Alhena
Alhena o Almeisan (Gamma Geminorum / γ Gem / 24 Geminorum)[9] ye la tercera estrella más brillosa de la constelación de Xéminis. Con magnitú aparente +1,93, ye superada en rellumu por Pólux (β Geminorum) y Cástor (α Geminorum).
Nome
editarAlhena, procedente del árabe الهنعه Al Han'ah, «la marca del camellu», ye un términu que d'antiguo designaba a delles estrelles asitiaes nel estremu suroeste de l'actual constelación de Xéminis.
Almeisan, según les sos variantes Almisan y Almeisam, provienen del árabe Al-Maisan, «la brillosa».[10]
En Babilonia, esta estrella señalaba la décima constelación eclíptica, Mash-amshu-sha-Ris ū, «los ximielgos del pastor»; xunto a Tejat Prior (η Geminorum), probablemente yera Mas-tab-ba-tur-tur, «los pequeños ximielgos».[10]
Carauterístiques físiques
editarAsitiada a 105 años lluz del Sistema Solar, Alhena ye una estrella binaria espectroscópica. La componente visible, Alhena A, ye una subxigante blanca de tipu espectral A0IV y temperatura superficial de 9230 K.[11] Ye 160 vegaes más lluminosa que'l Sol y tien una masa de 2,8 mases solares. El so radiu, calculáu a partir de la midida direuta del so diámetru angular, ye unes cinco veces mayor que'l radiu solar y xira sobre sigo mesma con una velocidá de rotación proyeutada de 15 km/s.[12] Tien una composición química similar a la del Sol.[13]
Alhena ye la estrella más brillosa a la que se-y reparó la tapecimientu por un asteroide, (381) Myrrha, en 1991. Ello dexó conocer que Alhena B ye una nana mariella de tipu espectral G y masa similar a la del Sol, 200 vegaes menos lluminosa que la so compañera. Los dos componentes tópense dixebraes una distancia media de 8,5 UA, y percuerren una órbita escéntrica que rique 12,6 años pa ser completada.[13]
Referencies
editar- ↑ 1,0 1,1 Afirmao en: SIMBAD.
- ↑ 2,0 2,1 2,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi: .
- ↑ Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi: .
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ «Rotational velocities of A-type stars» (n'inglés). Astronomy and Astrophysics (2): páxs. 671–682. febreru 2007. doi: .
- ↑ Dimitri Pourbaix (setiembre 2004). «SB9: The ninth catalogue of spectroscopic binary orbits» (n'inglés). Astronomy and Astrophysics (2): páxs. 727–732. doi: .
- ↑ Marwan Gebran (mayu 2016). «A new method for the inversion of atmospheric parameters of A/Am stars» (n'inglés). Astronomy and Astrophysics. doi: .
- ↑ Christopher J. Corbally (ochobre 2003). «Contributions to the Nearby Stars (NStars) Project: Spectroscopy of Stars Earlier than M0 within 40 Parsecs: The Northern Sample. I» (n'inglés). The Astronomical Journal (4): páxs. 2048–2059. doi: .
- ↑ Alhena - Spectroscopic binary (SIMBAD)
- ↑ 10,0 10,1 Allen, Richard Hinckley (1889). «Gemini», Courier Dover Publications: Star Names — Their Lore and Meaning (n'inglés), páx. 563. ISBN 0-486-21079-0. Consultáu'l 29 de mayu de 2012.
- ↑ Wu, Yue; Singh, H. P.; Prugniel, P.; Gupta, R.; Koleva, M. (2011). «Coudé-feed stellar spectral library - atmospheric parameters». Astronomy and Astrophysics 525. A71. http://cdsads.u-strasbg.fr/cgi-bin/nph-bib_query?2011A%26A...525A..71W&db_key=AST&nosetcookie=1.
- ↑ Royer, F.; Zorec, J.; Gómez, A. E. (2007). «Rotational velocities of A-type stars. III. Velocity distributions». Astronomy and Astrophysics 463 (2). páxs. 671-682. http://cdsads.u-strasbg.fr/cgi-bin/nph-bib_query?2007A%26A...463..671R&db_key=AST&nosetcookie=1.
- ↑ 13,0 13,1 Alhena (Stars, Jim Kaler)