Caldereta asturiana
La caldereta asturiana o caldereta de pexe y mariscu ye un platu típicu de la gastronomía asturiana. Nun tien una fórmula fixa pa la so preparación yá que los sos ingredientes y ellaboración pueden variar d'una zona a otra de la mariña asturiana.
| Caldereta asturiana | ||
|---|---|---|
| Nome | Caldereta asturiana | |
| Detalles | ||
| Más información | ||
| [editar datos en Wikidata] | ||
Los ingredientes típicos editar
La caldereta asturiana, nes sos múltiples maneres de ser preparada, compónse invariablemente de pexes de roca (de normal pexe azul) y otros pexes de carne duro, como podríen ser el tiñosu, el salmonete, el pixín, etc. Tocantes a los mariscos, los más típicos son los langostinos, les gambes o les cigales, anque tamién pueden emplegase centollos, mexillones, llámpares o inclusive calamar.
Ye común la adición d'hortolices como los pimientos, tomates y cebolles, lo mesmo que de llimón, vinu o cava. Completen la llista de los ingredientes l'aceite, el perexil, la sal y l'ayu.
Preparación y serviciu editar
Preparen los pexes y mariscos y déxense enteros y pelaos. Per otru llau tuéstase n'aceite l'ayu, la cebolla y el perexil picaos bien finos, amestando una cuyarada de fariña (que va faer entestar el caldu) y remuévese ensin que se dore. Añadir el vinu o'l cava, dase un hervor, se sazona y acútase.
Finalmente, arrámase una capa d'esti mueyu nuna cazuela, depués una capa de pexes y mariscos, otra de mueyu y asina alternativamente hasta tener tou na cazuela. Métese tou al fornu unos 40 minutos. Sácase, añader el zusmiu de llimón y sírvese darréu.
Referencies editar
Enllaces esternos editar
Datos: Q5739871
