Aeropuertu Internacional de Bagdad

Aeropuertu Internacional de Bagdag
	Baghdad International Airport; مطار بغداد الدولي
	aeropuertu internacional y aeródromu de tráficu comercial
	IATA: BGW • OACI: ORBI
Llocalización
País	Iraq
Gobernaciones	Gobernación de Bagdag
Gran ciudá	Bagdag
Coordenaes	33°15′45″N 44°14′04″E / 33.2625°N 44.2344°E
	Aeropuertu Internacional de Bagdad Aeropuertu Internacional de Bagdad (Iraq)
Altitú	33,8 m
Historia y usu
Ataque aéreo en el Aeropuerto Internacional de Bagdad de 2020 (es)
Xestión	Fuercia Aérea de los Estaos Xuníos
Orixe del nome	Bagdag; Sadam Husein
Aeropuertu
Ciudá a la que sirve	Mansour (en)
	Web oficial

L'Aeropuertu Internacional de Bagdag (IATA: BGW, OACI: ORBI) (n'árabe مطار بغداد الدولي) ye'l mayor aeropuertu d'Iraq, allugáu nun suburbiu a 16 km al oeste del centru de Bagdag.

Historia

Antes de 1991

La entrada cuando l'aeropuertu llamábase Aeropuertu Internacional Sadam.

L'Aeropuertu Internacional Sadam foi construyíu con ayuda francesa ente 1979 y 1982 con un costu de más de 900 millones de dólares. L'entós presidente iraquín Sadam Husein autorizó la construcción del aeropuertu y bautizar col so nome. Como resultancia, l'aeropuertu recibió los trés lletres IATA, SDA.

Diseñáu p'afaer tanto operaciones militares como civiles, l'aeropuertu internacional de Bagdag puede atender a 7.5 millones de pasaxeros al añu y a aviones de tolos tamaños. La terminal de pasaxeros gocia de tres zones d'embarque. Estes zones recibieron los nomes de ciudaes de los imperios antiguos, qu'entá se caltienen anguaño n'Iraq: Babilonia, Samarra, y Nínive. Anguaño a cencielles llámense A, B y C.

L'aeropuertu tien la so propia terminal VIP, con moblame luxosu y sales decoraes, sala de conferencies y cuartu. Ye utilizada pa recibir a los líderes estranxeros y restu de personalidaes.

Ye'l centru de conexones de l'aereollinia internacional d'Iraq, Iraqi Airways, y ye utilizáu por otres aereollinies internacionales.

1991-2003

Aeropuertu Internacional de Bagdag.

La mayoría de vuelos civiles a Bagdag fueron atayaos en 1991, cuando les Naciones Xuníes impunxeron restricciones a Iraq tres la invasión a Kuwait mientres la Guerra del Golfu Pérsicu. Les restricciones favorecieron que Iraqi Airways namái pudiera efectuar vuelu de cabotaxe mientres ciertos periodos. Internacionalmente, Bagdag recibió dellos vuelos chárter ocasionales trayendo medicines, sanitarios, y autoridaes del gobiernu. Royal Jordanian Airlines efectuó vuelos regulares de Amán a Bagdag. Los aviones de Royal Jordanian yeren recargaos gratuitamente n'Iraq. Esto fixo la ruta por demás codalosa pa la compañía.

Sadam Husein foi derrocáu en 2003. Como resultancia, el so nome foi esaniciáu del aeropuertu, y ye agora conocíu como Aeropuertu Internacional de Bagdag. El códigu ICAO camudó de ORBS a ORBI; sicasí, el códigu IATA (SDA) prevalez. El escasamente utilizáu BGW refierse anguaño a tolos aeropuertos de Bagdag y enantes referíase al aeropuertu Al Muthanna.

Anguaño

El 29 d'abril de 2005, Air Scotland anunció la so intención d'efectuar una ruta Glasgow-Londres-Stansted-Irbil-Bagdag. Esti serviciu nunca empezó y Air Scotland ta anguaño en quiebra.

