Walker Evans
Walker Evans (3 de payares de 1903, Saint Louis – 10 d'abril de 1975, New Haven) foi un fotógrafu d'Estaos Xuníos principalmente conocíu pol so trabayu pa la Farm Security Administration (FSA) documentando los efeutos de la Gran Depresión. Munchos de los sos trabayos tan en coleciones permanentes de museos y fueron oxetu de retrospectives n'instituciones como The Metropolitan Museum of Art o George Eastman House.[6]
Walker Evans | |
|---|---|
 | |
| Vida | |
| Nacimientu | Saint Louis[1], 3 de payares de 1903[2] |
| Nacionalidá |
 Estaos Xuníos [3] |
| Muerte | New Haven[4], 10 d'abril de 1975[2] (71 años) |
| Estudios | |
| Estudios |
Williams College (es)  Phillips Academy (es) Mercersburg Academy (en) |
| Llingües falaes | inglés[2] |
| Oficiu | fotógrafu, fotoperiodista, periodista |
|
Participante
| |
| Llugares de trabayu | París y Nueva York |
| Emplegadores |
Administración de Seguridad Agraria (FSA) (es) Resettlement Administration (en) |
| Premios |
ver
|
| Miembru de | Academia de les Artes y les Ciencies d'Estaos Xuníos |
| Movimientu |
realismo social (es) [5] |
| Xéneru artísticu |
semeya arte de xéneru |
 | |
Biografía
editarWalker Evans nació en Sant Louis, Missouri, fíu de Jessie y Walker, una familia acomodada. So padre yera direutor de publicidá. Pasó la so mocedá en Toledo, Chicago, y Nueva York. Acudió al The Loomis Institute y Mercersburg Academyanantes de graduase na Phillips Academy n'Andover, Massachusetts, en 1922. Estudió lliteratura fracesa a lo llargo d'un añu nel Williams College, pasando munchu tiempu na biblioteca de la escuela anantes d'abandonala. Depués pasó un añu en París en 1926, tornando a los Estaos Xuníos pa xunise al ambiente lliterariu y l'arte de vanguardia en Nueva York. John Cheever, Hart Crane, y Lincoln Kirstein fueron dellos de los sos amigos. Yra un emplegáu d'una firma corredora de bolsa en Wall Street dende 1927 hasta 1929.
Evans entamó la so carrera fotográfica en 1928, tiempu nel que vivía n'Ossining, Nueva York [7] Les sos influencies fueron Eugène Atget y August Sander. [8] En 1930, publicó tres fotografíes (Brooklyn Bridge) nel llibru de poesía The Bridge de Hart Crane. En 1931, tomó una riestra de fotos de cases victorianes de los alredores de Boston patrocináu por Lincoln Kirstein. En 1933, fotografió en Cuba pal editor de Carleton Beals 'The Crime of Cuba' ', fotografiando la revuelta contra'l dictador Gerardo Machado . En Cuba, Evans conoció brevemente a Ernest Hemingway.
Fotografía na dómina de la Depresión
editarEn 1935, Evans pasó dos meses trabayando nuna campaña fotográfica plazo fijado para la Resettlement Administration (RA) en Virxinia Occidental y Pennsylvania. Más seró entamaría a trabayar pa la Farm Security Administration (FSA), principalmente nel Sur de los Estaos Xuníos.
Nel veranu de 1936, cuando tovía trabayaba pa la FSA, él y l'escritor James Agee fueron enviados pola revista Fortune ral concáu de Hale, Alabama, pa facer un reportaxe que, finalmente, la revista nun publicó. En 1941, con fotografíes d'Evans y textos d'Agee detallaron la estancia de los dos con tres families d'arrendatarios blancos del Sur d'Alabama nel tiempu de la Gran Depresión foi asoleyáu l'innovador ensayu Let Us Now Praise Famous Men. Esi rellatu detalláu de tres families campesines pinta un retratu conmovedor de la probitú rural. Notando una semeyanza col llibru de Beals, el críticu Janet Malcolm, nel so llibru de 1890, Diana & Nikon: Essays on the Aesthetic of Photography, señaló la contradición ente una especie de disonancia angustiada na prosa d'Agree y la tranquila y maxistral belleza de les fotografíaes d'aparceros d'Evans.
Les tres families encabezaes por Bud Fields, Floyd Burroughs y Frank Tingle, vivíen en Hale Conty un pueblu d'Akron (Alabama), y los dueños de la tierra na que les families trabayaben dixeron qu'Evans y Agee yeren "axentes soviéticos ", aunque Allie Mae Burroughs, la muyer de Floyd, recordó nes entrevistes posteriores el so desacuerdu con esa información. Les fotografíes d'Evans de les families convirtiéronse n'iconos de la miseria del tiempu de la Depresión. En setiembre de 2005, Fortune revisitó'l condáu de Hale y a los descendientes de les tres families pa la so edición del 75 aniversariu. Charles Burroughs, que tenía cuatro años cuando Evans y Agee visitaron a la familia, taba "tovía enfadáu" con ellos por non-yos enviar una copia del llibru a la familia.
