Canciller

Canciller
	cargu
	altu cargu, políticu y ejecutivo (es)

Canciller ye un cargu políticu d'altu rangu, que tien distintu significáu según el país y la dómina

Funcionariu del serviciu esterior

Nel escalafón de la diplomacia de dellos pocos países, tamién se conoz col nome de "canciller" al primer rangu que se-y da a los diplomáticos acabante ingresar nel Serviciu Esterior.
Nes embaxaes y consulaos españoles, el canciller ye un funcionariu especializáu na xestión téunica del serviciu esterior y xefe de personal alministrativu.^[1]
N'Arxentina, Bolivia, Brasil, Chile, Colombia, Costa Rica, Cuba, República Dominicana, Ecuador, El Salvador, Guatemala, Hondures, Méxicu, Nicaragua, Panamá, Paraguái, Perú, Uruguái y Venezuela llámase-y canciller al Ministru de Rellaciones Esteriores, quien s'encarga de coordinar les polítiques de les rellaciones internacionales de cada país.

Xefe de Gobiernu

Canciller tamién ye'l títulu que se-y da al Xefe de Gobiernu, escoyíu pola cámara baxa (Bundestag) por mayoría de los sos miembros en rexímenes parllamentarios, como Alemaña y Austria.

Eclesiásticu

El canciller ye'l principal archiveru d'actes d'una diócesis o eparquía, o'l so equivalente. El canciller ye un notariu, polo que puede certificar documentos oficiales, y con frecuencia tien otres obligaciones a la discreción del obispu de la diócesis: puede faese cargu de dellos aspeutos de les finances o d'alministrar al personal venceyáu a les oficines de la diócesis, anque la so autoridá delegada nun s'estiende a los vicarios del obispu diocesanu, como'l vicariu xeneral, el vicariu episcopal o'l vicariu xudicial. La so oficina atópase na "cancillería".

Los vicecancilleres pueden ser nomaos p'asistir al canciller nos negocios de la cancillería. Polo xeneral, el canciller ye un sacerdote o diáconu, anque en delles circunstancies una persona ayena a la Ilesia pue ser nomada pal puestu.^[2]

Na curia eparquial un canciller ye un presbíteru o diáconu que la so principal obligación ye supervisar que los actos de la curia tean entamaos como se repara nos archivos de la curia eparquial.^[3]

Universidaes

Cargo de les antigües universidaes del que gociaba de l'autoridá y prerrogatives pontificies y rexes pa otorgar los distintos graos universitarios.
Nes Universidaes Católiques, el Canciller o Gran Canciller ye'l máximu cargu xerárquicu y representante de la Santa Sede.
En munches universidaes del mundu anglosaxón ye la máxima autoridá o rector del gobiernu universitariu.

Ministru

Ministru d'Asuntos Esteriores

En munchos países de Llatinoamérica, avézase a denominar "Canciller" al Ministru o Secretariu d'Asuntos Esteriores o de Rellaciones Esteriores.

Canciller del Échiquier

El Canciller del Échiquier (Chancellor of the Exchequer) ye un ministru del gobiernu británicu, con un papel asemeyáu al d'un ministru d'economía n'otros países. L'actual canciller ye Philip Hammond.

Lord Chancellor

El Lord Canciller (Lord Chancellor) ye un ministru con un papel xudicial, con responsibilidá pa les funciones de tribunales. Antes de 2006 yera tamién presidente de la Cámara de los Lores.

Referencies

↑ «TÉRMINOS DIPLOMÁTICOS». Documento maec.es. Ministerio de Asuntos Exteriores (diciembre de 2015). Consultáu'l 28 d'avientu de 2015.
↑ CIC 482; CCEO 252—§1.
↑ §2. Si ye necesariu, el canciller puede trate asistíu por unu o dellos vicecancilleres, en función del tamañu ya importancia de la eparquía. §3. Tanto'l canciller como'l vicecanciller son por llei notarios de la curia eparquial. Nel Códigu Canónicu de 1983 pal ritu llatín de la Santa Ilesia Católica Apostólica Romana, el canciller puede ser una persona ensin ordenar, y non necesariamente un presbíteru o diáconu. L'oficiu de canciller ye obligatoriu en toles curias diocesanes o eparquiales. La función básica del canciller ye guardar los documentos curiales apropiadamente. Beal, New Commentary on the Code of Canon Law, Paulist Press, Mahwah, NJ, 2000, p.635

Ver tamién

[ter-1] «TÉRMINOS DIPLOMÁTICOS». Documento maec.es. Ministerio de Asuntos Exteriores (diciembre de 2015). Consultáu'l 28 d'avientu de 2015.

[2] CIC 482; CCEO 252—§1.

[3] §2. Si ye necesariu, el canciller puede trate asistíu por unu o dellos vicecancilleres, en función del tamañu ya importancia de la eparquía. §3. Tanto'l canciller como'l vicecanciller son por llei notarios de la curia eparquial. Nel Códigu Canónicu de 1983 pal ritu llatín de la Santa Ilesia Católica Apostólica Romana, el canciller puede ser una persona ensin ordenar, y non necesariamente un presbíteru o diáconu. L'oficiu de canciller ye obligatoriu en toles curias diocesanes o eparquiales. La función básica del canciller ye guardar los documentos curiales apropiadamente. Beal, New Commentary on the Code of Canon Law, Paulist Press, Mahwah, NJ, 2000, p.635

[1]

[2]

[3]