Miguel del Riego

Miguel del Riego
canónigo (es) Catedral d'Uviéu, España	;
canónigo (es) Catedral d'Uviéu, España
Vida
Nacimientu	Tuña, 12 de xunu de 1781
Nacionalidá	España
Muerte	Londres, 27 de payares de 1846 (65 años)
Familia
Padre	Eugenio Antonio del Riego
Hermanos/es	Rafael del Riego
Estudios
Llingües falaes	castellanu
Oficiu	sacerdote católicu

Miguel Eugenio del Riego Flórez (12 de xunu de 1781, Tuña – 27 de payares de 1846, Londres) foi un sacerdote católicu asturianu, canónigu de la catedral d'Uviéu, traductor y editor. Hermanu de Rafael del Riego, exilióse en Londres tres la restauración del absolutismu n'España en 1823.^[2]

Biografía

Fíu d'Eugenio Antonio del Riego y Núñez y de Teresa Flórez de Sierra, venía d'una familia fidalga ya ilustrada asturiana, pero d'escasos recursos. Estudió na Universidá d'Uviéu y en 1803 llogró plaza de canónigu na catedral uvieína. Opuestu a la invasión francesa, formó parte de la Xunta asturiana en representación del conceyu de Tinéu y, contra'l paecer de la mayoría del cabildru catedraliciu, sofitó la supresión de la Inquisición alcordada poles Cortes de Cádiz. Col pronunciamientu del so hermanu Rafael en Las Cabezas de San Juan y la restauración del réxime lliberal, l'obispu d'Uviéu, Gregorio Ceruelo de la Fuente, participante del Manifiestu de los Perses, foi deportáu y Domingo Somoza, ayudante del obispáu na so ausencia, designó a Miguel del Riego p'asocedelu nel cargu, a lo que s'opunxo el cabildru. A finales de 1822, cola autorización d'esti, coló a Andalucía cola so cuñada (Teresa del Riego). Al producise la invasión patrocinada pola Santa Alianza buscó abellugu en Xibraltar. D'ehí marchó pa Londres, u se dedicó al negociu de llibros nuna pequeña llibrería. Morrió ellí en 1846 a los 65 años^[3] .

Referencies

↑ ^1,0 ^1,1 ^1,2 ^1,3 Identificador DBE: 71104/miguel-antonio-del-riego-y-florez.
↑ Carantoña Álvarez, Francisco, «Miguel Antonio del Riego y Flórez», Diccionario biográfico español, Real Academia de la Historia.
↑ «Riego, Miguel del (1781-1846)», Biblioteca Nacional d'España. Datos.

Enllaces esternos

[2f349df783820b5a791a5cdda081a821fcf0b13b-1] 1,0 ^1,1 ^1,2 ^1,3 Identificador DBE: 71104/miguel-antonio-del-riego-y-florez.

[2] Carantoña Álvarez, Francisco, «Miguel Antonio del Riego y Flórez», Diccionario biográfico español, Real Academia de la Historia.

[3] «Riego, Miguel del (1781-1846)», Biblioteca Nacional d'España. Datos.

[2]

[1]

[3]