Paul Feyerabend
Paul Karl Feyerabend (13 de xineru de 1924, Viena – 11 de febreru de 1994, Genolier) foi un filósofu de la ciencia austriacu que más alantre vivió n'Inglaterra, Estaos Xuníos y Nueva Zelanda. Los sos trabayos más conocíos son Escontra'l métodu (Against Method, espublizáu en 1975), y Adiós a la Razón (amestadura de varios escritos espublizáu en 1987).
Paul Feyerabend | |
|---|---|
 | |
| Vida | |
| Nacimientu | Viena[1], 13 de xineru de 1924[2] |
| Nacionalidá |
 Austria [3] Estaos Xuníos [4] Alemaña [5] |
| Llingua materna | alemán |
| Muerte | Genolier[6], 11 de febreru de 1994[2] (70 años) |
| Causa de la muerte | cáncanu de cerebru |
| Estudios | |
| Estudios |
London School of Economics Universidá de Harvard Universidá de Viena |
| Nivel d'estudios | doctoráu |
| Direutor de tesis | Victor Kraft |
| Direutor de tesis de |
Ernst Welti (en)  Thomas Bonk (en) Neil Ryland Thomason (en) |
| Llingües falaes |
alemán inglés[7] |
| Alumnu de | Karl Popper |
| Oficiu | filósofu, profesor universitariu, eruditu |
| Llugares de trabayu | Berlín |
| Emplegadores |
Universidá Llibre de Berlín Universidá de California en Berkeley Universidá de Cambridge London School of Economics Escuela Politéunica Federal de Zúrich |
| Trabayos destacaos |
Contra el método (es) Ciencia en una sociedad libre (es) Killing Time (en) Farewell to Reason (en) |
| Influyencies | Imre Lakatos |
| IMDb | nm0275503 |
 | |
Biografía
editarSoldáu na Segunda guerra mundial aú foi firíu. Nos años 1950 entamó'l so llabor filosóficu como siguidor del positivismu lóxicu del Círculu de Viena, entós baxo la influyencia de Ludwig Wittgenstein y Karl Popper. Treslladóse a Londres pa estudiar col primeru, pero al morrer Wittgenstein, foi asignáu a Popper.
Foi nel London School of Economics aú conoció a Imre Lakatos. Nos años 1970 teníen pensao espublizar un trabayu en común aú los Programes d'investigación científica de Lakatos seríen criticaos por Feyerabend. La repentina muerte de Lakatos fizo que sólo la estaya escrita por Paul fuere espublizada col nome de Escontra'l métodu.
La crítica a la ciencia de Feyerabend foi fecha dende dos frentes. Influyíu por Popper, estudió en fondura la lóxica del métodu científicu, asina como episodios claves na historia de la ciencia.
Feyerabend arguyía que l'adopción estricta de cualesquier métodu (como los iguaos por Lakatos o Popper) yera contraproducente pal desendolcu de la ciencia, al nun permitir la esistencia d'otres teoríes. D'ehí'l so lema too val, que permite ensin bases racionales aniciar nueves teoríes que compitan coles establecíes.
En Adiós a la Razón sofitaba la idea de que'l progresu nun esiste, sólo la sustitución d'unes teoríes por otres, nin meyores nin peores, sólo distintes caúna cola so visión del mundu: la ciencia aseméyase al arte nesque unes modes sustituyen a otres.
Referencies
editar- ↑ Afirmao en: Gemeinsame Normdatei. Data de consulta: 11 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ 2,0 2,1 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: http://www.nytimes.com/2008/01/16/world/europe/16pope.html?ref=europe.
- ↑ «LIBRIS». Biblioteca Nacional de Suecia (2 ochobre 2012). Consultáu'l 24 agostu 2018.
- ↑ Identificador GND: 118532812. Afirmao en: Catalog of the German National Library. Data de consulta: 24 xunetu 2024. Llingua de la obra o nome: alemán.
- ↑ URL de la referencia: http://www.jstor.org/stable/20012546.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
Enllaces esternos
editar
Wikimedia Commons acueye conteníu multimedia sobre Paul Feyerabend.- Stanford Encyclopedia of Philosophy, "Paul Feyerabend" (n'inglés)
- Feyerabend Forum Archiváu 2005-04-03 en Wayback Machine (n'inglés)
Datos: Q78497- Multimedia: Paul Feyerabend