Evans continuó trabayando pa la FSA hasta 1938. Esi añu entamóse una exposición, Walker Evans: American Photographs, nel Muséu d'Arte Modernu de Nueva York. Esta foi la primer esposición nesti muséu dedicada a la obra d'un solu fotógrafu. El catálogu incluye un ensayu d'acompañamientu de Lincoln Kirstein, col qu'Evans ficiera amistá nos sos primeros tiempos en Nueva York.
En 1938, Evans tamién tomó les sos primeres semeyes nel metro de Nueva York con una cámara oculta nel abrigu, que seríen recoyíes en forma de llibru en 1966 baxo'l títulu Many are Called. En 1938 y 1939, Evans trabayó con Helen Levitt.
Evans, lo mesmo qu'otros fotógrafos como Henri Cartier-Bresson, nun avezaba a pasar tiempu nel cuartu escuru faciendo revelaos de los sos negativos. Sólo de manera informal supervisaba la realización de copies de la mayoría de les sos fotografíes, n'ocasiones sólo amestaba notes manuscrites a los negativos con instrucciones sobre dellos aspeutos del procesu d'impresión.
Obra posterior
editarEvans yera un apasionáu llector y escritor, y en 1945 formó parte de la redación de la revista Time. Poco depués convirtióse n'editor de Fortune . Esi añu, convirtióse en profesor de fotografía na Facultá de Diseñu Gráficu na Escuela d'arte de la Universidá de Yale.
Nunu de los sos últimos proyeutos fotográficos, Evans completó un portfolio en blanco y negro de Brown Brothers Harriman pa la publicación en "Partners in Banking", asoleyáu en 1968 pa celebrar el 150 aniversariu del bancu [9] En 1973 y 1974, tamién editó una llarga serie cola entós nueva cámara Polaroid SX-70, depués de que la edá y la mala salú-y ficiera abegoso trabayar con un equipu complexu.
En 1971, el Muséu d'Arte Modernu entamó una esposición del so trabajyu tituláu simplemente Walker Evans.
Muerte y legáu
editarEvans morrió nel so llar en New Haven (Connecticut), en 1975.
En 1994, la herencia de Walker Evans foi entregada al Metropolitan Museum of Art de Nueva York[10]. El Muséu Metropolitanu d'Arte ye l'únicu titular de los derechos d'autor de toles obres d'arte en tolos medios de Walker Evans. La única esceición ye un garapiellu d'aproximao 1.000 negativos depositaos na Biblioteca del Congresu que fueron producíos pa Resettlement Administration (RA) / Farm Security Administration (FSA).
Referencies
editar- ↑ 1,0 1,1 Afirmao en: Guggenheim Fellows database. Identificador Beca Guggenheim: walker-evans. Llingua de la obra o nome: inglés.
- ↑ 2,0 2,1 2,2 Afirmao en: autoridaes BNF. Identificador BnF: 11902024b. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
- ↑ Afirmao en: coleición en llinia del Muséu d'Arte Modernu de Nueva York. Identificador MoMA de artista: 1777. Data de consulta: 4 avientu 2019. Llingua de la obra o nome: inglés.
- ↑ Afirmao en: Artnet. Identificador Artnet de artista: walker-evans.
- ↑ URL de la referencia: https://www.metmuseum.org/toah/hd/evan/hd_evan.htm.
- ↑ Walker Evans, por Jeff L. Rosenheim, Maria Morris Hambourg, Douglas Eklund, Mia Fineman (Princeton University Press, 2000) ISBN 0-691-05078-3, ISBN 978-0-691-05078-2
- ↑ [http:. / /www.ossining.org/walkerevans/walkerevansossining.htm Walker Evans in Ossining], consultao'l 10/26/2012
- ↑ Peter Galassi, Walker Evans & Company . The Museum of Modern Art, Nueva York, 2002, px. 16.
- ↑ Guide to the Records of Brown Brothers Harriman 1696 -1973 consultao na edición inglesa'l 26.10.2012
- ↑ [www.wired.com/culture/lifestyle/news/2001/05/43902 Reena Jana: Is It Art o Memorex?] Consultao na versión n'inglés el 26/10/2012
Enllaces esternos
editar
Wikimedia Commons acueye conteníu multimedia sobre Walker Evans.
Datos: Q363308- Multimedia: Walker Evans
