David Rivas

David Manuel Rivas Infante (4 d'avientu de 1957, Xixón) ye un escritor, políticu y economista asturianu.

David Rivas
Vida
Nacimientu	Xixón, 4 d'avientu de 1957 (66 años)
Nacionalidá	España
Estudios
Llingües falaes	castellanu asturianu
Oficiu	escritor, políticu, economista

Criárase pente Xixón y la parroquia de Quintueles (Villaviciosa) y vivió en munchos llugares del mundiu. Anguaño reside n'Argañosu, una aldega d'unos vente habitantes que pertenez a la parroquia de Candanal, nel conceyu de Villaviciosa.

Formación y trayeutoria profesional

Educárase colos xesuites nel Colexu de la Inmaculada de Xixón ya ye llicenciáu en ciencies económiques pola Universidá Complutense y doctor n'economía pola Universidá Autónoma de Madrid. Estudiara tamién nos Estaos Xuníos ya Inglaterra, realizando estudios de posgráu d'antropoloxía y socioloxía.

Ye profesor titular d'estructura económica na Universidá Autónoma de Madrid, aú imparte les materies d'estructura económica mundial y de desendolcu caltenible.

Fo miembru del Consejo Asesor de Medio Ambiente de España, del Consejo Asesor de Transporte de la Comunidad de Madrid, de la Comisión de Parques Nacionales de la Unión Internacional pa la Conservación de la Naturaleza (Organización de les Naciones Xuníes) y de los comités de desendolcu caltenible y desendolcu rural de la Comisión Europea. Tamién fora asesor téunicu nel ayuntamientu de Madrid.

En 1986 participó na creación de la Fundación Universidad Libre, con sede en Galicia, formada por profesores de pensamientu críticu de les universidaes de Sevilla, València, Santiago, Málaga, Extremadura y Autónoma de Madrid.

Anguaño ye profesor ya investigador d'estremaos centros d'Europa y d'América, ya ye miembru del Observatorio Latinoamericano de Ordenación Territorial y Sostenibilidad y del Instituto Interuniversitario de Economía Espacial Sostenible.

Dende 1993 ye miembru de l'Academia de la Llingua Asturiana.

Ye miembru del Clube de Roma.

Trayeutoria cívica

Cuando yera estudiante fundó -xunta Xosé Álvarez Fernández, Antón Fuertes, Xicu Díaz Yepes, Alfonso Velázquez y Xuan Cándano- Conceyu d'Asturies de Madrid (1977), emblemáticu grupu cultural del surdimientu asturianu na diáspora.

Fora secretariu del Ateneo de Madrid (1989-1995).

Fora presidente d'Amigos de la Tierra (1993-1997).

Nel 2007 fundó l'asociación Arribada con otres renomaes persones de la cultura asturiano como Humberto Gonzali, Alberto Álvarez Peña y Xosé Nel Riesgo.

Nel 2008 fora gallardonáu cola Llámpara d'Oru de Quintes y Quintueles.

Trayeutoria política

Figura importante del nacionalismu asturianu, fora militante de Conceyu Nacionalista Astur (1979), siendo parte del conceyu del CNA en Madrid. Al mesmu tiempu trabayaba nel Ateneo Libertario de Latina, Lavapiés y Embajadores y pertenecía al conseyu redactor del Cnt, periódicu de la Confederación Nacional del Trabajo. Fora dempués dirixente de la Federación Progresista, partíu fundáu por Ramón Tamames, y participó na constitución d'Izquierda Unida con Gerardo Iglesias, Alonso Puerta, Ignacio Gallego, Nicolás Sartorius, Julio Anguita y Ramón Tamames, organización qu'abandonó mui ceo. Tres un tiempu ensin militancia política formará parte d'Unidá Nacionalista Asturiana (UNA) en 1989 cuando la conformen l'Ensame Nacionalista Astur (1982) y la Xunta Nacionalista Asturiana (1986). Con UNA concurrirá nes llistes de les eleiciones europées en 1989 y formará parte d'esti partíu hasta la so disolución a entamos de los años 90 del sieglu XX. Tres una nueva etapa ensin afiliación entrará n'Andecha Astur pa encabezala como candidatu a la presidencia d'Asturies en 1999, repitiendo nel 2003. Europeísta y partidariu de los pautos internacionales, fora candidatu nes eleiciones europées de 2004 na llista d'Europa de los Pueblos (Esquerra Republicana de Catalunya, Eusko Alkartasuna, Chunta Aragonesista, Andecha Astur y Partido Socialista d'Andalucía), coallición qu'algamó un diputáu n'Estrasburgu. Nel 2007 arrenunció a repetir candidatura a la presidencia d'Asturies y abandonó la política activa.

Trayeutoria lliteraria

Cola so obra escrita n'asturiano, ye un autor de vocación seroña, de mou que nun entamó escribir ficción hasta la década los noventa, cuando bordiaba los cuarenta años. Tien espublizáu un estensu llibru de rellatos. Nel 2008 fora finalista en dos premios emblemáticos na lliteratura en llingua asturiana: el de temática xeneral "Oficialidá" del conceyu de Bimenes ya'l d'erotismu "Arbidel" del conceyu de Ribeseya.

