Viga d'equilibriu

Femenín
1952 Nina Bocharova Xunión Soviética; 1956 Ágnes Keleti Hungría; 1960 Eva Bosáková Checoslovaquia; 1964 Věra Čáslavská Checoslovaquia; 1968 Natalia Kuchinskaya Xunión Soviética; 1972 Olga Korbut Xunión Soviética; 1976 Nadia Comăneci Rumanía; 1980 Nadia Comăneci Rumanía; 1984 Ecaterina Szabo Rumanía; y Simona Păucă Rumanía;	1988Daniela Silivaş Rumanía; 1992 Tatiana Lysenko Plantía:EUN; 1996 Shannon Miller Estaos Xuníos d'América; 2000 Xuan Liu China; 2004 Cătălina Ponor Rumanía; 2008 Shawn Johnson Estaos Xuníos d'América; 2012 Deng Linlin China; 2016 Sanne Wevers Países Baxos;
	[editar datos en Wikidata]

La viga d'equilibriu o barra d'equilibriu ye unu de los cuatro aparatos o modalidaes que componen la ximnasia artística femenina. Comúnmente conozse na so forma embrivida como «viga» o «barra». L'aparatu ye una viga pequeña y estrecha soportada por dos bases metáliques y ye un exerciciu namái realizáu poles ximnastes.

Les vigues utilizaes en competiciones ximnástiques internacionales tienen de cumplir con ciertes normes y especificaciones establecíes pola Federación Internacional de Ximnasia (FIG). Al prauticar los exercicios, les ximnastes usualmente trabayen nuna barra coles mesmes dimensiones y superficie pero a un altor menor. Orixinalmente, la viga taba compuesta de madera.^[1] Sicasí, dende la década de 1980, les barres tán recubiertes de cueru o ante. Amás, cunten con resortes pa amortiguar l'impautu causáu polos saltos y los movimientos artísticos.^[2]

Según la publicación «Apparatus Norms» de la FIG, les dimensiones de la viga son: un altor de 125 centímetros, un llargor de 500 centímetros y un anchor de 10 centímetros.^[3] Per otra parte, un exerciciu na barra d'equilibriu tien de contener: un enllaz de dos elementos de danza distintes (unu ten de ser un saltu con split de 180°), un xiru completu nun pie, una serie acrobática, elementos acrobáticos en distintes direiciones y una salida.^[4]