Torremontalbo
Torremontalbo ye un conceyu de la comunidá autónoma de La Rioxa (España) asitiáu a los pies de la carretera N-232, nes proximidaes de la desaguada del ríu Najerilla nel Ebro. Tien una población de 17 habitantes (INE, 2009) y una estensión de 4,96 km².
 Torremontalbo | |
|---|---|
 | |
| Alministración | |
| País |  España |
| Autonomía |  La Rioxa |
| Tipu d'entidá | conceyu de La Rioxa |
Alcalde de Torremontalbo (es)  | Jorge Manso de Zuñiga Ugartechea |
| Nome oficial | Torremontalbo (es)[1] |
| Códigu postal |
26359 |
| Xeografía | |
| Coordenaes | 42°30′01″N 2°41′06″W / 42.500277777778°N 2.685°O |
  Torremontalbo Torremontalbo (España) | |
| Superficie | 8 km² |
| Altitú | 424 m |
| Llenda con | Baños de Ebro, Cenicero, San Asensio, Uruñuela, Nájera y Hormilleja |
| Demografía | |
| Población |
8 hab. (2023) - 7 homes (2019) - 3 muyeres (2019) |
| Porcentaxe | 0% de La Rioxa |
| Densidá | 1 hab/km² |
| Más información | |
| Estaya horaria | UTC+01:00 |
 | |
Historia
editarLa primer referencia a Montalbo tien llugar nel sieglu XI, cuando'l pueblu foi donáu pol señor Acenaris al Monesteriu de San Millán de la Cogolla. Nel sieglu XIII pasó a manes de la familia navarra Estúñiga.
Formó parte de la provincia de Burgos dende la so creación en 1766 hasta la formación de la provincia de Logroño el 30 de payares de 1833.
Dende'l 10 de marzu de 2010 el despobláu de Somalo se desagregó de Torremontalbo y amestóse al conceyu d'Uruñuela, (Parllamentu de La Rioxa, Llei 3/2010).
Desastre de Torremontalbo
editarEl sábadu 27 de xunu de 1903 escontra los trés de la tarde, socedió'l mayor accidente ferroviariu asocedíu n'España hasta la fecha. El tráxicu sucesu cobróse 44 muertos y más de 80 mancaos.
El tren corréu 160, de la Compañía de Ferrocarriles del Norte, formáu por una llocomotora de vapor, 10 coches de pasaxeros y 7 vagones, salía de madrugada de Bilbao con destín a Zaragoza. Na estación de Miranda de Ebro añader una segunda llocomotora, fechu que nun queda claro del tol por qué. Al llegar al tramu de Torremontalbo y disponese a cruciar la ponte pol que travesaba la vía; la primer llocomotora llegaba a la fin d'ésti cuando daqué fizo que la segunda llocomotora salir de la vía y con ella el restu del convói. Los vagones entornaron y con gran estrueldu topetaron contra les vigues de la ponte y cayeron al calce del ríu Najerilla. Foi tal l'estrueldu, qu'allegaron al llugar los vecinos de la llocalidá vecina de Cenicero pa ver lo asocedío. Una vegada llegaron, atopáronse la llocomotora descarrilada y sol viaductu un amasijo de fierros y maderes de les que salíen les voces de los sobrevivientes. Cunten qu'inclusive Conchita Manso de Zúñiga, fía de los condes de Hervías, que vivía cerca, allegó en socorru de los mancaos y más tarde el so padre, el conde de Hervías, con criaos y xornaleros. Ensin pensa-y lo dos veces los vecinos cenicerenses rescataron en menos de nueve hores ensin medios fayadizos, yá que hasta la media nueche nun llegó'l tren de Logroño col material necesario, a casi tolos mancaos, incluyíos los finaos. Emprestaron auxiliu, recursos y agospiamientu nes sos propies cases a los accidentaos, una y bones los centros de salú y hospitales improvisaos taben enchíos, y soterraron nel so campusantu los cadabres.
Accidente de tren en Torremontalbo, La Rioxa Accidente de tren en Torremontalbo, La Rioxa Según l'informe pericial encargáu pol xuez pal xuiciu del casu, los motivos de tal catástrofe fueron: la ponte y la vía atópase en bien mala traza de caltenimientu, amás consideraron que la velocidá del tren yera escesiva. La investigación foi abondo probe. Llegaron a concluyir que la causa del desastre fuera'l conxuntu o cada unu de los factores enantes dichos, y que yera un milagru” que nun asocediera antes. Los contra informes sicasí dan la so teoría sobre l'accidente. Lo más probable ye que fallara la gabita ente les llocomotores y el movimientu repentín de vaivén resultante provocara l'escarrilamientu. Finalmente cerróse'l xuiciu ensin nengún culpable y ensin que se supiera a ciencia cierta les causes de la catástrofe.
