Real Sporting de Xixón
El Real Sporting de Xixón S.A.D[1] ye un club de fútbol profesional de la ciudá de Xixón, n'Asturies. Fundáu'l 1 de xunetu de 1905, disputa los sos partíos como llocal nel estadiu d'El Molinón. Na temporada 2023-2024 xuega en Segunda División. Dende 1995 tien una seición de fúbol femenín.
Real Sporting de Xixón | |||
|---|---|---|---|
.jpg) | |||
| Situación | |||
| País |  España | ||
| Autonomía |  Principáu d'Asturies | ||
| Provincia | Provincia d'Asturies | ||
| Conceyu |  Xixón | ||
| Estáu | España | ||
| Datos | |||
| Nome oficial | Real Sporting de Gijón S.A.D. | ||
| Tipu | club de fútbol | ||
| Fundáu en | 1r xunetu 1905 | ||
| Fundador |
Anselmo López Sánchez | ||
| Propietariu |
 Grupo Orlegi | ||
| Presidente |
 Alejandro Irarragorri | ||
| Direutor deportivu |
Javi Rico | ||
| Entrenador |
Rubén Albés | ||
| Categoría | Segunda División d'España | ||
| Instalaciones | |||
| Estadiu | Estadiu El Molinón-Enrique Castro Quini | ||
| Capacidá | 30 000 | ||
| Inaugurao | 1908 | ||
| Direición | C/Luis Adaro Ruiz-Falcó e/n | ||
| Dueñu de | Grupo Orlegi | ||
| Uniforme | |||
| |||
| Proveedor | Puma | ||
| Patrocinador | Integra Energía | ||
|
Web oficial | |||
 | |||
Los mayores éxitos deportivos del Sporting son un socampeonatu de Lliga algamáu na temporada 1978/79, dos finales de Copa del Rei en 1981 y 1982, y seis participaciones na Copa de la UEFA. L'equipu ocupa'l puestu 16ᵁ na clasificación histórica de Primer División y el 1ᵁ na de Segunda.
Ye l'equipu asturianu que más temporaes xugó na máxima categoría del fútbol español. Amás, ye ún de los nueve equipos españoles qu'enxamás compitieron nuna división inferior a la Segunda.
Dende 1962 organiza'l Troféu Villa de Xixón (fasta 1992, troféu Costa Verde).
Historia
editarAnque según acta notarial de 1956 afítase la fundación del Sporting en 1905, la polémica al rodiu de la fundación del club ya esistía en 1911 cuando montóse una polémica na prensa llocal al rodiu de cual fuere'l primer equipu de la ciudá. Anselmo López afirmaba que la fundación del Sporting databa de 1900. Lo ciertu ye que de 1905 yá hai prebes de la esistencia del club ya que consérvense medalles conmemoratives d'encuentros disputaos na playa de San Lorenzo. A falta d'archivos anteriores a 1936 (destruyéronse na Guerra Civil Española) la polémica ta sirvía ya que hai daquién fecha'l Gijón Sport Club comu l'equipu más vieyu de la ciudá, 1903, inda hai quien pon la data en 1902 tando presidíu por José Suárez Sánchez.
Pero lo que güei ye'l Sporting de Gijón, nun ye otru que'l Sporting Gijonés rival tantu del Gijón Sport Club comu de la Sportiva Gijonesa.
D'aquella'l fútbol nun yera más qu'un deporte prauticáu polos mozos de la burguesía, ya qu'ellos foron los qu'introduxeron el deporte inglés na ciudá, y les clases más baxes interensábense pol deporte namás que por curiosidá'l velos xugar na playa.
La esistencia de tres equipos con gran rivalidá, sirvió pa que'l fútbol en Xixón medrara en pocu tiempu, llegando a relegar anguaño al que yera per entós el deporte rei n'Asturies, los Bolos. Pero yera evidente la necesidá de fusión de los tres principales clubs de la ciudá siendo la primera la fecha ente Gijón Sport Club y Sportiva Gijonesa.
Según medraba l'afición al deporte, la necesidá de dexar la playa como llugar de xuegu fizo que'l Prau Redondu (cerca del Humedal) fora'l primer campu seriu del Sporting, al pocu treslladaríase a La Matona una finca de La Guía y a los tres meses sitióse nel actual Molinón, nomáu asina por tar apegáu a un molín de maíz, siendo anguaño l'estadiu más antiguu de toa España.
Caberes temporaes
editar
(1) Clasificación pa la Copa de la UEFA 1991-92.
(2) Promoción de descensu escontra la UD Lleida.
(3) Les victories valen tres puntos dende esta temporada.
