Wikipedia

Víctor Fernández Coalla

Xestor cultural y coach asturianu

Víctor Manuel Fernández Coalla (1966, Uviéu) ye un empresariu, xestor cultural y coach asturianu.

Víctor Fernández Coalla
Vida
Nacimientu Uviéu[1], 1966[1] (57/58 años)
Nacionalidá España
Llingua materna castellanu
asturianu
Estudios
Estudios Universidá d'Uviéu
Universidá Icesi
Universidá Pedagóxica Nacional de Colombia
Universidá Autónoma de Madrid
Escuela Superior d'Alministración y Direición d'Empreses
Llingües falaes castellanu
asturianu[2]
inglés
Oficiu xestor cultural, pedagogu, historiador, editor
Creencies
Relixón católicu romanu
coallaconsulting.com
Cambiar los datos en Wikidata

Biografía

editar

Ñació n'Uviéu, capital d'Asturies. Dende mozu, entama na defensa activa de la cultura tradicional asturiana venceyándose estrechamente a proyeutos como Ámbitu Ediciones empobinada por Inaciu Iglesias y la Fundación Belenos presidida por Lisardo Lombardía. Llicénciase en Xeografía y Hestoria pola Universidá d'Uviéu con especialidá n'historia del arte en 1991. Realizó les maestríes de Direición y Alministración de Fundaciones na Universidá Autónoma de Madrid (1993) y de Desenvolvimientu Direutivu na Escuela Superior d'Alministración y Direición d'Empreses (ESADE) de Barcelona (2002). Cuenta con una especialización en Pedagoxía de la Universidá Pedagóxica Nacional de Colombia (2016) y una doble certificación en Coaching Ontolóxicu pola Universidá Icesi, Leading Group y la International Coach Federation (ICF) (2019).[3] Trabayó como téunicu d'esposiciones nel Centru d'Estudios Históricos d'Obres Públiques y Urbanismu del Ministeriu d'Obres Públiques y Urbanismu en Madrid dende 1992 a 1994, sol ministeriu de Josep Borrell, onde entamó esposiciones itinerantes per España y n'América como «La Ciudá Hispanoamericana, el suañu d'un Orde» y «Obres Hidráuliques n'América Colonial». Depués trabayó hasta 1996 mientres la etapa de ministra de Carmen Alborch na Subdireición Xeneral de Museos Estatales del Ministeriu de Cultura, onde xestionó construcciones y rehabilitaciones arquiteutóniques y amás de coordinar el programa d'inauguraciones de los museos estatales españoles. Dirixó los cursos de branu «Sobro arquiteutura de museos» y «Muséu, territoriu y ciudá» na Universidá d'Uviéu. Formó parte de la direición qu'entamó'l VIII Congresu Internacional para'l Caltenimientu del Patrimoniu que tuvo llugar na capital española.[3] Torna a la so natal Asturies onde crea una de les primeres empreses consultores de calter cultural desendolcando múltiples proyeutos llocales, rexonales y europeos, destacando la so collaboración y participación na organización del Aula Príncipe d'Asturies de la Fundación Príncipe d'Asturies dirixida entós por Graciano García con esposiciones como «La UNAM, güei» o «Fernando Alonso, alcordances d'un campeón».

Fundación José Cardín Fernández

editar

Foi direutor de la Fundación José Cardín Fernández, venceyada cola empresa productora de sidra El Gaiteru, hasta l'añu 2013 cuando foi sustituyíu por Enriqueta de Valdés Cavanilles.[4] Mientres el so tiempu na Fundación Cardín destacóse pola planeación y desendolcu d'una gran cantidá d'actividaes pa la promoción del saber y la cultura de la Comarca de la Sidra, ensin desdexar el patrimoniu artísticu y históricu del restu d'Asturies, onde llegó a trabayar al pie de Víctor García de la Concha, presidente del patronatu de la Fundación.[5] Resalta'l so ampliu llabor editorial destacando la so aportación como autor del llibru «La Fundación José Cardín Fernández: una entidad al servicio de la cultura y un instrumento de la responsabilidad social de la empresa» (2011).

Depués de más de siete años como direutor de la Fundación José Cardín Fernández treslládase a Cali, en Colombia, onde impartió conferencies y vencéyase al sector educativu llegando a ocupar el cargu de rector del Colexu Hispanoamericanu.[6] Nesa ciudá fai parte de la Xunta Direutiva como sociu fundador del capítulu colombianu de la Fundación Padrinos Asturianos, dirixida pol sacerdote asturianu José «Pepe» Pérez, que busca aidar al desendolcu integral de los neños más desfavorecidos d'El Cerrito.[7][8] Caltién collaboraciones periódiques en medios de comunicación y una columna editorial nel diariu electrónicu n'asturianu Asturies.com llamada Cróniques ultramarines.[9]

Anguaño exerz en Colombia desenvolviendo proyeutos de xestión y consultoría socioculturales,[4] y como coach executivu empresarial na empresa Coalla Coaching & Consulting.

