Biblioteca Pública de Nueva York

La Biblioteca Pública de Nueva York (New York Public Library, NYPL) ye'l sistema de biblioteques públiques de la ciudá de Nueva York. Ye, colos sos 53 millones d'oxetos catalogaos y 92 sucursales, la segunda mayor biblioteca pública del país, tres de la Biblioteca del Congresu, y la cuarta mayor del mundu[1]. La NYPL ye una corporación ensin ánimu de lucru, privada y non gubernamental que se financia con fondos públicos ya privaos[2].

Biblioteca Pública de Nueva York
New York Public Library (en)
sistema de bibliotecas (es) Traducir y biblioteca pública (es) Traducir
New York Public Library May 2011.JPG
Llocalización
PaísBandera de Estaos Xuníos d'América Estaos Xuníos
EstaosBandera de Nueva York (estáu) Nueva York
Ciudá globalFlag of New York City.svg Nueva York
Distritos (es) TraducirFlag of Manhattan.png Manhattan
Coordenaes 40°45′10″N 73°58′54″O / 40.7527°N 73.9818°O / 40.7527; -73.9818Coordenaes: 40°45′10″N 73°58′54″O / 40.7527°N 73.9818°O / 40.7527; -73.9818
Biblioteca Pública de Nueva York alcuéntrase en los EE.XX.
Biblioteca Pública de Nueva York
Biblioteca Pública de Nueva York
Biblioteca Pública de Nueva York (los EE.XX.)
Historia y usu
Apertura1895
Direición Anthony Marx
Númberu d'oxetos 53 100 000
Visitantes añales 18 000 000
Web oficial
Cambiar los datos en Wikidata

La biblioteca tien sucursales nos distritos de The Bronx, Manhattan y Staten Island, y alcuerdos de collaboración con otres biblioteques académiques y profesionales del área metropolitana de Nueva York. Los distritos de Queens y Brooklyn nun cuenten con sucursales d'este sistema de biblioteques públiques; tienen los propios de so, que son la Biblioteca Pública de Queens (Queens Public Library) y la Biblioteca Pública de Brooklyn (Brooklyn Public Library). Les so sucursales tán abiertes al públicu xeneral, y funcionen col sistema de préstamu; la Biblioteca Pública tien, amás, cuatro biblioteques de referencia, abiertes tamién al públicu xeneral.

La biblioteca, que'l so nome oficial ye The New York Public Library, Astor, Lenox and Tilden Foundations, desarrollose nel sieglu XIX, y ye'l resultáu de la fusión de delles biblioteques fundaes por bibliófilos y filántropos na segunda metá del sieglu. Una d'elles foi la Biblioteca Astor, fundada, tres d'una manda testamentaria con sofitu económicu de John Jacob Astor, nel East Village en 1854[3]. La Biblioteca Lenox fundose na Quinta Avenida na década de 1870, a partir de la donación del bibliófilu James Lenox d'una colección bayurosa qu'incluyía llibros raros ya incunables[4], como la primer Biblia de Gutenberg qu'hebo n'América[5]. Finalmente, el que fora gobernador del estáu Samuel J. Tilden dexó, a la so muerte en 1886, la mayor parte de la so herencia, una cantidá equivalente a unos 69 millones de dólares de 2021, mandada pa "crear y mantener una llibrería y una sala de llectura gratuites na ciudá de Nueva York"[5]. Los sos albacees pensaron en xuntar les dos biblioteques anantes citaes, que pasaben por problemes económicos, y tres l'alcuerdu de les entidaes el 23 de mayu de 1895 creose la corporación que rixe de magar los destinos de la biblioteca[6], vista na dómina como un exemplu de la filantropía de los ricos en favor del bien común[5], y que recibió sofitu económicu de dellos de los habitantes más ricos de la ciudá nos años vinientes.

Nomase tamién "Biblioteca Pública de Nueva York" a la so sede, l'edificiu Stephen A. Schwarzman, asitiada nel cruce ente la Quinta Avenida y la Cai 51 Este y perreconocible poles estatues de los dos lleones, Patience (Paciencia) y Fortitude (Templanza), que flanqueen la so escalera principal d'accesu. Abierta al públicu en 1911, ye una de les cuatro biblioteques de referencia del sistema, y tien unos fondos de 2,5 millones de volúmenes nes sos estanteríes[7]. L'edificiu foi declaráu Fitu Históricu Nacional en 1965[8], incluyíu nel Rexistru Nacional de Llugares Históricos en 1966[9] y declaráu Fitu de la ciudá de Nueva York en 1967[10].

Vista panorámica del interior de la sala de llectura de la sede principal (edificiu Schwarzman).

Enllaces esternosEditar





ReferenciesEditar

  1. «CTO Takes the New York Public Library Digital». CIO Insight (Quinstreet Enterprise). July 2, 2015. http://www.cioinsight.com/it-strategy/cloud-virtualization/cto-takes-the-new-york-public-library-digital.html. Consultáu 'l July 12, 2015. 
  2. The New York Public Library, Astor, Lenox and Tilden Foundations. Financial Statements and Supplemental Schedules, June 2016, page 8.
  3. Lydenberg HM, History of the New York Public Library (part I), pp. 556-563.
  4. Lydenberg HM, History of the New York Public Library (part III), pp. 685-689.
  5. 5,0 5,1 5,2 Historia de la NYPL, na web de la Biblioteca Pública.
  6. Reed, HH, The New York Public Library: The Architecture and Decoration of the Stephen A. Schwarzman Building, pp. 1-10. New York, W.W. Norton and Company, 2011. ISBN 978-0-393-07810-7
  7. A Slippery Number: How Many Books Can Fit in the New York Public Library?, artículu de The New York Times del 28 de payares de 2015.
  8. «New York Public Library». National Historic Landmark summary listing. National Park Service (16 de setiembre de 2007).
  9. «National Register Information System». National Register of Historic Places. National Park Service (23 de xineru de 2007).
  10. «New York Public Library». New York City Landmarks Preservation Commission (11 de xineru de 1967).