Gallaecia
Gallaecia foi una provincia romana del Noroeste de la Península Ibérica qu'abarganaba lo que güei ye la comunidá autónoma de Galicia, el Norte de Portugal y les provincies españoles d'Asturies, Lleón y Zamora. La so capital taba en Bracara Augusta (Braga).
 Gallaecia | |
|---|---|
| Alministración | |
| Rexón histórica | Hispania |
| Tipu d'entidá | provincia romana |
| Nome llocal | Gallaecia |
| Xeografía | |
| Demografía | |
 | |
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
OrixeEditar
Los romanos diéron-y el nome de Gallaecia al noroeste de la Península Ibérica polos callaeci, que constituyíen una amalgama pueblos más o menos aceltizaos que vivíen ente'l Dueru y el Miño, que los romanos coñocen pela primer vegada cola aportada de Décimo Xunio Bruto, El Galaicu, al norte del Dueru nel 139 e.C..
Los xabaces celtes de la Gallaecia faen la so entrada na hestoria escrita nel sieglu I na épica Púnica de Silio Itálico sobro la Primer Guerra Púnica dun xeitu qu'entá güei mos ye familiar, dos mil años dempués.
Fibrarum et pennae diuinarumque sagacem /flammarum misit dives Callaecia pubem, / barbara nunc patriis ululantem carmina linguis, / nunc pedis alterno percussa verbere terra, /
ad numerum resonas gaudentem plaudere caetras —Libro III. 344-347
- "L'abayurosa Gallaecia dumbia a la so mocedá, coñecedora de l'aldovinación poles entrañes de les besties, pol esnalu les aves y poles llaparaes divines, la cual o bien glayaba bárbaros cánticos nes sos llingues patries o bien, tres triar la tierra con güelpes alternos de pié, prestábense de bater ritmicamente los sonoros escudos".
Llendes y dixebresEditar
Gallaecia, dende la reforma de Dioclecianu, dixebrábase nos siguientes conventos:
- Conventus Bracarensis, con capital en Bracara Augusta, abranguía'l norte de Portugal, al sur de Pontevedra y cuasi toó Ourense, había como llende sur el ríu Dueru.
- Conventus Lucensis, con capital en Lucus Augusti, abranguía aproximao les provincies autuales d'A Coruña, Lugo, norte de Pontevedra, una parti d'Ourense y l'ocidente d'Asturies (fasta'l Navia).
- Conventus Asturiensis, con capital n'Astúrica Augusta, abranguía bona parte de la Asturies d'anguaño, Lleón, l'oeste de Zamora, este d'Ourense y el nororiente de Portugal.
HistoriaEditar
Los Callaeci ("καλλαικοι" en griegu) enfróntanse a les fuercies romanes nel 137 e.C. nuna batalla nel ríu Dueru, que resulta en derrota pa illos. Décimo Xunio Bruto tórnase vencedor, y recibe del Senáu el títulu de Callaecus. Decimo Xunio Bruto nun pretendió acupar la zona sur de la Gallacecia, ensinon que llevó a cabu una espedición de castigu escontra esti pueblu, por mor de les sos razzies nel aria lusitana.
Partió de Portus Cale, que correspuéndese col actual OPorto. Les sos lexones avanzaron pela cuesta col enfotu la flota y acuparon una riestra castros costeros. Allugó una guarnición nel llugar de la actual Valença y depués adientróse cara Braga. Tres duna batalla vitoriosa avanzó cara Limia y acupó la ciudá de Lambrica, pa cruciar dimpués el ríu Miño.
Estes campañes nun toveron una gran emportancia y llimitáronse a una zona xeográfica muy concreta: el sur de Gallaecia, con especial incidencia na zona costera.
Na mesma estaya hestórics merecen una riestra d'espediciones posteriores como les de P.Craso del 96- 94 e.C.. o la de Xulio César nel 62 e.C. na que, movíu pol so oleyu d'otener doyures, llegaría con una espedición hasta Brigantium. Pero la dafecha conquista del noroeste de la península nun afecharía hasta l'emperaor Augustu ente'l 26 y el 19 e.C. nel contestu de les guerres cántabres.
Al primeru, Augustu enclúi el territoriu de Galicia na Lusitania, pero yá nel 13 e.C.. pasa a la Hispania Citerior. El mesmu Augustu, reforma la dixebra provinciana d'Hispania nel 27 e.C., asinando a Gallaecia la provincia Tarraconense. Con Caracalla ciciabes formó parte, yá con Asturies y Cantabria, de la Hispania Nova Citerior Antoniana, (214), pero nun foi hasta la reforma de Diocleciano -que dixebró Hispania nel 298 en siete provincies- que se constituya la Provincia de la Gallaecia.
Demientres la dómina Flavia prodúcense una riestra de decisiones que tuvieron un prefondu calume políticu. La concesión del Ius Latii trexo consigu un escomanáu cambéu tantu nel ámbetu urbán, col aducimientu de la población nos noyos urbanos yá esistentes y la criyación de nuevos, como nel rural. Esto trayería consigu un aducimientu xeneralizáu de la doyura na población, que na práutica nun se tedría costancia al tresvel de los afayos arqueolóxicos. El retrasu económicu sedría mayor nel conventu Lucense que nel Bracarense si comparamos estos territorios colos más desenrrollaos de la Península Ibérica y agravóse más colos Antoninos.
D'esti xeitu, güei en día, nun se pue falar pa Gallaecia de la esistencia duna economía cincada nel emplegu de cutio de la moneda. Gallaecia vivió fundamentalmente so la bas duna economía natural cincada nel truecu, hasta mediaos del sieglu III y, más nidiamente, fasta'l sieglu IV.
Ver tamiénEditar
BibliografíaEditar
- Balboa Salgado, Antonio. Gallaecia nas fontes clásicas, Universidá de Santiago de Compostela. (Santiago de Compostela, 1996). ISBN 84-8121-512-0
- García Fernández-Albalat, Blanca. Guerra y religión en la Gallaecia y la Lusitania antiguas. Sada. Ediciós do Castro (1990) ISBN 84-7492-475-8
- Tranoy, A. La Galice Romaine. Recherches sur le nord-ouest de la péninsule ibérique dans l'Antiquité. Diffusion de Boccard (Paris, 1981)
