Wikipedia

William Bendix

actor d'Estaos Xuníos

William Bendix (14 de xineru de 1906, Nueva York – 14 d'avientu de 1964, Los Angeles) foi un actor cinematográficu d'Estaos Xuníos.

William Bendix
Vida
Nacimientu Nueva York[1], 14 de xineru de 1906[2]
Nacionalidá Bandera de Estaos Xuníos d'América Estaos Xuníos
Llingua materna inglés
Muerte Los Angeles, 14 d'avientu de 1964[2] (58 años)
Sepultura San Fernando Mission Cemetery (en) Traducir
Causa de la muerte neumonía
Estudios
Llingües falaes inglés[3]
Oficiu comediante, actor de cine, actor de televisión, guionista, actor
Premios
Nominaciones
Xéneru artísticu western
Creencies
Partíu políticu Partíu Republicanu de los Estaos Xuníos
IMDb nm0000904
Cambiar los datos en Wikidata

Biografía

editar

Bendix nació en Manhattan, Nueva York. De mozu, nos entamos de la década de 1920, Bendix taba al cuidu de los bates de béisbol del equipu New York Yankees. En 1927 casóse con Theresa Stefanotti.

Bendix trabayó como tenderu hasta la Gran Depresión, y el so debú nel cine tuvo llugar en 1942. Foi actor de repartu en docenes de filmes de Hollywood, usualmente como soldáu, gángster o detective. Empezó con interpretaciones en películes de cine negru, incluyendo una actuación destacada en The Glass Key (1942), na cual trabayaben Brian Donlevy y Veronica Lake. Ganó fama en participando nel filme d'Alfred Hitchcock Lifeboat (1944), nel papel de Gus, un marineru mancáu y morrebundu. Otros papeles bien conocíos de Bendix son la so actuación como'l xugador de béisbol Babe Ruth en The Babe Ruth Story (1948), y como Sir Sagramore en A Connecticut Yankee in King Arthur's Court (1949), filme nel que trabayó con Bing Crosby y nel cual intervieno na interpretación de la famosa tema "Busy Doing Nothing". Tamién foi'l camareru Nick na versión de 1948 de la obra de William Saroyan The Time of Your Life, xunto a James Cagney. Bendix actuó coles mesmes na versión teatral, pero nel papel de Krupp (personaxe interpretáu nel cine por Broderick Crawford).

Bendix foi tamién conocíu nesa dómina pol so trabayu radiofónicu, trabayando como Chester A. Riley na serie The Life Riley ente 1944 y 1951. Tamién protagonizó'l papel principal na segunda versión televisiva de dicha serie, que s'emitió dende 1953 a 1958 (Jackie Gleason interpretó a Riley nuna versión realizada en 1949).

En 1958, Bendix interpretó'l papel principal de The Time Element, títulu escritu por Rod Serling. The Time Element foi una aventura alrodiu de un home que viaxa nel tiempu a Honolulu en 1941 ya intenta, ensin ésitu, sollertar sobre l'inminente ataque a Pearl Harbor.

En 1960 Bendix protagonizó 17 episodios de la serie western de la NBC Overland Trail, col papel de Frederick Thomas "Fred" Kelly, superintendente de la Overland Stage Company. Doug McClure, darréu Trampass na serie de la NBC The Virginian, yera'l so co-protagonista.

Bendix finó en Los Angeles, California, por causa d'una neumonía en 1964, y foi soterráu nel Campusantu San Fernando Mission.

Recibió una estrella nel Paséu de la Fama de Hollywood, nel 6251 de Hollywood Boulevard, pol so trabayu televisivu.

Filmografía escoyida

editar
  • Woman of the Year (1942)
  • Wake Island (1942) – Nomáu al Óscar al meyor actor de repartu
  • Who Done It? (1942)
  • The Glass Key (La llave de cristal) (1942)
  • Guadalcanal Diary (1943)
  • Lifeboat (1944)
  • The Hairy Ape (The Hairy Ape) (1944)
  • A Bell for Adano (La campana de la llibertá) (1945)
  • Two Years Before the Mast (1946)
  • The Dark Corner (Envueltu na solombra) (1946)
  • The Blue Dahlia (The Blue Dahlia) (1946)
  • The Web (L'araña) (1947)
  • Where There's Life (1947)
  • The Time of Your Life (1948)
  • The Babe Ruth Story (1948)
  • Cover Up (1949)
  • A Connecticut Yankee in King Arthur's Court (1949)
  • Streets of Laredo (Trés texanos) (1949)
  • The Big Steal (1949)
  • Kill the Umpire (1950)
  • Detective Story (Detective Story) (1951)
  • Submarine Command (1951)
  • A Girl in Every Port (1952)
  • Macáu (1952)
  • Blackbeard the Pirate (El pirata Barbanegra) (1952)
  • Dangerous Mission (Nieves traidores) (1954)
  • Crashout (1955)
  • Johnny Nobody (1961)
  • Boys' Night Out (1962)
  • For Love or Money (Trés herederes) (1963)

Referencies

editar
  • Smithsonian Collection: Old Time Radiu All-Time Favourites, liner notes from audiu cassette box set. Joe Bevilaqua. Radio Spirits: Schiller Park, 1994.
  1. ↑ Afirmao en: Gemeinsame Normdatei. Data de consulta: 22 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. ↑ 2,0 2,1 Afirmao en: Gemeinsame Normdatei. Data de consulta: 12 mayu 2014. Llingua de la obra o nome: alemán. Autor: Biblioteca Nacional d'Alemaña.
  3. ↑ Afirmao en: idRef. Identificador de referencia de idRef SUDOC: 083269363. Data de consulta: 12 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.

Enllaces esternos

editar
Sacáu de «https://ast.wikipedia.org/w/index.php?title=William_Bendix&oldid=3900406»