Zaurak (γ Eridani / 34 Eridani)[1] ye la tercera estrella más brillosa de la constelación d'Erídanu. El nome Zaurak, escritu dacuando como Zaurac, ye d'orixe árabe y significa «el barcu».[2]

Zaurak
Datos d'observación
(Dómina J2000.0)
Constelación Erídanu
Ascensión reuta (α) 03h 58min 01,77s
Declinación (δ) -13º 30’ 30,7’’
Mag. aparente (V) +2,98
Carauterístiques físiques
Clasificación estelar M1IIIb
Masa solar ~ 2 M
Radiu (59 - 66 R)
Magnitú absoluta -0,99
Gravedá superficial 1,0 (log g)
Lluminosidá 860 - 1258 L
Temperatura superficial 3811 K
Variabilidá Variable irregular
Astrometría
Velocidá radial 60,81 km/s
Distancia 203 años lluz (62 pc)
Paralax 16,04 ± 0,58 mas
Referencies
SIMBAD enllaz
Otres designaciones
Gamma Eridani / 34 Eridani / HD 25025 / HR 1231 / HIP 18543 / SAO 149283
[editar datos en Wikidata]

De magnitú aparente +2,98, Zaurak alcuéntrase —d'alcuerdu al nuevu amenorgamientu de los datos de paralax de Hipparcos— a 203 años lluz de distancia del Sistema Solar. Ye una xigante colorada de tipu espectral M1IIIb[1] que la so temperatura superficial ye de 3811 K.[3] La so lluminosidá bolométrica —qu'inclúi una importante fracción de la so radiación emitida como lluz infrarroxo— ta entendida ente 860 y 1258 soles, la cifra varia según la fonte consultada.[2][3] La midida del so diámetru angular por métodos indireutos, teniendo en cuenta'l escurecimientu de llimbu, ye de 8,74 ± 0,09 milisegundos d'arcu, lo que supón que'l so radiu ye 59 vegaes más grande que'l del Sol; daqué mayor ye la midida direuta del so diámetru angular per aciu interferometría —9,33 ± 0,17 milisegundos d'arcu—, resultando un radiu 63 vegaes mayor que'l del Sol.[4] Estos valores concuerden col valor llográu a partir de los modelos teóricos, que ye de 66 radios solares.[2]

La masa de Zaurak ye malo d'evaluar, anque pudiera ser unes dos veces la del Sol. Tampoco ye fácil resolver el so estáu evolutivu; ye posible que rematara la fusión del so heliu y, con un nucleu inerte de carbonu y oxíxenu, tea empezando a evolucionar escontra una variable Mira.[2] Al igual qu'otres xigantes asemeyaes, ye una estrella variable irregular de tipu LB, siendo la so variación nel so rellumu de 0,08 magnitúes.[5]

Referencies editar

Coordenaes:   3h 58m 1.766s, -13° 30 30.653