Espublizaciones y obra

editar

Ensayu

editar
  • La ruta Oviedo - L'Angliru: un recurso natural y cultural en el corazón de Asturias. Publicado en Arqueología industrial, patrimonio y turismo cultural (2001). ISBN 84-607-2646-0. páxs. 183-192.[10]

Llibros

editar
  • Premiu Internacional de Pintura de la FLC: Fundación Laboral de la Construcción del Principado de Asturias (2009). Coautor.[11]
  • La Fundación José Cardín Fernández: una entidad al servicio de la cultura y un instrumento de la responsabilidad social de la empresa (2011). Villaviciosa: Editorial Fundación José Cardín Fernández. Depósitu Llegal: AS-643-2011

Esposiciones

editar
  • Fernando Alonso, recuerdos de un campeón (2005)
  • El pasu del tiempu: La emigración asturiana a Bruselas (2006). Axencia Asturiana d'Emigración (Comisariáu y testos).[12]
  • La asturiana de Mariano Benlliure (2007). Fundación José Cardín Fernández (Testos).[13]
  • La UNAM, Hoy (2010).
  • Objeto Villaviciosa (2011). Exposición de la obra del xixonés Joaquín Fanjul (Comisariáu).[14]

Referencies

editar
  1. ↑ 1,0 1,1 URL de la referencia: https://www.elcomercio.es/asturianos-por-el-mundo/cambiar-ciudad-pais-20190316001741-ntvo.html.
  2. ↑ URL de la referencia: http://asturies.com/entrevistes/fernandez-coalla-los-partidarios-del-non.
  3. ↑ 3,0 3,1 «Víctor Fernández Coalla» (castellanu). Araz.net. Archiváu dende l'orixinal, el 2019-05-31. Consultáu'l 2019-05-22.
  4. ↑ 4,0 4,1 Menéndez, Mariola (18 de payares de 2016). «Quetina de Valdés, gerente de la Fundación Cardín, recibe la cruz de oficial del Mérito Civil» (castellanu). www.lne.es. Uviéu: La Nueva España. Archiváu dende l'orixinal, el 2019-05-31. Consultáu'l 2019-05-22.
  5. ↑ Cuervo, Óscar (2012-12-27). «Víctor Fernández abandona la presidencia de la Fundación Cardín» (castellanu). El Comercio. Archiváu dende l'orixinal, el 2019-05-31. Consultáu'l 2019-05-22.
  6. ↑ «Comunicado Colegio Hispanoamericano» (5 de febreru de 2016). Archiváu dende l'orixinal, el 2019-05-31.
  7. ↑ «PadrinosAsturianos-Biografía». www.padrinosasturianos.es. Archiváu dende l'orixinal, el 2017-09-25. Consultáu'l 2019-05-24.
  8. ↑ «Informe de Financiero año 2017». Archiváu dende l'orixinal, el 2022-10-05.
  9. ↑ «Estrenamos 'Cróniques ultramarines': Asturies y lo asturiano nel mundu» (asturiano). Asturies.com. Archiváu dende l'orixinal, el 2019-05-31. Consultáu'l 2019-05-22.
  10. ↑ Coalla, Víctor Fernández (2001). «La ruta Oviedo - L'Angliru: un recurso natural y cultural en el corazón de Asturias». Arqueología industrial, patrimonio y turismo cultural, 2001, ISBN 84-607-2646-0, páxs. 183-192 (Incuna. Asociación de Arqueología Industrial):  páxs. 183–192. ISBN 9788460726463. Archivado del original el 2019-05-31. https://web.archive.org/web/20190531174745/https://dialnet.unirioja.es/servlet/articulo?codigo=751184. Consultáu'l 2019-05-22. 
  11. ↑ «FLC Fundación Laboral de la Construcción del Principado de Asturias» (castellanu). datos.bne.es. Archiváu dende l'orixinal, el 2019-05-31. Consultáu'l 2019-05-22.
  12. ↑ «El pasu del tiempu: la emigración asturiana a Bruselas» (castellanu). datos.bne.es. Archiváu dende l'orixinal, el 2019-05-31. Consultáu'l 2019-05-22.
  13. ↑ «La Asturiana de Mariano Benlliure» (castellanu). datos.bne.es. Archiváu dende l'orixinal, el 2019-05-31. Consultáu'l 2019-05-22.
  14. ↑ España, La Nueva. «Villaviciosa en la mirada de Joaquín Fanjul» (castellanu). www.lne.es. Archiváu dende l'orixinal, el 2019-05-24. Consultáu'l 2019-05-24.
Sacáu de «https://ast.wikipedia.org/w/index.php?title=Víctor_Fernández_Coalla&oldid=4208034»