World Wide Web
La World Wide Web (WWW o W3[1]), de vezu conocida como la web (nun confundir con Internet), ye un sistema de documentos d'hipertestu y/o hipermedios enllazaos y accesibles a través d'Internet. Con un navegador web, un usuariu ve los sitios Web, forxaos de páxines Web que puen contener testu, imáxenes u otros conteníos multimedia, y navega a traviés d'elles usando hiperenllaces.
 | |
_Calle_WWW,_indicador.png) | |
| Versión inicial | 12 marzu 1989 |
|---|---|
| Tipu |
sistema de información (es)  , Sistema de hipertexto (es) , especialidá y campu d'estudiu |
| Etiqueta de Stack Exchange | Stack Exchange |
 | |
La Web nació alredor de 1990, desendolcada pol inglés Sir Tim Berners-Lee (actual direutor del World Wide Web Consortium) y el belxicanu Robert Cailliau demientres trabayaben nel CERN en Xinebra, Suiza. Dende entós, Berners-Lee tien xugao un papel activu empobinando el desendolque d'estándares Web (como los llinguaxes de marcáu colos que se crien les páxinas Web), y nos caberos años, aboga por una visión d'una Web semántica.
Historia
editar
Nel númberu de mayu de 1970 de la revista Popular Science, Arthur C. Clarke albidraba qu'algún día los satélites pondríen "el conocimientu acumuláu del mundu al alcance de la mano" usando un preséu que combinaría les funciones de la fotocopiadora, teléfonu, televisión y un ordenador personal, permitiendo tresferir datos y facer videu conferencia alredor del mundu.[2]
En marzu de 1989, Tim Berners-Lee escribió una propuesta que facía referencia a ENQUIRE, un proyeutu de software y base de datos que desendolcara en 1980, y describió un sistema de xestión d'información más trabayáu.[3]
Con ayuda de Robert Cailliau, espublizó una propuesta más formal (el 12 de payares de 1990) pa construir un "proyeutu d'hipertestu" nomáu "WorldWideWeb" (una sola pallabra, tamién "W3") como una "telaraña" de "documentos d'hipertestu" que veríase con "navegadores" usando una arquiteutura cliente–sirvidor.[4] Esta propuesta estimaba qu'una web de sólo llectura desendolcaríase'n trés meses y que llevaría seyes meses llograr "la creación de nuevos enllaces y nuevu material polos llectores, [de mou que] l'autoría fuera universal" lo mesmo que "l'avisu automáticu a un llector cuando tea disponible nuevu material que-y interese." Mentanto que l'oxetivu de sólo llectura cumplióse, l'autoría accesible del conteníu web tardó más en madurar, col conceutu de wiki, los blogs, la Web 2.0 y RSS/Atom.[5]
La propuesta modelóse pal llector SGML Dynatext d'Electronic Book Technology, un productu del Institute for Research in Information and Scholarship de la Universidá de Brown. El sistema Dynatext, con llicencia del CERN, foi una parte fundamental pa la estensión de SGML ISO 8879:1986 a Hipermedia dientro de HyTime, pero consideróse caro enforma y tuvo una política de llicencia inadecuada pal usu na comunidá xeneral de físicos d'altes enerxíes, concretamente una tarifa por cada documentu y por cada alteración de documentu.
Berners-Lee usó un Ordenador NeXT como primer sirvidor web del mundu y tamién pa escribir el primer navegador web, WorldWideWeb, en 1990. En navidaes de 1990, Berners-Lee tenía preparaes toles ferramientes necesaries pa una Web funcional:[6] el primer navegador web (que tamién yera un editor web); el primer sirvidor web, y les primeres páxines web,[7] que describíen el propiu proyeutu. El 6 d'agostu de 1991, espublizó un resume curtiu del proyeutu World Wide Web nel grupu de noticies alt.hypertext.[8] Esta data tamién marcó l'apaición de la Web como un serviciu disponible públicamente n'Internet. Munchos medios de comunicación informaron de que la primera foto de la web xubióla Berners-Lee en 1992, una imaxe de la banda house del CERN Les Horribles Cernettes tomada or Silvano de Gennaro; Gennaro tien desmentío esta historia, escribiendo que los medios "distorsionaron totalmente les nueses pallabres por puru sensacionalismu baratu."[9]
El primer sirvidor fuera d'Europa configuróse nel Centru del acelerador llinial de Stanford (SLAC) en Palo Alto, California, p'agospiar la base de datos SPIRES-HEP. Los rexistros diferenciense sustancialmente no que cinca a la data d'esti socesu. El World Wide Web Consortium diz que avientu de 1992,[10] mentanto que'l propiu SLAC afirma que 1991.[11][12] Esto tien encontu nun documentu del W3C tituláu A Little History of the World Wide Web.[13]
Ver tamién
editarReferencies
editar- ↑ «World Wide Web Consortium». «El World Wide Web Consortium (W3C)...»
- ↑ «TV Broadcast Satellite». Popular Science: páxs. 65–66. mayu de 1970. Archivado del original el 2011-05-01. https://web.archive.org/web/20110501034937/http://www.popsci.com/archive-viewer?id=8QAAAAAAMBAJ&pg=66&query=a+c+clarke. Consultáu'l 12 de xineru de 2011.
- ↑ Berners-Lee, Tim. «Information Management: A Proposal». W3C. Consultáu'l 27 de xunetu de 2009.
- ↑ "«WorldWideWeb: Proposal for a hypertexts Project» (12 de payares de 1990). Consultáu'l 27 de xunetu de 2009.
- ↑ «Tim Berners-Lee's original World Wide Web browser». «With recent phenomena like blogs and wikis, the web is beginning to develop the kind of collaborative nature that its inventor envisaged from the start.»
- ↑ «Tim Berners-Lee: client». W3.org. Consultáu'l 27 de xunetu de 2009.
- ↑ «First Web pages». W3.org. Consultáu'l 27 de xunetu de 2009.
- ↑ «Short summary of the World Wide Web project». Google (6 d'agostu de 1991). Consultáu'l 27 de xunetu de 2009.
- ↑ «Silvano de Gennaro disclaims 'the first photo on the web'». Consultáu'l 27 de xunetu de 2012. «If you read well our website, it says that it was, to our knowledge, the 'first photo of a band'. Dozens of media are totally distorting our words for the sake of cheap sensationalism. Nobody knows which was the first photo on the web.»
- ↑ «W3C timeline». Consultáu'l 30 de marzu de 2010.
- ↑ «About SPIRES». Consultáu'l 30 de marzu de 2010.
- ↑ «The Early World Wide Web at SLAC».
- ↑ «A Little History of the World Wide Web».
Datos: Q466
Multimedia: World Wide Web
