Eudyptula minor
Los Pingüinos azules (Eudyptula minor), conocíos tamién como Pingüinos pequeños o Pingüín de la fada,[1] son la especie de pingüinos más pequeña y viven nes mariñes de Nueva Zelanda y les islles Chatham, al igual que nel sur d'Australia y Tasmania. Tamién se vieron na chilena isla Chañaral en 1996, na sablera de Santu Domingu (el 16 de marzu de 1997), pero nun ta claru si estes aves tresmanárense. Tamién se suxirió que puede haber colonies entá por afayar na parte chilena de la Patagonia. Apocayá foi columbráu un pingüín azul vivu en Namibia, na isla Ichaboe, n'abril de 2005. Hai munches subespecies, pero una clasificación precisa d'estes entá ta siendo aldericada[ensin referencies].
Eudyptula minor  | ||
|---|---|---|
 | ||
| Estáu de caltenimientu | ||
 Esmolición menor (IUCN) | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Sphenisciformes | |
| Familia: | Spheniscidae | |
| Xéneru: | Eudyptula | |
| Especie: |
E. minor (J.R.Forster, 1781) | |
| Consultes | ||
| [editar datos en Wikidata] | ||
Descripción
editarTal que el so nome indica, el so plumaxe tien una coloración azul que los caracteriza.
La talla habitual ye de 40 centímetros d'altor y un pesu d'aproximao un kilogramu. Viven tol añu en grandes colonies, con cada pareya formando un nial nel cual criar a los sos pitucos, que suelen nacer de dos en dos.
Como tolos pingüinos, son aves afeches a la vida acuática, asina que la so alimentación consiste en pexe, calamares y otros pequeños animales marinos.
Anque nun tán en peligru d'estinción en xunto, les colonies n'árees con una actividá humana significativa tán amenaciaes pola polución y los animales selvaxes.
Los pingüinos azules suelen volver a les sos colonies p'alimentar a los sos pitucos al anochecer; tienden a salir del mar en grupos pequeños pa tener dalguna defensa contra dellos depredadores qu'ataquen a preses individuales.
En Phillip Island, al sureste de Melbourne, habilitóse una área de oteo pa dexar a los turistes ver el "desfile de los pingüinos" cada nueche. Instaláronse lluces pa dexar a los visitantes ver pero NUN fotografiar a los páxaros interactuando nes sos colonies, lo cual faen ensin el más mínimu interés nos sos espectadores. Los páxaros, a los cualos la mayoría de turistes atopen irresistiblemente encantadores, son l'atracción turística más popular de Victoria. La Oamaru Blue Penguin Colony ye l'equivalente en Nueva Zelanda del "desfile de los pingüinos" de Phillip Island.
Pingüinos azules en Sía World
editar
Tamién hai una colonia de pingüinos azules nel SeaWorld de la Costa Daurada, en Queensland, Australia, a la que pertenez la fotografía de la derecha.[2]
Referencies
editar- ↑ Gilpin, Daniel (2007). «capítulu 3, subcapítulo 4», PINGÜINO. Parragon Books Ltd. ISBN 978-1-4075-2733-8.
- ↑ «Puntu Pingüinos azues del parque Sía World (Queensland, Australia)». Consultáu'l 09/08/2015.
Enllaces esternos
editar
Wikimedia Commons tien conteníu multimedia tocante a Eudyptula minor.- Pingüinos azules en New Zealand Penguins Archiváu 2006-02-10 en Wayback Machine
- Penguins: Little (Blue) Penguins - Eudyptula minor na páxina del International Penguin Conservation Working Group
- Páxina de Philip Island Nature Park
| Wikispecies tien un artículu sobre Eudyptula minor. |
Datos: Q203628- Multimedia: Eudyptula minor
Especies: Eudyptula minor