Llibros espublizaos

Desendolcu caltenible, ecoloxía

• Las evaluaciones socioeconómiques de impautos ambientales (Madrid, 1984).
• Aproximación a la economía ambiental y ecológica (Madrid, 1989).
• Ecología: el planeta amenazado (Madrid, 1990).
• Towards sustainable Europe (Amsterdam, 1994).
• Sustainable Spain (Amsterdam, 1996).
• El entorno amenazado en un mundo cambiante (Palencia,1997).
• Sustentabilidad. Desarrollo, medio ambiente y biodiversidad (Madrid, 1997).
• La biosfera: cinco años después de Rio'92 (Valladolid, 1998).
• Modelling a sustainable European Union. A decission support tool (Bruselles, 1998).
• Agenda 21. Estrategia de desarrollo sostenible para Castilla y León (Valladolid, 1998).
• Galicia: una realidad ecológica diversa y compleja (Madrid, 2003).
• Desarrollo sostenible y estructura económica mundial (Madrid, 2004).

Estructura económica

• El mundo rural en perspeutiva (Valladolid, 1999).
• Paz y tierra. Modelos de desarrollo agrario en Guatemala (Madrid, 2001).
• España: cien años del sector del metal (Madrid, 2004).
• Incompetentes y autoritarios. La industria de Xixón dende l'autarquía al desmantelamientu (Xixón, 2010).

Filosofía, política

• La filosofía truncada. Ensayo sobre la obra filosófica y psicológica de Lucio Gil de Fagoaga (Madrid, 1995).
• Antonio Martínez Fernández (Frai Verdaes): Catecismu del llabrador (Llanes, 1891). Edición crítica (Uviéu, 1996).
• L'añu la cris que naide nun quixo ver (Villaviciosa, 2010).

Antropoloxía, etnografía

• La sidra asturiana. Bebida, ritual y símbolo (Xixón, 2001). Segunda edición en 2007.
• Las fiestas asturianas. Nuevas formas y viejos ritos (Xixón, 2009).

Filoloxía, lliteratura

• Toponimia de la parroquia de Xixón (conceyu de Xixón) (Uviéu, 2007).

Rellatu

• Xente de perende (Uviéu, 2006).

Participación n'obres colleutives

DESENDOLCU CALTENIBLE, ECOLOXÍA

• Impacto ambiental, sociedad y futuro (Madrid, 1986).
• Economía ecológica (Madrid, 1986).
• Conciencia ecológica y gestión ambiental (Compostela, 1988).
• El paisaje (Madrid, 1989).
• La integración de España en la CEE: impacto sobre la proteición del medio ambiente (Compostela, 1989).
• Educación ambiental. Sujeto, entorno y sistema (Salamanca, 1989). Segunda edición en 1996.
• Instrumentos jurídicos y económicos para la proteición del medio ambiente (Uviéu, 1991).
• Desarrollo económico y medio ambiente (Elcano, 1992).
• Down to Earth. Practical applications of ecological economics (Washington, 1994).
• Medio ambiente, rellaciones norte-sur y cooperación internacional (Madrid, 1994).
• El litoral: frágil, escaso y deseable (València, 1996).
• Conservación de la naturaleza (Madrid, 1996).
• La Xunión Europea, Mercosur y el medio ambiente (Bruxeles, 1997).
• Nuestros bosques (Madrid, 1998).
• The EU sustainability strategy under stress. State of art, perspeutives, alternatives (Berlín, 2004).
• Conservación y desarrollo económico en espacios naturales protegidos (Madrid, 2005).

ESTRUCTURA ECONÓMICA

• La agricultura castellano-leonesa ante la CEE (Palencia, 1987).
• 1993. España ante el mercado único (Madrid, 1989). Segunda edición en 1990.
• Los costes del 92 (Madrid, 1992).
• Las regiones en la Europa del 2000 y consolidación de la España de las autonomías (Toledo, 1993).
• Transporte: perspeutiva año 2000 (Madrid, 1995).
• Turismo y promoción de destinos turísticos: implicaciones empresariales (Uviéu, 1996).
• Estrategias de desarrollo en una economía global (Madrid, 1997).
• Innovación, competitividad y desarrollo sustentante (L'Habana, 1997).
• La distribución de la tierra (Madrid, 2000).
• Sistema económico mundial (Madrid, 2004). Segunda edición en 2007.
• Estructura económica del turismo (Madrid, 2006).
• La economía internacional en el siglo XXI (Almería, 2012).
• Estructura económica y rellaciones internacionales (Madrid, 2013). Segunda edición en 2014.
• Avances y desafíos de la integración europea a 60 años del Tratado de Roma (Uviéu, 2018).

FILOSOFÍA, POLÍTICA

• Paul Robin: el internacionalismo malthusiano (Madrid, 1986).
• Guía eleutoral. La gran ocasión de 1986 (Barcelona, 1986).
• Tiempo de pactos (Madrid, 1993).
• Homenaje a Abraham Guillén (Madrid, 1993).
• Eleiciones municipales: recuperar la soberanía del pueblo (Madrid, 1995).
• Comunicación alternativa, ciudadanía y cultura (Barcelona, 2007).

ANTROPOLOXÍA, ETNOGRAFÍA

• Mujeres y hombres en la formación del pensamiento occidental (Madrid, 1989).
• Desarrollo y diversidad cultural en Guatemala (Ciudá de Guatemala, 2000).

FILOLOXÍA, LLITERATURA

• Andrés Solar, una voz del surdimientu (Uviéu, 2004).
• El conceptu xeneracional (Uviéu, 2007).

HISTORIA

• La guerra civil española. Una reflexón moral cincuenta años después (Barcelona, 1986). Segunda edición en 1986. Tercera edición en 1987. Cuarta edición en 1987.
• A guerra civil de Espanha 50 anos depóis (Lisboa, 1986). Segunda edición en 1987.
• Historia de Gijón (Xixón, 2000).

RELLATU

• Cinco minutos d'averamientu a la prosa asturiana moderna (Uviéu, 2007).
• Xixón de novela. Un percorríu pela villa de les milenta histories (Xixón, 2007).

Enllaces esternos

• Datos: Q11681019