Unión Asturianista

(Redirixío dende Unión asturianista)

Unión Asturianista (tamién llamada Unión URAS-PAS) ye una coalición política asturiana nacida en payares de 2004 que quier aconceyar baxo unes mesmes sigles a les fuercies asturianistes.

Unión Asturianista
Presidente Xuan Xosé Sánchez Vicente
Fundación 2004
Estáu  España
Ideoloxía política nacionalismu asturianu
Páxina web union.asturianista.as
Cambiar los datos en Wikidata

Anguaño fórmenla'l Partíu Asturianista (PAS) y la Unión Renovadora Asturiana (URAS).

La presidencia de la mesma tará formada polos cabezaleros de dambos partíos, Xuan Xosé Sánchez Vicente del PAS y Sergio Marqués del URAS.

El candidatu a la presidencia dirá alternandose ente los dos. Nes eleiciones de 2007 foi Sergio Marqués el que presentose pola circunscripción central. De la mesma forma ficiéronse candidatures alternes nos conceyos au presentáronse. Nestes eleiciones autonómiques de 2007 nun algamó nengún diputáu na Xunta Xeneral teniendo la coalición 13.255 votos, faltando-y 2736 votos[1] nel centru d'Asturies p'algamalu.

Eso sí, nes eleiciones a conceyos la candidatura Unión Asturianista algamó 11 conceyales, colos que tien dos alcaldías nos conceyos de Villaviciosa de 15.000 habitantes (ye'l conceyu 11 de mayor población d'Asturies), y nel de Ponga de 700 habitantes (que ye Parque Natural na mayor parte). Por ponei un exemplu de la so implantación Izquierda Unida n'Asturies tien namai 4 alcaldíes más que la candidatura Unión Asturianista.


Resultaos eleutorales editar

A la Xunta Xeneral del Principáu d'Asturies editar

Añu Votos % Xunteros
2007 13.255 2,3 -

Enllaces esternos editar

Referencies editar