Historial de fabricantes y patrocinadores de l'uniforme
editar     2020-2021
|
   2019-2020
|
    2018-2019
|
     2017-2018
|
   2016-2017
|
   2006 - 2007
|
| Periodu | Fabricante de la equipación | Patrocinador principal |
|---|---|---|
| 1985–86 | Adidas | ninguno |
| 1986-89 | Caja de Ahorros de Asturias | |
| 1989-92 | Rasán | |
| 1992-95 | Lotto | |
| 1995-97 | Joma | |
| 1997-02 | Astore | Xixón |
| 2002-11 | Xixón | |
| 2011-2013 | Kappa[2] | |
| 2013-2016 | Xixón | |
| 2016-2017 | Nike[3] | |
| 2017-2018 | Teslacard[4] | |
| 2018-2019 | Pastón.es[5] | |
| 2019-2020 | Interwetten[6] | |
| 2020-2022 | Integra Energía[7] | |
| 2022-2023 | Puma | Integra Energía |
| 2023-2024 | Jalisco es México |
Estadiu
editar
El Sporting disputa los sos partíos como equipu llocal nel estadiu d'El Molinón. Tien un aforu de 30.000 llocalidaes[8].
Inauguróse en 1908 y ye'l campu profesional más vieyu d'España.
En 2006, anuncióse un proyeutu de remodelación que afcetaba, entre otres coses, a la imaxe esterior del mesmu. Nel proyetu, incluyóse'l refuerzu de la estructura de tol estadiu, la ampliación del fondu norte y una zona de la tribuna oeste, el cambiu de toles cubiertes del estadiu, la sustitución de tolos asientos, la creación de nuevos vestuarios y zones mixtes pa prensa, radio y televisión, además d'una sala pa entrevistes.
Con toes estes meyores, l'estadiu dio un cambiu radical nel so aspeutu exterior y en toles sos dotaciones. Fue homologáu cola categoría 3 pola UEFA. Amás, l'aforu total aumentó hasta los 30 000 espectadores.[9]
Datos del Club
editar- Temporaes en Primer División: 42.
- Temporaes en Segunda División: 50
- Mayor goleada conseguida: Sporting 7 - Osasuna 1 (93-94); Sporting 6 - Oviedo 0 (44-45).
- Mayor goleada encaxada: Barcelona 9 - Sporting 0 (51-52); Athletic 9 - Sporting 0 (58-59).
- Meyor puestu na lliga: 2ᵘ (78-79).
- Peor puestu na lliga: 20ᵘ (97-98).
- Pichichis: Quini 73-74, 75-76, 79-80.
- Zamores: Ablanedo 84-85, 85-86, 89-90.
- Más partíos disputaos: Joaquín (479), Jiménez (420), Ablanedo (399).
Plantía
editarPlantíes antigües
editarXugadores importantes na historia de la entidá
editarAbelardo Fernández, Ablanedo, Castro, Enzo Ferrero, Jimenez, Joaquín, Juanele, Julio Salinas, Luis Enrique, Antonio Maceda, Manjarín, Quini, Rezza, David Villa, Mate Bilic, David Barral, Kike Mateo y Djuka.
Palmarés
editar- Troféu Amberes 1963.
- Troféu Ibérico 1972.
- Copa Stadium en 1979 y 1981.
- Placa a la Meyor Entidá Deportiva 1978.
- Troféu Juan Antonio Samaranch 1979.
- AFE d'Oru 1979.
- Placa al Méritu Deportivu 1981.
- Trofeos a la Deportividá de 1981 y 1986.
- Troféu Carranza 1984.
- Seis participaciones na Copa de la UEFA.
- Subcampeonatu de Lliga en Primer División 1979
- Subcampeonatu de la Copa del Rei en 1981 y 1982.
Ver tamién
editarReferencies
editar- ↑ «El Sporting anuncia en bable el partido del domingo» (en castellanu). La Nueva España: p. 53. 3 de mayu de 1990.
- ↑ «Kappa vestirá al equipu» (29 de marzu de 2011). Consultáu'l 15 de payares de 2016.
- ↑ «Nike vestirá al Sporting durante los dos próximos cursos» (20 de mayu de 2016). Consultáu'l 25 de mayu de 2016.
- ↑ «TESLACARD, nuevu patrocinador principal del Real Sporting de Xixón» (9 de xunu de 2017). Archiváu dende l'orixinal, el 2022-08-19. Consultáu'l 10 de xunu de 2017.
- ↑ «Paston.es, nuevo patrocinador principal del Club» (17 d' agostu de 2018). Archiváu dende l'orixinal, el 2019-06-30. Consultáu'l 17 d'agostu de 2018.
- ↑ «Interwetten, nuevo patrocinador rojiblanco» (16 d'agostu de 2019). Archiváu dende l'orixinal, el 2019-12-01. Consultáu'l 18 d'agostu de 2019.
- ↑ «Integra Energía, patrocinador principal del Real Sporting» (castellanu) (19 d'agostu de 2020). Archiváu dende l'orixinal, el 2020-10-27. Consultáu'l 23 d'agostu de 2020.
- ↑ «Archived copy». Archiváu dende l'orixinal, el 2021-05-12.
- ↑ https://as.com/futbol/2010/08/22/mas_futbol/1282458407_850215.html
Enllaces esternos
editar
Wikimedia Commons acueye conteníu multimedia sobre Real Sporting de Xixón.- Páxina oficial del club (castellán)
Datos: Q12278- Multimedia: Real Sporting de Gijón
