Washington D. C.

Washington D. C.
Bandera del Distrito de Columbia (es)	Escudo del Distrito de Columbia (es)
Alministración
País	Estaos Xuníos
Distritu federal	distritu de Columbia
Tipu d'entidá	capital federal (es)
Alcalde del Distrito de Columbia (es)	Muriel Bowser (Partíu Demócrata)
Nome oficial	Washington, District of Columbia (en)
Nome llocal	Washington (en)
Códigu postal	20001–20098 y 20201–20599
Xeografía
Coordenaes	38°53′42″N 77°02′12″W / 38.895°N 77.0367°O
	Washington D. C. Washington D. C. (los EE.XX.)
Superficie	177 km²
Altitú	72 m
Llenda con	condáu d'Arlington, Alexandria, condáu de Prince George's, condáu de Montgomery, condáu de Fairfax, Bethesda (es) y Silver Spring (es)
Demografía
Población	689 545 hab. (1r abril 2020)
Porcentaxe	100% de distritu de Columbia
Densidá	3895,73 hab/km²
Viviendes	288 307 (31 avientu 2020)
Más información
Fundación	16 xunetu 1790
Prefixu telefónicu	202
Estaya horaria	Horariu del este de Norteamérica ; UTC−05:00 (horariu estándar); UTC−04:00 (horariu de branu); America/New_York (es)
Llocalidaes hermaniaes	Rexón de Bruxeles-Capital, Bangkok, Dakar, Beixín, Atenes, Pretoria, Seúl, Accra, Sunderland, Ankara, Brasilia, Adís Abeba, París, Roma, San Salvador y Tshwane (es)
	dc.gov

Washington D.C. (oficialmente Distritu de Columbia), conocida davezu como Washington, "the District" o namái D.C., ye la ciudá capital de los Estaos Xuníos. La so población ye de 689 545 hab. (1 abril 2020)^[2]^[3], que faen d'ella la ventena quinta mayor del país. Por embargu, la población de la ciudá, nos díes llaborables, medra perriba del millón pola llegada de trabayadores que viven nos suburbios, asitiaos en terrén de los estaos vecinos, Maryland y Virxinia. L'área metropolitana de Washington, a la que pertenez el distritu, ye, colos sos 5,7 millones d'habitantes, la séptima mayor del país.

El 16 de xunetu de 1790 la Residence Act (llei federal que llexisló los asuntos venceyaos a la construcción d'una capital federal pal país) aprobó la creación d'un distritu capitalinu a la vera'l ríu Potomac, na costa este del país. Por esa mesma llei el distritu de Columbia ta embaxu la xurisdicción esclusiva del Congresu de los Estaos Xuníos y nun ye parte de dengún de los sos estaos. Los estaos de Maryland y Virxinia donaron tierres pa formar el distritu federal, qu'incluyó dos pueblos que ya esistíen: Georgetown y Alexandria. La ciudá, que recibió'l nome del presidente George Washington, foi fundada en 1791, magar qu'hasta dempués de la guerra civil d'Estaos Xuníos nun tuvo una institución municipal de gobiernu. Dende 1973 el distritu ta gobernáu por un alcalde y un conseyu de 13 conceyales, magar que'l Congresu tien la suprema autoridá na ciudá y puede anular les lleis llocales. El distritu tien un delegáu nel Congresu, ensin capacidá de votu, y nun elixe senadores; pola ventena tercer enmienda de la Constitución de los Estaos Xuníos, ratificada en 1961, el distritu tien trés votos eleutorales nel colexu d'electores qu'escueye al presidente del país.

La ciudá ye la sede de los tres poderes que formen el gobiernu federal d'Estaos Xuníos: el Congresu, la Presidencia y el Tribunal Supremu. Hai nella, amás, dellos museos y monumentos nacionales y 176 embaxaes de países foriatos; y ye tamién la sede de bien d'organizaciones internacionales, y de la mayoría de los sindicatos, lobbys y asociaciones profesionales del país.