Phoenicopterus ruber
Phoenicopterus ruber ye una ave de la familia Phoenicopteridae que vive n'árees tropicales d'América, incluyendo les Antilles, la península de Yucatán, el norte de Colombia y Venezuela, nes islles Galápagos y nel norte d'Hondures. Nun se conocen subespecies.
Phoenicopterus ruber  | ||
|---|---|---|
 | ||
| Estáu de caltenimientu | ||
 Esmolición menor (IUCN) | ||
| Clasificación científica | ||
| Reinu: | Animalia | |
| Filu: | Chordata | |
| Subfilu: | Vertebrata | |
| Clas: | Aves | |
| Orde: | Phoenicopteriformes | |
| Familia: | Phoenicopteridae | |
| Xéneru: | Phoenicopterus | |
| Especie: |
P. ruber Linnaeus, 1758 | |
| Distribución | ||
 | ||
| Consultes | ||
| [editar datos en Wikidata] | ||
Descripción
editar
El flamencu del Caribe algama de 1,20 a 1,40 m d'altor. Ye una ave espodada: el machu pesa en permediu 2,8 kg y la fema 2,2 kg. Ye'l flamencu más grande del continente, y el segundu del mundu, superáu pol flamencu común (Phoenicopterus roseus). El so color puede variar dende'l rosa pálidu hasta un carmesí o bermeyón, dependiendo de la zona onde viva y de la cantidá de crustáceos con altos conteníos carotenoides que peracaba.
Hábitat
editarEl flamencu del Caribe puede trate en llagos pocu fondos y agües costeres. Ta especializáu n'alimentase en llagos con grandes concentraciones salines o alcalines. Llogra'l so alimentu dende'l sedimentu limoso del fondu. Estes agües contienen abondu alimentu pa satisfaer a un gran númberu d'estes aves, que peracaben inseutos, camarones y pequeñes plantes, diatomees y otres algues.
Comportamientu
editarEl flamencu del Caribe vadea per agües someres, fai baxar el so llargu pescuezu y, sobre l'agua, al traviés del so picu vueltu escontra riba, aliméntase: dientro del picu, distintos animales pequeños son recoyíos ente unes fines plaques (lamelas), dispuestes como les laminuques d'un peñe, ente les cualos pasa l'agua. Los llagos fayadizos son pocos y tán alloñaos ente sigo, y estes aves tienen de percorrer grandes distancies dende un llugar d'alimentación a otru, con frecuencia en grandes bandaes.
Reproducción
editarLa fema pon, ente mayu y agostu, un solu güevu, blancuciu como tiza. Dambos, la fema y el machu, guaren el güevu por un periodu de 28 a 32 díes hasta que eclosiona, y tamién dambos padres curien de la cría hasta la so maduración sexual, que puede tardar 6 años. Les críes nacen con plumaxe acoloratáu como los adultos, pero a los pocos díes esti plumaxe tórnase abuxáu. La llonxevidá esperada del flamencu ye de 40 años, una de les más llargues dientro de les aves.
Referencies
editar- BirdLife International: [1] y [2] (2004). Phoenicopterus ruber. 2006 Llista Roxa d'Especies Amenazaes IUCN. IUCN 2006. Consultáu'l 12 May 2006.
- Studer-Thiersch, A. 1975. Die Flamingos. pp. 239-245 in: B. Grzimek (editor): Grzimeks Tierleben. Vol. 7/1 Vögel. DTV (1980) München, nach Kindler Verlag AG Zurich 1975-1977.
Enllaces esternos
editar
Wikimedia Commons tien conteníu multimedia tocante a Phoenicopterus ruber.
| Wikispecies tien un artículu sobre Phoenicopterus ruber. |
- Animaciones tomográfiques computarizadas en 3D amosando l'anatomía de la cabeza del flamencu del Caribe (n'inglés).
Datos: Q208004- Multimedia: Phoenicopterus ruber
Especies: Phoenicopterus ruber
