Biblioteca del Real Institutu d'Estudios Asturianos

La Biblioteca del Real Institutu d'Estudios Asturianos (BARIDEA) ye una entidá pública encargada del depósitu del patrimoniu bibliográficu y documental d'Asturies.

Biblioteca del Real Institutu d'Estudios Asturianos
biblioteca especializada (es) y biblioteca principal (es)
Llocalización
País	España
Autonomía	Principáu d'Asturies
Provincia	Provincia d'Asturies
Conceyu	Uviéu
Parroquia	[[Uviéu (parroquia)|{{{2}}}
Ciudá	[[Uviéu (ciudá)|{{{2}}}
Sede	Palaciu de los Condes de Toreno
Coordenaes	43°21′46″N 5°50′44″W
Biblioteca del Real Institutu d'Estudios Asturianos Biblioteca del Real Institutu d'Estudios Asturianos (Asturies)
Historia
Fundación	1946
Organigrama
Dueñu	Real Institutu d'Estudios Asturianos
Bolsa de valores	Real Institutu d'Estudios Asturianos
Web oficial

La Biblioteca y Archivo del Real Institutu d'Estudios Asturianos tien la so sede n'el mesmu Institutu, nel Palaciu Conde de Toreno, asitiáu en plenu centru históricu d'Uviéu, ente l'edificiu históricu de la Universidá y la Catedral. Ta especializada en fondos bibliográficos y documentales sobre Asturies, autores y les sos obres en cualquier campu de la conocencia y ye unu de los centros d'investigación y estudiu propios colos que cunta'l RIDEA. Esti constituyóse formalmente nel branu de 1946, so los auspicios de la Diputación Provincial, que dexó una parte de los sos fondos bibliográficos pa formar el nucleu fundacional de l'actual Biblioteca; según la pequeña parte que se caltenía de la biblioteca y del archivu de la Sociedá Económica d'Amigos del País d'Asturies. El centru tien como unu de los sos principales oxetivos ye'l sofitu al estudiu y l'investigación rellacionaos con Asturies y cola cultura asturiana en cualesquier de los sos aspeutos.

La normativa pola que se rixe ye la Llei y el Reglamentu del RIDEA que dispón que, al mandu de la mesma y formando parte de la Xunta Directiva del Institutu, haya un Bibliotecariu Conservador, amás de la bibliotecaria. La citada Llei tamién indica que'l centru tien de coordinase coles demás biblioteques y archivos de la comunidá «especialmente cola Biblioteca d'Asturies y col Archivu Históricu d'Asturies». Al igual qu'estos, pa los trabayos téunicos síguese la normativa nacional ya internacional aceptada en tol Estáu pa les biblioteques y archivos públicos.

Servicios

Los servicios más importantes qu'empresta son:

• Consulta en sala de tolos fondos bibliográficos y documentales del RIDEA.
• Información y referencia rellacionada cola cultura asturiana, tantu na biblioteca como por mediu los sistemes habilitaos a tal fin (teléfonu, web, corréu, etc.).
• Accesu al Catálogu de la biblioteca, a la Rede de Biblioteques Publiques d'Asturies y a los catálogos coleutivos de los que forma parte, como'l Catálogu Coleutivu del Patrimoniu Bibliográficu Español o la Biblioteca Virtual del Principáu d'Asturies (BVA), al traviés de la cual coopérase col portal dixital Hispana y cola biblioteca dixital Europeana.
• Accesu a los inventarios d'archivu de los fondos propios, integraos nel portal Archivos d'Asturies
• Accesu al portal de Prensa Histórica del Ministeriu de Cultura, col que collabora apurriendo fondos pa digitalizar.
• Reproducción de documentos bien por fotocopia o copia dixital o por aciu fotografía con cámares propies, d'alcuerdu tou ello cola llexislación vixente.
• Préstamu bibliográficu o documental pa esposiciones, publicaciones o actividaes culturales empuestes a espublizar la hestoria y la cultura asturiana.

