Alfonsu II d'Asturies
Alfonsu II (759 (greg.), Uviéu – 20 de marzu de 842 (greg.), Uviéu), conocíu como el Castu, foi rei d'Asturies ente los años 791 y 842.
Alfonsu II d'Asturies | |||
|---|---|---|---|
.jpg) | |||
791 - 842 ← Bermudu I - Ramiro I → | |||
| Vida | |||
| Nacimientu | Uviéu, 759 (greg.)[1] | ||
| Nacionalidá | Reinu d'Asturies | ||
| Muerte | Uviéu, 20 de marzu de 842 (greg.) (82/83 años) | ||
| Sepultura | panteón de reis de la Catedral d'Uviéu | ||
| Familia | |||
| Padre | Fruela I | ||
| Madre | Munia d'Álava | ||
| Casáu con | ensin valor | ||
| Pueblu | dinastía Astur-lleonesa | ||
| Oficiu | gobernante | ||
| Trabayos destacaos | Testamentu d'Alfonsu II | ||
 | |||
Yera fíu de Fruela I y Munia. Nació n'Uviéu hacia l'añu 759. Al morrer el so pá quedó al cargu de la so tía Adosinda, anque hai una tradición que diz que tuvo nel monesteriu de Samos, en Galicia. Demientres el reináu de Silu desempeñó'l gobiernu del Palaciu. A la so muerte elíxenlo como rei col sofitu de la tía y los nobles de la corte, pero Mauregatu consiguió espulsalu del tronu. Tuvo que refuxase n'Álava, onde tuvo hasta que Bermudu I renunció al tronu. El 14 de setiembre de 791 volvió a ser proclamáu rei.
Sábese que caltuvo contautos col emperador Carlomagnu, pues hai constancia de que trés delegaciones de la Gallaecia viaxaron a la corte de los francos nos años 796, 797 y 798, anque nun se saben los asuntos de los que trataron. Per una parte, hai quien diz que foi pa buscar ayuda escontra los ataques de los hermanos musulmanes Ibn-Mugait nel oriente d'Asturies. Per otra, hailos que dicen que los alcuentros teníen que ver cola herexía adopcionista escontra la que lluchaba Carlomagnu.
Tomó Lisboa en 798 y venció a los musulmanes nel Nalón y n'Anceo (825). Gracies a les victories sobre los musulmanes afita la so presencia en Galicia, Lleón y Castiella, repoblándolos.
Ver tamién
editarReferencies
editar- ↑ Afirmao en: Encyclopædia Britannica Online. Identificador Encyclopædia Britannica Online: biography/Alfonso-II-king-of-Asturias. Apaez como: Alfonso II. Data de consulta: 9 ochobre 2017. Llingua de la obra o nome: inglés.
Enllaces esternos
editar
Wikimedia Commons acueye conteníu multimedia sobre Alfonsu II d'Asturies.
 Reinu d'Asturies (718-925)
| ||
| Predecesor: Bermudu I |
Rei d'Asturies 791 - 842 |
Socesor: Ramiru I |
Datos: Q360388- Multimedia: Alfonso II of Asturias
