Cava

Cava
Nome	Cava
Procedencia	España
Procedencia	España
Detalles
Más información
	[editar datos en Wikidata]

El cava ye un vinu esplumiento ellaboráu pol métodu champagnoise fundamentalmente na rexón del altu Penedés catalán (95% de la producción española), sobre manera na llocalidá de Sant Sadurní d'Anoia (75% de la producción española).^[1]

L'introductor del cava na rexón foi José Raventos en 1872.

Uves

Les variedaes d'uva qu'entren na so ellaboración son variaes pero predominen les uves blanques: macabeo, parellada y xarel·lo. Tamién s'utilicen otres variedaes blanques en menor cuantía Chardonnay y Subirat Parent (Malvasía Rioxana).

Esisten caves rosaos que s'ellaboren con monastrell, garnacha, pinot noir y trepat.

Menes

Según la cantidá de zucre que s'amieste nel llicor d'espedición distínguense les siguientes tribes de cava:

Brut Nature ensin zucre amestao
Extra Brut hasta 6 g de zucre per llitru
Brut hasta 15 g de zucre per llitru
Extra Seco ente 12 y 20 g por llitru
Seco ente 17 y 35 g per llitru
Semiseco ente 33 y 50 g per llitru
Dulce más de 50 g per llitru

Producción

Prodúcense al rodiu de 12 millones de caxes (de 12 botelles) siendo'l segundu productor mundial de vinu esplumiento, depués de la rexón de Champagne. Magar que la más de la producción procede de Cataluña, tamién hai bodegues productores de cava n'Aragón, Castiella y Lleón, Estremadura, La Rioxa, País Vascu Murcia, Navarra y Valencia.

Extiendese por 159 conceyos: 63 de la provincia de Barcelona, 52 de Tarragona, 12 de Lleida, 5 de Girona, 18 de La Rioxa, 2 de Zaragoza, 3 d'Álava, 2 de Navarra y los de Requena (Valencia) y Almendralejo (Badajoz).

Referencies

↑ [1] Denominación d'Orixe Protexida "Cava"

Enllaces esternos

(castellán) Ellaboración del Cava Archiváu 2008-06-10 en Wayback Machine
(castellán) Consejo Regulador del Cava
(castellán) Cavas Valencianos

[1] [1] Denominación d'Orixe Protexida "Cava"

[1]