24 Canum Venaticorum

24 Canum Venaticorum (24 CVn / HD 118232 / HR 5112)[1] ye una estrella na constelación de Canes Venatici, los perros de caza’. Con magnitú aparente +4,70, ye la tercer estrella más brillosa de la constelación dempués de Cor Caroli (α Canum Venaticorum) y Asterion (β Canum Venaticorum).

24 Canum Venaticorum
Constelación Canes Venatici
Ascensión reuta α 13h 34min 27,26s
Declinación δ +49º 00’ 57,5’’
Distancia 191 ± 7 años lluz
Magnitú visual +4,70
Magnitú absoluta +0,85
Lluminosidá 66 soles
Temperatura 9000 K
Masa 2,6 soles
Radiu 1,5 - 2 soles
Tipu espectral A5V
Velocidá radial -18,5 km/s

Asitiada a 191 años lluz del Sistema Solar, 24 Canum Venaticorum ye una estrella blanca de la secuencia principal de tipu espectral A5V y 9000 K de temperatura. Ye 66 vegaes más lluminosa que'l Sol,[2] siendo'l so radiu ente 1,5 y 2 vegaes más grande que'l radiu solar. D'igual tipu espectral que Cástor B (α Geminorum B) o Sheratan (β Arietis), ye más lluminosa que cualesquier d'elles. La so velocidá de rotación ye de siquier 173 km/s,[2] unes 85 vegaes mayor que la del Sol, pero comparable a la d'otres estrelles análogues. Presenta un conteníu metálico notablemente cimeru a la solar ([M/H] = +0,80 ± 0,10). Tien una masa de 2,6 mases solares y una edá envalorada de solu 3,1 millones d'años.[2] Anque catalogada como una estrella con envoltura, na década de 1980 la envoltura paez sumir.[3]

24 Canum Venaticorum amuesa un escesu d'emisión infrarroxa qu'indica la esistencia d'un discu de polvu y gas al so alredor, probablemente asitiáu de perfil dende'l nuesu puntu de vista. La temperatura envalorada de los granos de polvu ye de 114 K y, asumiendo que son granos de silicatos, taríen asitiaos a una distancia de 89 UA de la estrella.[4]

ReferenciesEditar