Alina Kabáyeva
Alina Marátovna Kabáyeva (rusu: Алина Маратовна Кабаева; 12 de mayu de 1983, Taxkent) ye una ximnasta rítmica retirada de Rusia. Na so etapa como ximnasta midía 1.66 m y pesaba 48 kg.
Alina Kabáyeva | |||
|---|---|---|---|
 | |||
24 avientu 2007 - 15 setiembre 2014 | |||
| Vida | |||
| Nacimientu | Taxkent, 12 de mayu de 1983[1] (41 años) | ||
| Nacionalidá |
 Xunión Soviética  Rusia  Uzbequistán  Kazakstán | ||
| Llingua materna |
rusu chinu | ||
| Familia | |||
| Padre | Marat Kabayev | ||
| Madre | Lyubov Kabaeva | ||
| Pareyes | Vladimir Putin | ||
| Fíos/es |
| ||
| Estudios | |||
| Estudios |
Russian State University of Tourism and Services Studies (en)  2007) Lesgaft National State University of Physical Education, Sport and Health (en) 2009) | ||
| Nivel d'estudios |
Candidate of Sciences in Pedagogy (en) | ||
| Llingües falaes |
rusu castellanu xaponés chinu coreanu croata inglés francés árabe | ||
| Oficiu | |||
| Oficiu | política, modelu, ximnasta rítmica, actriz de cine | ||
|
| |||
| Pesu | 50 kg | ||
| Altor | 196 cm | ||
| Llugares de trabayu | Moscú | ||
| Premios | |||
| Miembru de |
6ª Duma Estatal de la Federación Rusa (es) 5ª Duma Estatal de la Federación Rusa (es) first Civic Chamber of the Russian Federation (en) | ||
| Creencies | |||
| Relixón | cristianismu ortodoxu | ||
| Partíu políticu | Rusia Xunida | ||
| IMDb | nm1585617 | ||
| kabaeva-alina.com | |||
 | |||
Biografía
editarEmpezó a prauticar ximnasia rítmica en Taxken (Uzbequistán) en 1987 cuando tenía 4 años. La so primer entrenadora foi A. Malkina. El so padre yera un profesional del fútbol y la familia acompañólu per dellos llugares d'Uzbequistán, Kazakstán y Rusia. Bien moza, treslladóse a Rusia, onde la so madre llevóla a la entrenadora Irina Víner, a quien gustó dende'l principiu.
Nun podía creer lo que víen los mios güeyos, cuando la vi per primer vegada. La moza tenía una rara combinación de dos cualidaes cruciales na ximnasia rítmica: flexibilidá y axilidá.Irina Víner
Debutó internacionalmente en 1996. En 1998, a los 15 años d'edá, tuvo una sorprendente victoria nos Campeonatos d'Europa, celebraos en Portugal, siendo la más nueva d'un equipu con reputaes estrelles como Amina Zaripova. En 1999 foi campeona europea per segundu añu consecutivu, y llogró'l títulu mundial n'Osaka, Xapón. Acabó ganando cinco campeonatos europeos y otru títulu mundial en 2003 en Budapest (Hungría).
Nos Xuegos Olímpicos de Sydney 2000, na so segunda intervención cayóse-y l'aru y tuvo que salir a buscalo fuera del área d'exercicios. Acabó con medaya de bronce con una puntuación final de 39.466 (cuerda 9.925, aru 9.641, pelota 9.950, cinta 9.950).
Nos Goodwill Games de 2001, celebraos en Brisbane, Australia, ganó l'oru en pelota, maces y cuerda, y la plata nel concursu individual y aru. Alina y la so compañera d'equipu, Irina Cháshchina dieron positivu nun diuréticu prohibíu (furosemida) y quitáron-yos les medayes.[3] Irina Víner, entrenadora del equipu rusu, que tamién actuaba como vicepresidenta del comité téunicu de ximnasia rítmica de la FIG, dixo que toes los sos ximnastes tuvieren tomando un suplementu dietéticu llamáu 'Hyper' que contenía diuréticu. En pallabres de Víner, les ximnastes tomáronlo pal síndrome premenstrual. Cuando se quedaron ensin él poco primero de los Xuegos de Bona Voluntá, el fisioterapeuta del equipu mercólo nuna farmacia llocal. Según Víner, el suplementu que los vendieron yera falsu y contenía furosemida. La comisión pidió al comité organizador de los Xuegos qu'anulara los resultaos de Kabáyeva y Cháshchina. La FIG tamién anuló les sos resultaos del Campeonatu Mundial de Madrid, de cuenta que la ucraína Tamara Yerofeeva foi declarada campeona de 2001.
Nos Xuegos Olímpicos d'Atenes 2004 ganó l'oru, con una puntuación de 108.400 (aru 26.800, pelota 27.350, maces 27.150, cinta 27.100), y la medaya de plata foi pa la so compañera d'equipu Irina Cháshchina. N'ochobre de 2004 Alina anunció la so retirada del deporte; sicasí, en xunu de 2005 la entrenadora rusa Irina Víner anunció una posible torna.[4][5] Alina tornó nuna competición amistosa ente Italia y Rusia celebráu en Xénova, el 10 de setiembre de 2005.[6] El 5 de marzu de 2006, Alina llogró'l primer puestu nel Gazprom Moscow Grand Prix, con compatriotes ruses como Vera Sessina y Olga Kapranova en segundu y tercer llugar.[7]
Dende 2005 ye miembru de la Cámara Pública de Rusia (Общественная палата). Alina fixo en delles ocasiones de modelu en revistes, publicidá y películes, amás de desfilar en pasareles.
Referencies
editar- ↑ Afirmao en: Internet Movie Database. Identificador IMDb: nm1585617. Data de consulta: 20 xunetu 2016. Llingua de la obra o nome: inglés.
- ↑ 2,0 2,1 Descritu na URL: https://dossier.center/succession/.
- ↑ Gymnasts protest drug innocence, BBC, Consultáu'l 21 d'agostu de 2009
- ↑ «GYMmedia.com». Archiváu dende l'orixinal, el 17 de xunetu de 2012. Consultáu'l 2009.
- ↑ «GYMmedia.com». Archiváu dende l'orixinal, el 17 de xunetu de 2012. Consultáu'l 2009.
- ↑ [1]
- ↑ «GYMmedia.com». Archiváu dende l'orixinal, el 4 de febreru de 2012. Consultáu'l 2009.
Enllaces esternos
editar
Wikimedia Commons acueye conteníu multimedia sobre Alina Kabáyeva.- Páxina web oficial (en rusu)
- Alina Kabáyeva na Internet Movie Database (n'inglés)
Datos: Q254220- Multimedia: Alina Kabaeva