Fondos

El conxuntu bibliográficu y documental que conforma la Biblioteca y Archivu del Real Institutu d'Estudios Asturianos ta entamáu en tres seiciones, d'alcuerdu a cada tipu material que lu conformen:

Biblioteca

La Biblioteca del Real Institutu d'Estudios Asturianos cuenta con más trenta mil títulos de llibros y folletos y entámase en tres seiciones o fondos:

• Fondu Asturianu: Obres d'autor, temática o edición asturiana ente nes que podemos atopar una variada ya interesante miscelánea de too tipu de monografíes, folleto, conferencies, comunicaciones presentaes en congresos, separatas...
• Fondu Antiguu: So esta denominación xenérica tán arrexuntaes biblioteques que se caltuvieron individualizaes pola so procedencia sol nome del so propietariu orixinal, por ser estos importantes personalidaes ya instituciones de la cultura asturianos que mandaron, vencíu o vendíu les sos biblioteques al Institutu. Amás de los yá mentaos de la Diputación y de la Sociedá Económica, cabo destacar una parte de Biblioteca de catedráticu y rector de la Universidá d'Uviéu, Fermín Canella, la del so fíu Carlos Canella, la del bibliófilu y escritor Máximo Fuertes Acevedo, la del historiador sierense Fausto Vigil, la del etnógrafu y folclorista asturianu Constantino Cabal, la donación de la Familia Álvarez Buylla o la biblioteca de les empreses Figareo, ente otres.
• Fondu Xeneral: Formáu poles publicaciones que l'Institutu foi adquiriendo por intercambiu de les sos publicaciones con distintos institutos d'estudios locales ya instituciones españoles y estranxeres. Mención específica merez nesti estremáu la donación d'una parte del fondu de la Editorial Porrúa de Méxicu, que los sos propietarios son d'orixe asturianu.

Hemeroteca

La hemeroteca del RIDEA ta formada por unos 400 títulos de revistes científiques y culturales que se reciben por intercambiu coles publicaciones del Institutu y por una pequeñu coleición de periódicos antiguos, como'l periódicu Castropol o dellos volúmenes d'El Carbayón, o otros más modernos pero igualmente de gran interés, como la coleición más completa que se caltién del periódicu uvieín Región (1924-1958).

Archivo

Los fondos archivísticos del RIDEA tán constituyíos, amás de pol archivu de la mesma institución, por otros fondos documentales llegaos por legáu, compra o depósitu de los sos propietarios. L'archivu ta ordenáu en dos seiciones:

• Archivu documental: Formáu pol Archivu de Valdecarzana, qu'axunta'l Archivu de la Casa Miranda (ss. XIII-XIX), una parte del archivu de la Colexata de San Pedro de Teberga (ss. XIV-XIX) y del so filial la Colexata de San Martín y Gurullés (ss. XV-XVIII); el yá mentáu Archivu de la Sociedá Económica d'Amigos del País d'Asturies (1780-1925); el Fondu de la Casa Gómez de Berducedo (XVI-XIX), el del consorciu d'empreses de la familia Figareo (1786-1950), el de la casa de Publicidá Brun (1950-1995) o'l de José Ramón Tolivar Faes (1917-1995).

• Archivu fotográficu: Formáu por una pequeñu pero interesante coleición de semeyes en blancu y negru y color, ente les que s'atopen les dedicaes a los monumentos asturianos realizaes polos afamaos fotógrafos Mas (Barcelona) y Moreno (Madrid), según del arquiteutu restaurador de la catedral d'Uviéu Ferrant, o de los asturianos Francisco Ruiz Tilve, Magín Berenguer, Francisco Sarandeses y Isidoro Cortina. Hai de solliñar, pola so singularidá y antigüedá, el pervalible fondu que constitúin les plaques de cristal del fotógrafu uvieín Luis Muñiz Miranda (1850-1927), munches d'elles tomaes pal so proyeutu de fotografiar el paisaxe y el patrimoniu artísticu asturianu del s. XIX.

Galería

• 
  Fondo Diputación de la Biblioteca del RIDEA.
• 
  Estatuto Sociedad Económica d'amigos del País d'Asturies.
• 
  Depósitu de la Biblioteca del RIDEA.
• 
  Diariu Región.

Enllaces esternos

• Wikimedia Commons acueye conteníu multimedia sobre Biblioteca del Real Institutu d'Estudios Asturianos.
• Páxina web oficial

• Datos: Q24940856
• Multimedia: Biblioteca del Real Instituto de Estudios Asturianos