La compañía checa Euru Air Cargo entama empezar a volar nel futuru^[2]

N'avientu de 2006, Iraqi Airways anunció un vuelu direutu de Bagdag a Londres con dos frecuencies selmanales qu'empezaría a empiezos de 2007. En 2008, entá nun empezara'l vuelu.

N'ochobre de 2008, Turkish Airlines empecipió un vuelu direutu a Bagdag dende l'Aeropuertu Internacional Atatürk con tres vuelo selmanales, convirtiéndose asina na primer aereollinia en retomar los vuelos dende Europa a la capital iraquina dende les sanciones de la ONX.

El 2 de xineru de 2009 Nordic Airways empezó'l primer vuelu ente l'oeste d'Europa ya Iraq en 17 años tresportando a 150 pasaxeros ente Copenḥague y Bagdag.^[3]

Aereollinies y destinos

Avión d'Iraqi Airways nel Aeropuertu Internacional de Bagdag en 2008.

Cham Wings Airlines (Damascu)
EgyptAir (El Cairo)
Flying Carpet (Beirut)
Iraqi Airways (Amán, Atenes,^[4] Basora, Beirut, El Cairo, Damascu, Dubái, Erbil, Istambul-Atatürk, Mosul, Estocolmo-Arlanda, Sulaymaniyah, Teḥrán-Imam Khomeini)
Jupiter Airlines (Dubái)
Gryphon Airlines (Kuwait)
Mahan Air (Teḥrán-Imam Khomeini)
MCA Airlines (Estocolmo-Arlanda)
Royal Jordanian (Amán)
Turkish Airlines (Istambul-Atatürk)

Aereollinies de carga

Royal Jordanian Cargu (Amán)

Incidentes y accidentes

25 d'avientu de 1986: Vuelu 163 de Iraqi Airways - Un Boeing 737 en vuelu de Bagdag a Amán, Xordania, foi secuestráu. Estrellóse más tarde n'Arabia Saudita, matando a 63 persones.
29 de payares de 1987: Vuelu 858 de Korean Air - Dos axentes norcoreanos punxeron una bomba nel vuelu Bagdag-Abu Dhabi-Bangkok-Seúl. Tolos pasaxeros y tripulantes morrieron.

Referencies

↑ Información aeroportuaria del Aeropuertu Internacional de Bagdad en World Aero Data (n'inglés)
↑ «Euru Cargo Air, a.s.». Archiváu dende l'orixinal, el 30 de xunu de 2009. Consultáu'l 16 de mayu de 2009.
↑ «European flight lands in Baghdad». BBC (2 de xineru de 2009).
↑ Stockholm Flights - Iraqi Airways

Enllaces esternos

[WAD-1] Información aeroportuaria del Aeropuertu Internacional de Bagdad en World Aero Data (n'inglés)

[2] «Euru Cargo Air, a.s.». Archiváu dende l'orixinal, el 30 de xunu de 2009. Consultáu'l 16 de mayu de 2009.

[3] «European flight lands in Baghdad». BBC (2 de xineru de 2009).

[4] Stockholm Flights - Iraqi Airways

[2]

[3]

[4]

Aeropuertu Internacional de Bagdag
Baghdad International Airport مطار بغداد الدولي
aeropuertu internacional y aeródromu de tráficu comercial
IATA: BGW • OACI: ORBI
Llocalización

País	Iraq
Gobernaciones	Gobernación de Bagdag
Gran ciudá	Bagdag
Coordenaes	33°15′45″N 44°14′04″E / 33.2625°N 44.2344°E / 33.2625; 44.2344
Aeropuertu Internacional de Bagdad Aeropuertu Internacional de Bagdad (Iraq)
Altitú	33,8 m
Historia y usu

Ataque aéreo en el Aeropuerto Internacional de Bagdad de 2020 ^(es)
Xestión	Fuercia Aérea de los Estaos Xuníos
Orixe del nome	Bagdag Sadam Husein
Aeropuertu
Ciudá a la que sirve	Mansour ^(en)
Web oficial