes tenebroses son territoriales y sedentaries, y créese que permanecen nel mesmu área tola so vida d'adultu.
Alimentación
editarAliméntase principalmente de mamíferos, que pueden ser marsupiales arborícoles (como los petauros xigantes, les zarigüeyas de cola anillada y los petauros del azucre) o terrestres como los bandicuts y los antequinos, y royedores. Tamién atrapa dacuando aves, esperteyos ya inseutos.
Reproducción
editarAñera nun buecu grande d'un árbol o una cueva. La fema duerme nel nial mientres delles selmana enantes de poner unu o dos güevos blancos mate. Xeneralmente la cría tien llugar ente los meses de xineru a xunu, pero puede dase en cualquier dómina del añu dependiendo de la llocalización y condiciones climátiques. La incubación dura 42 díes. El machu apurre comida a la fema, que raramente dexa'l nial. Los pitucos nacen cubiertos d'un plumón gris y tarden tres meses en completar el so desenvolvimientu hasta poder volar. En dexando'l nial los xuveniles siguen dependiendo de los sos padres un periodu llargu.
Referencies
editar- ↑ Bernis, F; De Juana, E; Del Hoyo, J; Fernández-Cruz, M; Ferrer, X; Sáez-Royuela, R; Sargatal, J. «Nombres en castellano de las aves del mundo recomendados por la Sociedad Española de Ornitología (Quinta parte: Strigiformes, Caprimulgiformes y Apodiformes)». Ardeola. Handbook of the Birds of the World (Madrid: SEO/BirdLife) 47 (1): páxs. 123-130. ISSN 0570-7358. https://www.seo.org/wp-content/uploads/tmp/docs/vol_47_1_quinto.pdf. Consultáu'l .
- ↑ 2,0 2,1 GILL, F.; DONSKER, D. (Eds.) (2014). Owls. IOC World Bird List (v.4.2).
Enllaces esternos
editar| Wikispecies tien un artículu sobre Tyto tenebricosa. |
Wikimedia Commons acueye conteníu multimedia sobre Tyto tenebricosa.- The Owl Pages
- Ficha n'Internet Bird Collection
- Imaxe
Datos: Q1268348- Multimedia: Tyto tenebricosa
Especies: Tyto tenebricosa
