Wikipedia

Werner Klemperer

Werner Klemperer (22 de marzu de 1920, Colonia – 6 d'avientu de 2000, Nueva York)[4] foi un actor d'Estaos Xuníos d'orixe alemán, conocíu principalmente pol so papel de Coronel Klink na sitcom de la CBS Hogan's Heroes.

Werner Klemperer
Vida
Nacimientu Colonia, 22 de marzu de 1920[1]
Nacionalidá Bandera de República de Weimar República de Weimar
Bandera de Estaos Xuníos d'América Estaos Xuníos
Muerte Nueva York[2], 6 d'avientu de 2000[1] (80 años)
Sepultura ensin valor[3]
Causa de la muerte cáncanu
Familia
Padre Otto Klemperer
Madre Johanna Geisler
Casáu con Louise Troy (1969 – 1975)
Kim Hamilton (1997 – 2000)
Fíos/es 2
Estudios
Estudios Cate School (en) Traducir
Llingües falaes inglés
Oficiu actor de televisión, actor de cine, cantante d'ópera, violinista, direutor d'orquesta, actor de teatru, pianista
Premios
Mena de voz Barítonu
Instrumentu musical violín
voz
Serviciu militar
Cuerpu militar Exércitu de los Estaos Xuníos
Lluchó en Segunda Guerra Mundial
IMDb nm0459252
Cambiar los datos en Wikidata


Entamos

editar

Klemperer nació en Colonia (Alemaña) nel senu d'una familia dedicada a la música. Los sos padres yeren Otto Klemperer, renombráu direutor d'orquesta, y Johanna Geisler, una sopranu. Amás, yera primu de Victor Klemperer.

Al ser d'orixe xudíu, la familia Klemperer decidió fuxir del réxime Nazi en 1935, viaxando a Los Angeles, California, onde'l so padre tenía un puestu de direutor d'orquesta. Klemperer empezó a actuar na high school, siguiendo cursos d'interpretación en Pasadena (California). Werner Klemperer, al igual que los sos padres, tamién taba bien dotáu pa la música, y yera un bon concertista de violín y pianu,[5] decidiendo más palantre ampliar la so carrera artística cantando como barítonu operísticu y actuando amás en musicales de Broadway.

Al empecipiase la Segunda Guerra Mundial sirvió nel Exércitu de los Estaos Xuníos, siendo destináu a Ḥawai y trabayando na unidá Army's Special Services, cola cual viaxó pol Teatru d'Operaciones del Pacíficu entreteniendo a les tropes.

Carrera

editar

El primer papel cinematográficu de relevancia de Klemperer foi'l de psiquiatra na película d'Alfred Hitchcock The Wrong Man (1956). Darréu destacó la so interpretación nel filme de 1961 Judgment at Nuremberg. Esta producción trataba sobre los Xuicios de Núremberg posteriores a la Segunda Guerra Mundial, y na mesma Klemperer encarnaba a Emil Hahn, un xuez nazi, y unu de los acusaos nel xuiciu. Antes d'ello, fixo un pequeñu papel nel filme d'Errol Flynn Istanbul (1957), y esi mesmu añu intervieno nel episodiu "Comstock Conspiracy" de la serie Maverick. Amás, en 1961 fixo'l papel principal de la película Operation Eichmann. Na televisión foi artista convidáu de la serie de Brian Keith Crusader, un drama sobre la Guerra Fría emitíu pola CBS.

Antes d'actuar en Hogan's Heroes, Klemperer foi en dos causes Hugo na serie televisiva How to Marry a Millionaire (1957–1959), con Barbara Eden y Merry Anders. Sicasí, ye conocíu principalmente por ser el Coronel Wilhelm Klink, comandante del Stalag 13 nel show Hogan's Heroes, emitíu ente 1965 y 1971. Klemperer, consciente de que diba interpretar a un oficial alemán del réxime nazi, aceptó'l papel cola única condición de que Klink fuera retratáu como un llocu al que tou-y salía mal. Pola so actuación como Klink, Klemperer foi nomáu en seis causes al Premiu Emmy al meyor actor de repartu, ganando'l premiu en 1968 y 1969. Foi nel plató de Hogan's Heroes onde conoció a la so segunda esposa, l'actriz Louise Troy, que trabayaba como artista convidada. La pareya casóse en 1969, divorciándose en 1975.

Klemperer representó al personaxe col so mesma indumentaria nun caméu na serie de la década de 1960 Batman. Amás, en 1966 foi l'Oficial Bolix nel episodiu de Perdíos nel Espaciu "All That Glitters". En 1968 interpretó a un inútil oficial d'Alemaña del Este na comedia The Wicked Dreams of Paula Schultz, dirixida por George Marshall y protagonizada por Elke Sommer y dellos de los sos compañeros en Hogan's Heroes, ente ellos Bob Crane.

Últimos años

editar

Tres el fallecimientu del so padre en 1973, Klemperer amplió la so carrera artística actuando na ópera y en musicales de Broadway. Pola so actuación en Cabaré en 1987 foi nomáu al Premiu Tony. Amás, tomó parte en delles grabaciones discográfiques, destacando una versión de la pieza d'Arnold Schönberg Gurrelieder en 1979. En 1981 actuó, con entusiastes crítiques y ésitu de públicu, como'l Príncipe Orlofsky na producción de la Ópera de Seattle Die Fledermaus.

Nel ámbitu televisivu, continuu actuando de manera ocasional en producciones dramátiques, ente elles la que fizo en 1992 nel episodiu "Starstruck" de la serie Law & Order.

Werner Klemperer tuvo dos fíos, Mark y Erika, frutu del so primer matrimoniu con Susan Dempsey. En 1997 casóse cola so tercer esposa, l'actriz televisiva Kim Hamilton, cola que viviera dellos años. El 6 d'avientu de 2000 Klemperer finó en Nueva York por causa de un cáncer. Los sos restos fueron encenraos, y les sos cenices espardíes nel mar.

Mientres munchos años Klemperer foi miembru electu del conseyu del sindicatu Actors' Equity Association, siendo vicepresidente del mesmu nel momentu de la so muerte.[6]

Filmografía parcial

editar

Referencies

editar
  1. ↑ 1,0 1,1 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
  2. ↑ Afirmao en: Gemeinsame Normdatei. Data de consulta: 30 avientu 2014. Llingua de la obra o nome: alemán. Autor: Biblioteca Nacional d'Alemaña.
  3. ↑ Afirmao en: Find a Grave. Llingua de la obra o nome: inglés.
  4. ↑ Weinraub, Bernard "Werner Klemperer, Klink in 'Hogan's Heroes,' Dies at 80" New York Times (8 December 2000)
  5. ↑ Erickson, Hal "Werner Klemperer" (Allmovie biography)
  6. ↑ Woo, Elaine "Werner Klemperer; Played Col. Klink in ‘Hogan’s Heroes’" Los Angeles Times (8 December 2008)

Enllaces esternos

editar
Sacáu de «https://ast.wikipedia.org/w/index.php?title=Werner_Klemperer&oldid=3911289»