Fairuza Balk

actriz estauxunidense

Fairuza Alejandra Balk (21 de mayu de 1974Point Reyes Station (es) Traducir), tamién conocida como Fairuza Balk, ye una actriz y cantante d'Estaos Xuníos. Ye conocida poles sos interpretaciones en The Craft (1996) y The Waterboy (1998), y 10 años enantes en Oz, un mundu fantásticu, de Walt Disney Pictures.

Fairuza Balk
Vida
Nacimientu Point Reyes Station (es) Traducir[1]21 de mayu de 1974[2] (49 años)
Nacionalidá Bandera de Estaos Xuníos d'América Estaos Xuníos
Estudios
Estudios Bush Davies School of Theatre Arts (en) Traducir
Llingües falaes inglés[3]
Oficiu actriz infantil, actriz de cine, actriz de voz, músicaactriz de televisión
IMDb nm0000103
fairuza.org
Cambiar los datos en Wikidata

Biografía editar

Infancia editar

La so madre, Cathryn Balk, descendiente de franceses y irlandeses, yera profesora de danza del banduyu y de flamencu.[4] El so padre, Solomon Feldthouse, yera músicu folk xitanu itinerante.[5] Nació en Pingry, Idaho, y treslladóse a Turquía a los diez años, onde permaneció 6 años y aprendió la música griega, turca y la persa. Al nacer ella, el so padre esclamó, al ver los sos güeyos azules: "¡Fairuza!", que significa "turquesa" en persa.

Dempués de la separación de los sos padres, pasó a vivir cola so madre, y viaxó y camudó de residencia de cutio. Creció al norte de San Francisco, California, nun ranchu comuñal. Dempués la so madre foi trabayase a Vancouver, Canadá, cuando ella tenía 9 años. A los 11 años treslladóse a Londres, y ellí estudió n'importantes escueles de ballet y teatru.

Estrella infantil editar

Foi escoyida por Walt Disney ente 1.200 neñes pa interpretar el papel de Dorothy Gale, na película Oz, un mundu fantásticu, una secuela de la película El magu de Oz, de 1939. Esti nun foi'l so primer papel (antes, en 1983, apaeciera nun telefilme intitulado The Best Christmas Pageant Ever), pero sí'l so primer papel importante como actriz. Dempués d'esti papel y otros menores, en 1988 treslladóse a París, onde siguió trabayando como actriz. En 1989 tornó a Vancouver, onde cursó los sos estudios de secundaria.

Carrera editar

Decidió estudiar per correspondencia y treslladase a Hollywood y dir creciendo como actriz. En 1992 recibió'l Independent Spirit Award como meyor actriz na película Área de serviciu. Dellos años más tarde apaeció na película The Craft, onde interpretó a una bruxa adolescente, al llau de Nieve Campbell, Rachel True y Robin Tunney. Curiosamente, Fairuza estudió wicca na vida real y pertenecía a una asociación que practicaba esta relixón, que más tarde abandonaría. Fairuza interpretó depués a una neonazi en Historia americana X (1998), y trabayó depués en La isla del doctor Moreau (1996) y en The Waterboy (1998), esta postrera con Adam Sandler. Dende'l 2000 apaeció nuna docena de películes y emprestó la so voz a personaxes de películes d'animación y de dalgunos videoxuegos, como Grand Theft Auto: Vice City. Por casu, ye la voz de Mercedez, la fía de Cortez nel revesosu xuegu GTA Vice City. Amás, participó nel videoclip del cantar Natural Blues, del cantante Moby, onde apaez como la so novia.

Vida privada editar

Fairuza vive en Venice, California, y tien un apartamentu en Nueva York. Amás de ser actriz, escribió poesía y ficción, toca la guitarra y fai baille y danza. Tuvo rellaciones amoroses col actor inglés David Thewlis, que compartió cartelu con ella en La isla del doctor Moreau, y con C.M. Talkington, direutor y escritor de la película de cultu Love and a .45.

Otres carauterístiques personales editar

Filmografía editar

Añu Película Personaxe Direutor
1985 Oz, un mundu fantásticu Dorothy Gale Walter Murch
1986 The Worst Witch Mildred Hubble Robert Young
1988 The Outside Chance of Maximilian Glick Celia Brzjinski Allan A. Goldstein
1989 Valmont Cecile Miloš Forman
1992 Área de serviciu Shade Allison Anders
1994 Crímenes imaxinarios Sonya Weiler Anthony Drazan
1994 Tollbooth Doris Salomé Breziner
1995 Things to Do in Denver When You're Dead Lucinda Gary Fleder
1996 Nuevos y bruxes Nancy Downs Andrew Fleming
1996 La isla del doctor Moreau Aissa John Frankenheimer
1997 L'americanu perfectu Alice Thomas Paul Chart
1997 Llazos de muerte Bella Sotto Tim Hunter
1998 Historia americana X Stacey Tony Kaye
1998 L'Aguador Vicki Vallencourt Frank Coraci
2000 Inxusta condena Gretchen Van Buren Bradley Battersby
2000 Cuasi famosos Shappire Cameron Crowe
2002 Intimidaes Paula Rebecca Miller
2002 Mozos selvaxes Annie Scott Kalvert
2005 What Is It? Snail (voz) Crispin Glover
2005 Don't Come Knocking Amber Wim Wenders
2005 A Year and a Day Lola Robert Lane
2006 Wild Tigers I Have Known Madre de Logan Cam Archer
2007 Humboldt County Bogart Darren Grodsky, Danny Jacobs
2008 Grindstone Road Hannah Paul Germann
2009 Bad Lieutenant: Port of Call New Orleans Heidi Werner Herzog
2010 Thick Year Voz en mensaxe Cam Archer
2013 Dose of Reality Rose Christopher Glatis
2013 Another Stateside Rifka Post

producción

Referencies editar

  1. Afirmao en: Library of Congress Authorities. Identificador d'autoridá de la Biblioteca del Congresu d'EEXX: no97037813. Data de consulta: 1r abril 2022. Editorial: Biblioteca del Congresu d'Estaos Xuníos. Llingua de la obra o nome: inglés.
  2. Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
  3. Afirmao en: CONOR.SI. Identificador CONOR.SI: 8583011.
  4. Mother gipsy
  5. Sobre'l padre xitanu de Fairuza Balk (n'inglés)
  6. "Yo soi una Rom, y poner nel mio brazu por que tol mundu ver."

Enllaces esternos editar