Alberto Álvarez Peña

Alberto Álvarez Peña (1966, Xixón) ye un escritor y dibuxante asturianu. Ye autor d'abondes obres de tematica etnográfica n'especial sobre la mitoloxía y la tradición oral asturiana. Dende 1996 forma parte de la Fundación Belenos d'Estudios Etnográficos y del conseyu de redaición de la revista Asturies editada por esta mesma fundación. Tien collaborao col Archivu de la Tradición oral del Muséu del Pueblu d'Asturies de xixón na recoyida de materiales pal Atlas Sonoru Llingüísticu del Principáu d'Asturies. Collaborador habitual de la revista Entrambasauguas, editada pola Academia de la Llingua Asturiana. Nel campu del audiovisual foi direutor y guionista de dellos documentales editaos por Tabú Producciones, Mitoloxía del llechi, Melecina máxico tradicional,Filandón y El diañu n'Asturies.

Alberto Álvarez Peña
Vida
Nacimientu	Xixón, 1966 (57/58 años)
Nacionalidá	España
Estudios
Llingües falaes	castellanu asturianu
Oficiu	escritor

En Televisión Local Gijón dirixó'l programa Marabayu, de temática etnográfica, a lo llargo de 2008.

Ye cofundador del cómic El Llapiceru, ún de los collaboradores del Salón del Cómic de Xixón, y presidente de l'Arribada, asociación que fundara con Humberto Gonzali, Xosé Nel Riesgo y David M. Rivas.

Normalmente collabora con editoriales como Picu Urriellu, vtp o Trabe.

Nel añu 2011, Álvarez Peña algama'l Premiu Fierro Botas, que concede'l conceyu de Xixón, pa trabayos d'investigación y ensayu cola obra titulada Mitoloxía de los santos n'Asturies. Raigaños paganos nel cristianismu

Llibros

• Lliendes de Piloña. (Xixón,1996)
• Asturies Máxica: Un viaxe ilustráu pela mitoloxía asturiana.
• Mitología Asturiana.
• Xana.
• Cuélebre.
• La brujería en Asturies.
• Animales míticos d'Asturies.
• Nuberu.
• Cuelebres, culobras, culiebres y culiebrones. La culiebra na mitoloxia asturiana.
• Celtas en Asturies.
• Motivos tradicionales asturianos.
• Mitos y leyendas asturianos.
• Simboloxía máxico tradicional.
• Guía de la mitoloxía asturiana.
• Garrapiellu de tradición oral.
• Mitos de Xixón.
• Melecina máxico tradicional.
• Ayalgues. Lleendes de tesoros n'Asturies.
• Conxuros y responsorios.
• Lleendes de La Mariña.
• Cocos.
• La güestia y otros agüeros de muerte.
• El diañu burllón y otros degorrios.
• Arte popular asturiano.
• Cuentos colloraos de la tradición oral asturiana (Xixón, 2009).

Documentales audiovisuales

• Mitoloxía del llechi (Producciones Tabú).
• El diañu na tradición oral asturiana (Producciones Tabú).
• Melecina tradicional asturiana (Producciones Tabú).
• Filandón, filaza, polavila (Producciones Tabú).
• L'últimu chalgueiru (Gonzali Producciones).

Ver tamién

• Lliteratura n'asturianu

Enllaces esternos

• Datos: Q541075