Lo que ye almirable d'esti pequeñu retazu de la nuesa hestoria, ye'l calter humanitariu qu'amosaron tolos vecinos de la contorna ensin distinción de clases, emprestando tola so ayuda p'atender a les víctimes del accidente. Dalgunos finaron en dicha aición, exhaustos polos sos esfuerciu como pudo ser el guardia civil perteneciente al puestu de Badarán; Manuel Castor Aguirre, al cual quiero face-y un pequeñu homenaxe dende equí, al igual qu'a los habitantes del pequeñu conceyu de Torremontalbo y Cenicero, nos qu'ensin dala dulda entá recuerden esti sucesu como si fora ayeri, en pasando de xeneración en xeneración les vivencies d'eses persones qu'un día ensin más se vieron enchíes ya impotentes ante un acontecimientu d'estes dimensiones pa les que nunca se ta preparáu, y fai que florie'l verdaderu calter y sentimientu humanu que realmente nos fai persones. Cenicero ganó'l títulu de «Ciudá Bien Humanitaria». Y en 1904 Alfonsu XIII concéde-yos el “Títulu de Ciudá”. Como bien dixo l'escritor Mariano de Cavia “Al pasar por Cenicero hai que quitar el sombreru”. Amás a la moza Doña Concepción Manso de Zúñiga foi-y dada la gran Cruz de Beneficencia pola so heróica llabor aidando a los mancaos.
Llugares d'interés
editarEdificio y Monumentos
editar- Torre de los Condes de Hervías. Constuida ente los sieglos XIV y XV sobre un torrexón romanu que protexía'l ríu Najerilla na vía romana ente Briones, Cenicero y Dime.
- Ilesia de Santu Domingo de Silos. Construyida a finales del sieglu XVIII. Ta adosada a Casar Palaciu de la llocalidá, y cuenta con una ventana que comunica con una habitación de dichu palaciu pa siguir los oficios relixosos.
La torre ye una construcción de planta cuadrada de 12,50 metros de llau y 2 metros de grosez de muriu. Tien planta baxa y cinco pisos, anque orixinalmente namái tenía planta baxa y otros trés pisos, sobre vigues de madera. Los pocos vanos orixinales tán distribuyíos nel segundu pisu y nel postreru, tratándose d'unos ventanales geminados. A empiezos del sieglu XIX les almenes fueron sustituyíes por un teyáu a cuatro vertientes y añader un áticu de piedra y madera. Nuna pilastra de la estructura de la cara oeste caltiénse un escudu del sieglu XVI que correspuende a la familia Zuñiga.
Demografía
editarEl conceyu, que tien una superficie de 4,96 km²,[2] cuenta según el padrón municipal pa 2017 del INE con 12 habitantes y una densidá de 2,42 hab./km².
| Gráfica d'evolución demográfica de Torremontalbo ente 1842 y 2017 |
 |
|
Población de derechu según los censos de población del INE.[3] Población según el padrón municipal de 2017.[4] |
Economía
editarEvolución de la delda viva
editarEl conceutu de delda viva contempla namái les deldes con caxes y bancos relatives a creitos financieros, valores de renta fixa y préstamos o creitos tresferíos a terceros, escluyéndose, poro, la delda comercial.
Ente los años 2008 a 2014 esti conceyu nun tuvo delda viva.[5]
Ver tamién
editarReferencies
editar- ↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
- ↑ Institutu Nacional d'Estadística (ed.): «Población, superficie y densidá por conceyos.». Archiváu dende l'orixinal, el 21 de setiembre de 2013.
- ↑ «Cifres de población y Censos demográficos». Archiváu dende l'orixinal, el 2015-05-26.
- ↑ Institutu Nacional d'Estadística (ed.): «Nomenclátor: Población del Padrón Continuu por Unidá Poblacional».
- ↑ «Ministeriu de Facienda y Alministraciones Públiques. Delda Viva de les Entidaes Llocales». Archiváu dende l'orixinal, el 2016-09-11.
Datos: Q1636263
Multimedia: Torremontalbo
